Севастополдагы Графский таянгыч. Архив

Жер сатылбайт! Крым Евробиримдиктин нааразычылыгына жооп берди

179
(жаңыланган 17:24 02.04.2020)
Адистин айтымында, чет өлкөлүктөргө Крымдын аймагынан жер тилкелерине ээлик кылуусуна тыюу салуу жарым аралдагы ишкерлердин жигердүү болуп жанданышына жол ачат.

Чет элдиктерге жана чет жактын компанияларына Крымда жер тилкелерин сатып алууга салынган тыюуга Евробиримдиктин нааразы болууга себеби жок. Бул тууралуу Россия президентинин Крымдагы туруктуу өкүлчүлүгүнүн эл аралык укук маселелери боюнча жумушчу тобунун башчысы Александр Молохов айтты. Анын сөзүн РИА Новости келтирет.

“Биздин өлкө РФ президенти чыгарган жарлыктардын Евробиримдик тарабынан таанылышына муктаж эмес”, — деди Молохов.

Анын айтымында, чет өлкөлүктөргө Крымдын аймагынан жер тилкелерине ээлик кылуусуна тыюу салуу жарым аралдагы ишкерлердин жигердүү болуп жанданышына жол ачат.

Буга чейин Россия президенти Владимир Путин жарлыгы менен чет жактан келгендерге, жарандыгы жокторго жана чет өлкөлүк юридикалык тараптарга жер сатып алууга тыюу салынган аймактардын тизмесин кеңейткен болчу. Ага дагы Крымдын 11 району менен сегиз шаары кошулган.

Евробиримдик мындай кадамды “эл аралык гуманитардык укукту бузуу” деп атап, “бул жарлыкты тааныбай” турганын айткан. Билдирүүдө аталган документ Крымды Россиянын курамына мажбурлап киргизүүнүн дагы бир аракети деп белгиленген.

Ал эми Крым үчүн бул билдирүүнүн эч мааниси жок. Мындай пикирин Sputnik радиосунун эфиринде саясат таануучу Владислав Ганжара билдирди.

“Бул тыюу Евробиримдикте, Украинада, АКШда кескин сынга кабылды. Жеке мени мындай реакция таң калтырууда, анткени тыюу Крымдын аймагында эле эмес, башка мамлекеттерде да бар, эл аралык укуктун талаптарына жооп берет. Азыркы кырдаалда бул жарлык Россиянын элин жана жер ресурсун коргоого багытталган. Калктын бакубат жашоосу үчүн өтө зарыл нерсе”, — деди Ганжара.

Ал Украина парламенти чет элдиктерге жер сатууга уруксат бергенин эске салып, европалыктар андан пайдаланып Крымдагы украиналыктарга таандык жерлерди алууга кызыккан болуш керек деп боолголоду.

“Коронавирус пандемиясынан улам украиналык депутаттар өлкө аймагында жерди ээн-эркин каалагандай сатууга жол ачкан мыйзам кабыл алышты. Жер украин элине тиешелүү жана мораторийден улам эч ким тийбей турган жападан жалгыз ресурс эле. Эми мамлекет колдо бар акыркы байлыгынан кол жууй турганын түшүнүп турабыз. Европалыктардын Крымдагы Украина жарандары ээлик кылган жер тилкелерине көз артып келгени да маалым болду. Бирок андай болбойт”, — деди саясат таануучу.
179
Белгилер:
Евробиримдик, жер, жарлык, Владимир Путин, Россия, Крым
Тема:
Кытайдагы жаңы типтеги коронавирус (753)
Тема боюнча
Айбаттуу, күчтүү. Путиндин Крымда деңиздеги машыгууга көз салып турган видеосу
Бутуна тура баштаган Кытай Россияга мунай согушун жеңүүгө жардам берет
Россия АКШга COVID-19 менен күрөшүү үчүн гумжардам жөнөттү. Видео
Миннеаполистеги нааразычылык акциясынын учурунда полиция кызматкерлери

ЖМК: АКШдагы башаламандыкта 4 миңдей киши кармалды

29
(жаңыланган 17:13 01.06.2020)
АКШда афроамерикалык Жордж Флойддун өлүмүнөн кийин өткөн жума күнү башаламандык башталган. Ушул тапта дагы элдин толкуну басылбай жатканы айтылат.

