Таиланд королу Маха Ватчиралонгкон Бодинтхаратхеппхаяварангкун. Архивдик сүрөт

Таиланддын королу коронавирустан 20 күң кызы менен мейманканада сактанууда

2052
(жаңыланган 17:26 31.03.2020)
Bild немец басылмасынын маалыматына ылайык, Таиланддын 67 жаштагы королу төрт жылдыздуу Grand Hotel Sonnenbichl мейманканасынын бардык номерин сатып алган.

БИШКЕК, 31-мар. — Sputnik. Таиланддын королу Маха Вачиралонгкорн коронавирустан коргонуп, Бавариянын Гармиш-Партенкирхен тоо-лыжа курортундагы мейманканада обочолонуп жатат. Бул тууралуу New York Post гезити жазды.

Маалым болгондой, ал курортко жалгыз барган эмес. 20 күң кыздан турган гаремин ала кеткен.

Bild немец басылмасынын маалыматына ылайык, Таиланддын 67 жаштагы королу төрт жылдыздуу Grand Hotel Sonnenbichl мейманканасынын бардык номерин сатып алган.

Германия бийлиги карантин кырдаалына карабай анын өлкөгө кирип, эс алуусуна расмий түрдө уруксат берген.

Коронавирустун жайылып жаткандыгына байланыштуу бул курорттогу мейманкана жана конок үйлөрдүн баары жабылган. Бирок король эс алган мейманкана жабылган эмес.

Басылма королду коштоп дагы 119 жардамчысы учуп барганын тактаган. Бирок алар COVID-19 вирусуна шектелип Таиландга кайра жөнөтүлгөн.

Акыркы маалыматтар боюнча, Таиланддын өзүндө коронавирус жуктуруп алган 1388 учур катталып, жети адам каза болгон.

"Король коронавирустан гареми менен кошо сактанып жатат" деген маалымат соцтармакка тараары менен аталган өлкөнүн жашоочулары анын дарегине терс маанайдагы сөздөрдү жаза башташкан.

Twitter тармагында "Бизге мындай королдун кереги жок" деген хештег пайда болуп, аны менен миллиондон ашык киши билдирүү жазган.

"Королдун дарегине терс маанайдагы сөз айтып, аны мазактоо мыйзамга туура келбейт. Бирок бул башында таажысы бар бала — акмак", — деп жазган дагы бир колдонуучу.

Ушул эле маалымат Reddit порталында да катуу талкууланып жатат. Эки күндүн ичинде бул билдирменин алдына 76 миң киши "лайк" баскан.

Таиланддын королу Маха Вачиралонгкорн көпчүлүккө падышалык кароолдун башкы командачысынын орун басарына баш кошуп, андан кийин аны бардык макамынан ажыратып салгандыгы менен таанымал.

2052
Белгилер:
кыз, король, Таиланд
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

94
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

94
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды
Бокс боюнча дүйнөнүн мурдагы абсолюттук чемпиону Майк Тайсон. Архивдик сүрөт

Майк Тайсон футболкасын айрып, массалык мушташка себепчи болду. Шоудагы видео

209
(жаңыланган 20:17 28.05.2020)
Дүйнөнү дүңгүрөткөн Тайсон UFC уюмунун мурунку чемпиондору менен биргеликте спорттук жана актёрлук элементтер коштогон шоуга катышкан.

БИШКЕК, 28-май — Sputnik. Бокс боюнча дүйнөнүн мурдагы абсолюттук чемпиону Майк Тайсон All Elite Wrestling Dynamite аталышындагы рестлинг-шоуда мушташ чыгарды. Видео BR Wrestling Twitter-аккаунтуна жарыяланды.

Тайсон UFC уюмунун мурунку чемпиондору Витор Белфорт, Генри Сехудо жана Рашад Эванс менен биргеликте Жексонвилл шаарында өткөн шоуга катышкан.

​Алар шарт боюнча бири-бирин чучукка жеткен сөздөр менен тамашалап, ачууларына тийип, тиктешишкен. Бир убакта Тайсон футболкасын айрып, рестлинг жылдызы Крис Джерикону түртүп жиберген.

​Экөөнүн түртүшкөнүн көргөн жанындагылар да бири-бирине жаалданып, массалык мушташ чыгарып жиберишкен. Бирок боксер менен рестлерди арачалап калгандар да болгон. Бул рестлинг спортундагы мыйзам ченемдүү көрүнүш болуп саналат.

Апрелдин аягында Тайсон спортко кайтуу ниетин билдирип, жардамга муктаждарга кол сунуу үчүн кайрымдуулук беттештерге катышышы мүмкүндүгүн айткан.

209
Белгилер:
видео, мушташ, бокс, Майк Тайсон
Тема боюнча
Байкатпай урганда... Бокстагы эң мыкты нокауттун видеосу
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

0
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

0
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди