Россия лидери Владимир Путин жана АКШ президенти Дональд Трамп. Архив

Путин менен Трамп телефон аркылуу сүйлөштү

636
(жаңыланган 18:22 22.04.2020)
Эки президент мунай затынын дүйнөлүк баасы боюнча пикир алышып, энергетика министрлеринин деңгээлиндеги кеңешүүлөрдү жүргүзүүнү макулдашкан.

БИШКЕК, 30-мар. — Sputnik. Россия лидери Владимир Путин АКШ президенти Дональд Трамп менен телефон аркылуу кооптондурган коронавирустун дүйнөгө таркап жатканы боюнча сүйлөштү. Бул тууралуу Кремлдин маалымат кызматы билдирди.

Андан сырткары, бул коркунучка каршы турууда көрүлүүчү чаралар туурасында бири-бирине маалымат берип, ой бөлүшкөн.

Эки президент мунай затынын дүйнөлүк баасы боюнча пикир алышып, энергетика министрлеринин деңгээлиндеги кеңешүүлөрдү жүргүзүүнү макулдашканы кабарланды.

Алар жеке байланыштарды улантып турууну да сүйлөшкөн.

Буга чейин Трамп Fox News телеканалынын эфиринде Путин менен мунай затынын баасын, соода жана коронавируска каршы күрөшүү жаатында сүйлөшө тургандыгын айткан эле.

“Россия менен ынтымакта болуу - жакшы”, - деген ал.

Трамптын айтымына караганда, мунай затынын баасынын төмөндөп кетиши Москва менен Эр-Рияддын ортосундагы “согуштун” кесепети болду.

636
Белгилер:
Мунай, коронавирус, Дональд Трамп, Владимир Путин, АКШ, Россия
Тема:
Кытайдагы жаңы типтеги коронавирус (763)
Тема боюнча
Путин Асадга Трампты Дамаскиге чакырууну сунуштады
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

82
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

82
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Коронавирус менен күрөшкөн медиктер. Архивдик сүрөт

G20 өлкөлөрү коронавирус менен күрөшүүгө 21 миллиард доллар бөлөт

50
(жаңыланган 19:33 06.06.2020)
Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

БИШКЕК, 6-июн. — Sputnik. G20 мамлекеттери коронавирус менен күрөшүүгө 21 миллиард доллар бөлөт. Бул туурасында РИА Новости жазды.

Бул каражаттар вакцина чыгарууга, диагнозду аныктоого, дарылоого жана иликтөөлөрдү жүргүзүүгө жумшалат.

"G20 чакырылган өлкөлөр менен биргеликте COVID-19 пандемиясына каршы күрөшүүнү колдоо боюнча өз күчүн жумшайт. Азыркы тапта G20 мүчөлөрү жана чакырылган өлкөлөр дүйнөдөгү бардык саламаттык сактоо тармагына каржылык колдоо көрсөтүү үчүн 21 миллиард доллар бөлөт", — деп жазылат билдирүүдө.

Бүгүнкү күндө COVID-19 планетадагы бардык мамлекеттерди каптады. Дүйнөлүк саламаттыкты сактоо уюмунун соңку маалыматы боюнча, вирус 6,5 миллиондон ашуун адамга жугуп, 387 миң бейтап каза тапты.

50
Белгилер:
G20, каражат, вакцина, коронавирус
Тема:
Кытайдагы жаңы типтеги коронавирус (763)
Тема боюнча
Кыргызстанда өткөн суткада 20 бейтап коронавирустан айыкты
Россияда коронавируска каршы вакцина кийинки жумада чыгып, акысыз берилет
Москвада коронавирустан улам кирген чектөөлөр качан алынары айтылды
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

187
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

187
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео