Премьер-министр Джастин Трюдо жана аялы Софи Грегуар Трюдо

Канаданын өкмөт башчысынын аялы коронавирустан айыкканын билдирди

139
(жаңыланган 11:43 29.03.2020)
Грегуар-Трюдонун ооруп калганы мындан эки апта мурда белгилүү болгон. Мындай кабар алынган анализдин жыйынтыгы аныкталгандан кийин тараган.

БИШКЕК, 29-мар — Sputnik. Канаданын өкмөт башчысы Жастин Трюдонун жубайы Софи Грегуар-Трюдо коронавирустан айыкты. Бул туурасында ал Facebook тармагындагы баракчасына жазды.

Канада премьер-министринин өмүрлүк жубайынын COVID-19 вирусун жуктуруп алганы 13-мартта белгилүү болгон. Бул окуядан кийин анын күйөөсү, өкмөт башчы элден обочолонуп, үйдөн иштөөгө өткөн.

"Жакшы жаңылык менен бөлүшөйүн, бир топ оңолуп калдым. Андан сырткары, Оттаванын Саламаттык сактоо департаменти жана дарыгеримден жакшы кабар алдым. Медициналык текшерүүнүн жыйынтыгы жакшы чыкты", — деп жазган Трюдо Facebook тармагындагы баракчасына.

Учурда Канадада коронавирус 5655 адамга жугуп, алардын ичинен 61и каза тапкан. 466 киши айыгып кеткен.

139
Белгилер:
коронавирус, Жастин Трюдо, Канада
Тема:
Кытайдагы жаңы типтеги коронавирус (756)
Тема боюнча
Россиялык белгилүү ырчы Лев Лещенкодон коронавирус аныкталды
Бишкектин ичинде жүрүүгө электрондук уруксат кагаздары берилмей болду
Коронавирус: элден түшкөн акчаны бөлүштүрүү үчүн комиссия түзүлдү

Тизелеп, тилектештикти билдирип… АКШ полициясынын видеосу

18
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

18
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт
Телефон колдонуп жаткан кыз. Архив

Телефон тыңшоодо экенин кантип билүүгө болот. Адистин кеңеши

330
(жаңыланган 11:23 04.06.2020)
Тыңшоочу аппараттын түрлөрү көп, алар легалдуу жана легалдуу эмес деп бөлүнөт. Бирок муну тактоо оңой эмес.

БИШКЕК, 4-июн. — Sputnik. Телефонго ээси орнотпосо да кошумча программалык камсыздоонун кирип калганы аппараттын тыңшоодо экендигинен кабар берет. Бул тууралуу TelecomDaily маалымат-аналитикалык агенттигинин башчысы Денис Кусковдун айтканына таянуу менен РИА Новости жазып чыкты.

Маалыматка ылайык, уюлдук аппараттын өзүнөн өзү өчүп-күйүп, колдонулбаса деле кубаттуулугу түгөнө бергенинде да мандем бар.

Кусковдун айтымында, тыңшоочу аппараттын түрлөрү көп, аларды легалдуу жана легалдуу эмес деп бөлүүгө болот. Бирок муну билүү оңой иш эмес, ал үчүн кымбат аппарат керектелет.

Ошондой эле смартфондун кубаттуулугу бат эле түгөнүп калса, демек кайсы бир программа фондук режимде иштеп жатат. Муну дагы тактап алуу керек.

330
Белгилер:
программа, аппарат, телефон
Тема боюнча
Кооптуу делген смартфондор аталды
ЖК депутаты Айсулуу Мамашова

Мамашова: сот ажатканада 13 жаштагы кызды зордуктаган баланы актап жиберди

51
(жаңыланган 12:27 04.06.2020)
Депутаттын айтымында, сот шектүүнү актап, кайра жабырлануучу кыздын апасына шектүүгө моралдык чыгым төлөп беришин милдеттендирген.

БИШКЕК, 4-июн. — Sputnik. Бишкектеги соода борборлорунун биринин ажатканасында 13 жаштагы кызды зордуктоого шектелген 22 жаштагы жигитти сот актап жиберди. Бул туурасында депутат Айсулуу Мамашова парламенттин жыйынында билдирди.

Анын айтымында, бул ишти Биринчи Май райондук сотунун судьясы Айбек Эрнис уулу карап, "кыз зордукталган эмес" деген чечим чыгарып, шектүүнү жазадан бошоткон. Аны менен катар эле жабырлануучу кыздын апасына шектүүгө моралдык чыгым төлөп беришин милдеттендирген. Мындан улам алар райондук соттун чечимине нааразы болуп, шаардык сотко кайрылып, андан да утулуп калган. Учурда Жогорку сотко даттанып жатышат.

"Жакында эле Балдарды коргоо күнүн белгилеп, куттуктадык. Бирок мага Bishkek Park соода борборунун ажатканасында зордукталган 13 жаштагы кыздын энеси менен адвокаты кайрылды. Далилдери бар экенине, экспертизанын корутундусу чыкканына карабай, көпчүлүккө белгилүү судья Айбек Эрнис уулу (экс-депутат Өмүрбек Текебаевдин ишин караган) шектүү баланы актап жиберди. Ал жаш балдар лагеринде иштеп жүрчү экен. Тилекке каршы, анын башка кыздарды да зордуктаганы боюнча күбөлөр айткан. Бирок бүгүнкүгө чейин ал эркиндикте жүрөт. Себеби анын органдарда иштеген туугандары бар экен. Мындай адамдар түрмөдө отурушу керек болчу", — деди Мамашова.

Ошондой эле депутат кыздын апасына төлөөгө милдеттендирилген моралдык чыгымдын суммасын шектүү тарап өзү аныктамай болгонун билдирди.

"Судья Эрнис Айбек уулуна аябай нааразымын, уят деген болуш керек да, жаш кыздын тагдырын ойлобойбу. Жогорку сотко барганда калыс карап беришин суранам. Прокурорлор дагы жаш кыздын кызыкчылыгын коргой албай жатат", — деп кайрылды депутат.

Эл өкүлүнүн айтымында, окуя 2016-жылы болгон, сот иштери ошондон бери уланып жатат.

51
Белгилер:
баш тартуу, сот, зордуктоо, депутат, Айсулуу Мамашова
Тема боюнча
Ноокенде 10 жаштагы кызды зордуктады делген адамга сот чечим чыгарды