Мадриддеги тез жардам кызматкерлери пациентти ооруканага жеткирүүдө. Архивдик сүрөт

Испанияда 12 миңден ашык медик коронавирус жуктуруп алды

527
(жаңыланган 18:13 30.03.2020)
Бул сан жалпы жуктуруп алган бейтаптардын 14 пайызын түзөт. Дүйнө жүзү боюнча бул эң жогорку көрсөткүч болуп эсептелет.

БИШКЕК, 30-мар. — Sputnik. Испанияда 12 миңден ашык медицина кызматкери коронавирус жуктуруп алганы аныкталды. Бул тууралуу аталган өлкөнүн Саламаттык сактоо жана өзгөчө кырдаалды алдын алуу координациялык борборунун өкүлү Мария Хосе Сьеррага таянып РИА Новости билдирди. 

"Бүгүн эртең менен медицина тармагынан 12 298 кызматкердин коронавирус жуктуруп алганы аныкталды", — деген Сьерра.

Бул сан жалпы жуктуруп алган бейтаптардын 14 пайызын түзөт. Дүйнө жүзү боюнча бул эң жогорку көрсөткүч болуп эсептелет.

27-март күнү эле 9500 дарыгер коронавирус жуктуруп алганы айтылган.

Саламаттык сактоо министрлигинин өкүлү ооруган дарыгерлердин басымдуу бөлүгү үйлөрүндө экенин да айтып кеткен.

Акыркы маалыматтар боюнча, Испанияда коронавирус жуктуруп алгандардын саны 85 200гө жетип, андан 7340 адам каза болду.

527
Белгилер:
инфекциялык оору, дезинфекция, дарыгер, коронавирус, Испания
Тема:
Кытайдагы жаңы типтеги коронавирус (763)
Тема боюнча
Трамп: АКШда коронавирустан 200 миңдей киши өлсө жакшы көрсөткүч деп эсептейм
Чолпонбаев: алгачкы үч бейтап үй-бүлө мүчөлөрүнө коронавирус жуктурган
Боронов: эгер өлкөдө коронавирус боюнча кырдаал өзгөрбөсө, ӨА режими узарат
Facebook соцтармагы. Архивдик сүрөт

Facebook расизмге каршы аракет көрө баштады

18
Жакында эле дүйнөлүк ЖМКлар Facebook афроамерикалыктарды кемсинткен постторду жазган 190 миң аккаунтту өчүрүп салганын жазды.

БИШКЕК, 7-июн. — Sputnik. Facebook компаниясынын жетекчиси Марк Цукерберг афроамерикалык Жорж Флойддун өлүмүнөн кийин өзү негиздеген социалдык тармак расалык теңчилик боюнча жаңы саясат баштаарын билдирди. Бул тууралуу "Известия" басылмасы жазды.

"Биз расалык теңчиликке үгүттөө  боюнча жаңы кадамдарды таштай баштадык. Албетте, АКШдагы жана дүйнөдөгү улутчулдукту жана теңсиздикти жеңүү кыйын, бирок биз бул нерсеге кичинекей болсо дагы салым кошушубуз керек", — деди Цукерберг.

Анын айтымында, теңсиздик, бийлик тараптан коркутуп-үркүтүү боюнча билдирүүлөргө карата жаңы талаптар жана жоопкерчилик иштелип чыгат.

"Компаниянын азыркы саясаты деле зордук-зомбулукка жол бербейт. Кайсы бир тарапка карата зомбулук тууралуу пост болсо, аны жок кылып салуу туура деп ойлойбуз. Дагы талкуулар болуп жатат", — деди компания негиздөөчүсү.

Жакында эле дүйнөлүк ЖМКлар Facebook афроамерикалыктарды кемсинткен постторду жазган 190 миң аккаунтту өчүрүп салганын кабарлады.

Эске салсак, Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

18
Белгилер:
Марк Цукерберг, Facebook, АКШ
Тема боюнча
Кокусунан кетирген катадай эмес. Facebook неге актанды?
АКШ соту Facebook компаниясын 5 млрд. доллар айыпка жыкты. Себеби
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

100
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

100
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Кыргызстан футбол курамасы. Архивдик сүрөт

Дүйнө чемпионатына жолдомо: КР футболчуларынын оюнга чыкчу күндөрү айтылды

21
Мурдагы график боюнча Кыргызстан командасынын тандап алуу турлары марттан июнь айына чейин өтүшү керек эле, бирок коронавирус пандемиясынан улам жылдырылган.

БИШКЕК, 7-июн. — Sputnik. Кыргызстан футбол союзу 2022-жылкы Дүйнө чемпионатына тандап алуу оюндардын боюнча болжолдуу датасын жарыялады.

Улуттук курама команда өткөн жылы Тажикстан, Мьянма, Монголия, Япония өлкөлөрүнүн футболчулары менен төрт жолу беттешкен. Ал эми экинчи айлампада 2019-жылы ноябрь айында Тажикстан менен ойногон. Калган таймаштар март-июнь айларына белгиленген болчу. Бирок коронавирус пандемиясынан улам мелдештер жылган.

Мындан улам оюндарды күздө өткөрүү пландалууда.

  • Мьянма — Кыргызстан (конокто) — 13-октябрь;
  • Кыргызстан — Монголия (өз үйүндө) — 12-ноябрь;
  • Япония — Кыргызстан (конокто) — 17-ноябрь.

Учурда F тайпасында Кыргызстан экинчи орунда турат.

21
Белгилер:
график, дүйнө чемпионаты, дүйнө, оюн, футбол, Кыргызстан
Тема боюнча
Франциялык футболчу дүйнө чемпионатында алган алтын медалын сатып жиберди
Кирешеси 1 млрд. долларга жете турган биринчи футболчунун ысымы аталды