Велосипедчен адамдын документтерин текшерип жаткан полиция кызматкерлери. Архив

Карантин эрежесин сегиз жолу бузган франциялык жигит кесилип кетти

Францияда кафе, ресторан, кинотеатр, азык-түлүк саткан дүкөндөрдөн башкасынын баары жабылган. Изоляция режими 15-апрелге чейин киргизилген.

БИШКЕК, 2-апр. — Sputnik. Франциянын түндүгүндөгү Кале шаарынын 20 жаштагы тургуну карантин режимин сегиз жолу бузгандыгы үчүн эки жылга эркинен ажыратылды. Бул тууралуу РИА Новости жергиликтүү Voix du Nord гезитине шилтеме берип жазды.

Билдирмеге ылайык, бул жигит шейшемби күнү кечинде кармалып, полицияга алып келинген. Булонь-сюр-Мер шаардык соту аны эки жылга эркинен ажыраткан. Себеби ал коронавирус эпидемиясынан улам Франция бийлигинин кыймылга чектөө койгон чечимин эске албай, карантиндин эрежесин сегиз ирет бузган.

Коронавируска каршы күрөшүү үчүн Франция бийлиги 17-марттан тарта өлкөгө катуу чараларды киргизген. Өлкөдө кафе, ресторан, кинотеатр, азык-түлүк саткан дүкөндөрдөн башкасынын баары жабык. Францияда изоляция режими 15-апрелге чейин уланат.

Акыркы маалыматтар боюнча, Францияда коронавирус жуктуруп алгандардын саны 52 миңден ашты. 3500дөн ашык адам көз жумган.

Белгилер:
карантин, түрмө, коронавирус, Франция
Тема:
Дүйнөгө жайылган коронавирус (1377)
Тема боюнча
ДССУ коронавирустан сакайгандардын саны боюнча маалымат берүүсүн токтотту
Беш жылдыздуу мейманканалар карантин мөөнөтүн өткөрүүгө чакырууда

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо
COVID-19 жок саякаттайм тиркемеси. Архив

Россияга барчулар ПЦР-тестти "COVID-19 жок саякаттайм" тиркемесинен көрсөтүшү шарт

(жаңыланган 11:12 20.04.2021)
Тиркемени App Store же Google Play интернет-дүкөнүнөн көчүрсө болот. Учакка отургандан кийин жүргүнчү тиркеменин жардамы менен телефондогу QR-кодду көрсөтөт.

БИШКЕК, 20-апр. — Sputnik. Россияга бара турчу Кыргызстандын жарандары коронавируска ПЦР-тесттин терс натыйжасын "COVID-19 жок саякаттайм" тиркемесинен көрсөтүп өтүшү керек. Бул тууралуу Транспорт, архитектура, курулуш жана коммуникация министрлигинен кабарлашты.

Билдирмеге ылайык, Роспотребнадзордун токтомуна ылайык, Евразия экономикалык биримдигине мүчө-мамлекеттердин жарандары, анын ичинде кыргызстандыктар да Россияга кирерде коронавируска ПЦР-тесттин терс натыйжасын "COVID-19 жок саякаттайм" тиркемесининен көрсөтүп өтүшү шарт. Бул эреже бардык жүргүнчүлөргө тиешелүү.

Тиркеме кандайча иштейт

Коронавируска ПЦР-тест тапшыруу үчүн жаран App Store же Google Play интернет-дүкөнүнөн "COVID-19 жок саякаттайм" тиркемесин көчүрүп алышы керек. Ал тест тапшырууга мүмкүн болгон жакынкы жердеги лабораториянын дарегин көрсөтүп берет. Лабораторияга барган кезде тесттин жыйынтыгын тиркеме аркылуу алуу ниетин билдирүү зарыл. Мындай учурда жаранга анын жеке маалыматтарын иштеп чыгууга макулдугун сураган бланка берилет. Бланкадагы QR-кодду мобилдик тиркеме аркылуу сканерлеп алуу кажет. Жүргүнчү учардан мурда тиркемеден тесттин жыйынтыгын бир карап, мөөнөтүн текшерип коюшу шарт (ПЦР-тестти учарга чейин 72 сааттан эрте эмес убакытта тапшырышы керек).

Учакка отургандан кийин жаран тиркеменин жардамы менен телефондогу QR-кодду көрсөтөт.

Система ЕАЭБ аймагында гана инфекциянын жайылып кетүү коркунучун алдын алуу максатында иштээри айтылды.

Белгилер:
жүргүнчү, тест, тиркеме, коронавирус, Россия, Кыргызстан
Тема:
Дүйнөгө жайылган коронавирус (1377)
Тема боюнча
COVID: дарылануунун жаңы протоколу чыкты, уу коргошун да жазылганбы?
Тапанчадан атып жаткан адам. Архив

Кара-Балтада аткыланган автоунаа. ИИМ жетекчилиги окуяны көзөмөлүнө алды

(жаңыланган 12:09 20.04.2021)
Арыздануучунун айтымында, түндө катуу чыккан үн угуп маани берген эмес. Эртең менен гана автоунаасы аткыланганын көргөн.

БИШКЕК, 20-апр. — Sputnik. Кара-Балтада белгисиз адамдар автоунааны аткылап кетишти. Бул тууралуу Чүй облустук ИИББден билдиришти.

Бүгүн, 20-апрелде, саат 08:00дөр чамасында Жайыл райондук ички иштер бөлүмүнө Б.Н. аттуу жарандын короодо токтоп турган унаасын белгисиз адамдар аткылап кеткени боюнча маалымат түшкөн. Жерине барган милиция кызматкерлерине 45 жаштагы Б.Н. түнкү саат 03:30дар чамасында катуу үн угуп, бирок маани бербегенин, эртең менен унаасын көргөндөн кийин гана милицияга кабарлаганын айткан. Toyota Camry үлгүсүндөгү унаага эки ирет ок чыгарылган.

Факт боюнча Кылмыш-жаза кодексинин 266-беренеси ("Бейбаштык") менен иш козголду. Тергөөнү ИИМ менен ИИББ жетекчилери көзөмөлдөөдө.

"Окуяга эмне себептен милициянын жетекчилиги көңүлүн бурду" деген суроого ИИББдин маалымат кызматы буга ок атуучу куралдын колдонулганы себеп болгонун билдирди.

ЖМКлардын маалыматына караганда, автоунааны саясий партиялардын биринин лидери аткылап кеткен. Айрым маалыматтар боюнча, кеп "Элдик-Народная" партиясын жетектеген Назми Бадалова жөнүндө болуп жатат.

Белгилер:
кылмыш иши, милиция, ок атуу, автоунаа, Кара-Балта
Тема боюнча
КЭДП Бишкек шаардык кеңешине өткөн шайлоо жарышынан четтетилди. Себеп