Россияда коронавируска каршы күрөшчү үч каражат чыгарылды

© Sputnik / Евгений Епанчинцев / Медиабанкка өтүүБейтаптардан алынган анализдер. Архив
Бейтаптардан алынган анализдер. Архив - Sputnik Кыргызстан
Жазылуу
Окумуштуунун айтымында, үчөө тең Россиянын Саламаттык сактоо министрлигин кызыктырып, жаңы вирус менен күрөшүүдө артыкчылуктуу каражат катары каралып жатат.

БИШКЕК, 30-мар. — Sputnik. Россияда коронавирус пайда кылган инфекция менен күрөшө алчу үч дары чыгарылды. Бул тууралуу Россиянын Илимдер академиясынын кызматкери, академик Владимир Чехонинге шилтеме берип РИА Новости жазды.

Окумуштуунун айтымында, академия бир нече жыл мурда триазавирин каражатын ойлоп тапкан, учурда ага кытайлык илимпоздор кызыгып жатат.

"Азыр анын ингаляция жолу менен дарылоочу формасын чыгардык, респиратордук вирустук инфекцияны жок кылууга пайдаланса болот. COVID-19 вирусун дарылоого мүмкүнчүлүгү бар. Эми препаратты лабораториялык сыноодон өткөрүү керек", — деди Чехонин.

Обсервационный центр в Мурманской области - Sputnik Кыргызстан
COVID-19 жайылган түштүк регионго Бишкектен дарыгерлер тобу жөнөп кетти. Видео
Ошондой эле Органикалык синтез институту Москвадагы Органикалык химия институту менен биргеликте Россиянын фармацевтикалык өндүрүшүнүн бардык талаптарына жооп берген, вируска каршы фавипиравир дарысын иштеп чыгышты. Бул каражат дагы сыноого даяр.

Фортепрен аттуу үчүнчү каражат Гамалея атындагы улуттук эпидемиология жана микробиология институтунда даярдалган.

"Фортепрен тууралуу айтсак, ал кишилерге дагы сыналды. Азыр каттоодон өтүп жатат. Андан соң каражатты биз сөз кылып жаткан COVID-19 вирусу менен кандай күрөшө аларын сынап көрсө болот", — деди илимпоз.

Чехониндин айтымында, бул үчөө тең Россиянын Саламаттык сактоо министрлигин кызыктырып, жаңы вирус менен күрөшүүдө артыкчылыктуу каражат катары каралууда.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка караганда, учурда дүйнө жүзү боюнча 723 328 киши коронавируска кабылды. Алардын арасынан 34 005и каза таап, 151 991 бейтап сакайды. Ал эми Кыргызстанда акыркы маалымат боюнча вирус жуктуруп алгандардын саны — 84.

Жаңылыктар түрмөгү
0