Кыз бассейндин жанында эс алып жатат. Архив

Беш жылдыздуу мейманканалар карантин мөөнөтүн өткөрүүгө чакырууда

312
(жаңыланган 12:46 01.04.2020)
Мейманканалар кардарларына болгон шартты түзүп берүүгө даяр. Айрымдары коронавируска тестти номеринен эле алып, күнү-түнү медициналык колдоо көрсөтүп турат.

БИШКЕК, 1-апр. — Sputnik. Дүйнөдөгү беш жылдыздуу мейманканалар кардарларын карантин убактысын алардын эс алуу жайында өткөрүүгө чакырууда. Бул тууралуу РИА Новости жазды.

Индонезиядагы мейманканалар түйүнүнүн президенти Грег Аллен коронавирустан улам инкубациялык убакытка байланыштуу карантин пакеттерин сата баштаганын билдирген.

Анын айтымында, персонал жеке гигиена эрежелерин жана социалдык дистанцияны катуу кармайт. Барган меймандар менен байланышпайт. Официанттар тамак-ашты номерлердин жанына, жабык эшиктин түбүнө таштап кетишет.

Эгер коноктордун биринде коронавирустун белгилери байкалып калса, аларды мейманкана акысыз автоунаа менен ооруканага чейин жеткирип коет.

Буга чейин кычыраган мейманканасы бар швейцариялык компания бардар кардарларына "антивирус сунушун" жарыялаган. Сунушка ылайык, эгер кардар карантин мөөнөтүн ушул мейманканадан өткөрсө, алардан коронавируска тестти номеринен эле алып, күнү-түнү медициналык колдоо көрсөтүлүп турат.

Айрым мейманканалар тамак-аш жеткирүү жаатында кызмат көрсөтүүдө. Мисалы, Индонезиянын Богорасындагы отель өз ашканасынан тамак жасап, башкаларга жеткирет. Дагы бир мейманкана Жакартанын калкын тамак-аш менен камсыз кылууда.

312
Белгилер:
мейманкана, Индонезия, карантин, коронавирус, Дүйнө
Тема:
Дүйнөгө жайылган коронавирус (1167)
Тема боюнча
COVID-19 аныкталган төрт кишинин бирөө Россиядан келген
Тайларыма рахмат деле айтпасак керек... Ак жарыкка жазылган ыраазылык
Коронавирус чыккан Хубэй провинциясы учактарды кабыл ала баштады
Президенттин милдетин аткаруучу Талант Мамытов. Архив

Бүгүн Талант Мамытов Кыргызстандын атынан ЖККУнун сессиясына катышат

8
(жаңыланган 11:38 02.12.2020)
Сессияда уюмдун мындан аркы ишмердүүлүгү, ЖККУнун уставдык органдарынын сессияларындагы чечимдердин ишке ашырылышы, мүчө мамлекеттердин парламенттер аралык кызматташуусун бекемдөө маселелери талкууланат.

БИШКЕК, 2-дек. — Sputnik. Президенттин милдетин аткаруучу Талант Мамытов ЖККУнун Коопсуздук кеңешинин видеоконференция форматындагы сессиясына катышат. Бул тууралуу өлкө башчынын маалымат кызматынан билдиришти.

Кыргызстандын президентинин милдетин аткарып жаткан жана ЖКнын спикери Талант Мамытов
© Пресс-служба президента КР / Султан Досалиев
Иш-чара бүгүн, 2-декабрда, өткөрүлмөкчү. Анда уюмдун мындан аркы ишмердүүлүгү, ЖККУнун уставдык органдарынын сессияларындагы чечимдердин ишке ашырылышы, мүчө мамлекеттердин парламенттер аралык кызматташуусун бекемдөө маселелери талкууланат.

Жыйынга Беларустун президенти Александр Лукашенконун, Казакстандын президенти Касым-Жомарт Токаевдин, Россиянын президенти Владимир Путиндин, Тажикстандын президенти Эмомали Рахмондун, Армениянын премьер-министри Никол Пашиняндын, ошондой эле ЖККУнун башкы катчысы Станислав Застын катышуусу күтүлүүдө.

8
Белгилер:
видеоконференция, жыйын, Талант Мамытов, ЖККУ, Кыргызстан
Тема боюнча
ЖККУнун коргоо министрлеринин отуруму өттү. Талкууланган маселелер
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

20
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

20
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Вид на перевал Тоо-Ашуу на автодороге Бишкек-Ош

Жол тазалоочу техника жетпейт. Бишкек Ош трассасынын кышка даярдыгы текшерилди

0
Комиссия "Сосновка" постунан "Арал" постуна чейинки ашууларды тейлеген мамлекеттик кызматтардын кышка даярдыгын карап чыккан.

БИШКЕК, 2-дек. — Sputnik. Бишкек — Ош жолунун кышка даярдыгы текшерилди. Бул тууралуу ӨКМдин маалымат кызматы кабарлады.

Ага ылайык, өзгөчө кырдаалдар министринин тапшырмасы менен атайын комиссия түзүлгөн. Алар Чүй облусунун Жайыл районундагы "Сосновка" постунан Жалал-Абад облусунун Токтогул районундагы "Арал" постуна чейинки ашууларды тейлеген мамлекеттик кызматтардын кышка даярдыгын карап чыгышкан.

"Текшерүүнүн негизинде бир топ көйгөйлүү маселелер бар экени аныкталган. Алсак, жол тазалоочу, кум чачуучу атайын техника жетишсиз болуп, жолго кум кол менен чачылып жаткан. Айрым жүк ташуучу унаалар кышка даярдыгы жок ашууларда калып калган. Комиссия тамак-аш берилүүчү жана жылына турган пунктулардын да даярдыгын көргөн. Жыйынтыгында "Арал" постундагы жылынуучу пункт кышка толук даяр эместиги аныкталган", — деп айтылат маалыматта.

ӨКМ айдоочуларга кайрылып, алыс жолго, тоолуу аймактарга чыгарда аба ырайына көңүл бурууну суранды. Ошондой эле зарылчылык жок болсо, шашылыш билдирүү берилгенде жолго чыкпай турууну сунуштаган.

0
Белгилер:
Бишкек – Ош жолу, комиссия, текшерүү, ашуу, жол, унаа, Бишкек, ӨКМ
Тема боюнча
Кыргызстандагы бардык жолчуларга күнү-түнү иштөө милдети жүктөлдү