БИШКЕК, 1-июн. — Sputnik. АКШда афроамерикалык Жордж Флойддун өлүмүнө байланыштуу башаламандык учурунда полиция 4 миңдей адамды кармады. Бул тууралуу жергиликтүү ЖМКларга таянып РИА Новости жазды.

Учурда коменданттык саат жарыяланганына карабай, көчөлөрдө минтингдер өтүүдө. Ызырынган эл дүкөндөрдү тоноп, полициянын кууганына карабай көчөдө жүрөт. Өлкөнүн 21 штатында нааразы болгондордун демин басуу үчүн Улуттук гвардиянын аскерлери иштеп жатканы айтылат.

Эске салсак, АКШда афроамерикалык Жордж Флойддун өлүмүнө байланыштуу өткөн жума күнү нааразылык акциялар башталган.

Интернетте полиция кызматкерлери Флойддун колуна кишен салгандан кийин жыгып, үчөөлөп баса калган видео тараган. Бирөөнүн тизеси моюн жакка туш келген. Флойд бир нече жолу дем ала албай, андан кийин тынчып калганын көрүүгө болот. Эркек киши реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылууда. Ал арада АКШ президенти Флойдду кармаган полиция кызматкерлеринин жоругун "акылга сыйгыс" деп атаган. Башаламандык күч алганда бийлик бир нече шаарга коменданттык саат киргизген.

29
Белгилер:
полиция, башаламандык, митинг, АКШ
Тема боюнча
Жабырланган журналист. РФ элчилиги АКШнын мамдепартаментине нота кетирди
UFC уюмундагы эң мыкты мушкерлердин жалпы рейтингинин сап башында турган Жон Жонс. Архив

UFC уюмунун эң мыкты мушкери Жон Жонс наамынан баш тартууда. Себеп

121
(жаңыланган 15:20 01.06.2020)
Жон Жонс спортчу Фрэнсис Нганну менен кармашуу үчүн уюмдун башчысынан 30 миллион доллар сураганы айтылууда. Бирок мушкер Дана Уайттын айткандарын төгүндөдү.

БИШКЕК, 1-июн. — Sputnik. UFC уюмундагы эң мыкты мушкерлердин жалпы рейтингинин сап башында турган Жон Жонс орточо оор салмак категориясындагы чемпиондук наамынан баш тартууда. Бул тууралуу америкалык мушкер Twitter баракчасында билдирди.

"Менин категориямда Доминик Рейес менен Ян Блаховичтин ортосунда чемпиондук беттеш уюштургула. Мага алар менен беттешүү эч нерсе деле бербейт. Кийинки жылы мени менен оңой беттеш өткөрөм десеңер кабар берип койгула. Ал убакта гонорар камдалуу болот деп ишенем", — деген Жонс.

Мушкерден бул билдирүү чемпиондук наамдан баш тартып жатканын билдиреби деп сурашканда, ал "ооба" деп жооп берген.

Бир нече убакыттан кийин ал айткандарын тастыктаган пост жазган.

"Жонс кетип жатат! Эгер мени көчөдөн көрүп калсаңар, жөн гана ЖЖ (JJ) деп чакыргыла", — деген ал.

ЖМКлардын жазганына караганда, анын бул чечимине спорттук уюмдун президенти менен урушуп кеткени себеп. Өткөн жумада Жон Жонс менен UFC көзүрү Дана Уайт алдыдагы беттешти уюштуруунун алкагында сүйлөшүп жатып бир пикирге келе албай коюшкан. Анда Жонс дагы бир белгилүү спортчу Фрэнсис Нганну менен кармашуу үчүн Уайттан эң ири делген 30 миллион доллар сураганы айтылат. Бирок чемпион UFC башчысын калпычы деп атап, уюмдан кетип каларын айтып коркуткан.

121
Белгилер:
кур, чемпион, гонорар, беттешүү, уруш, Дана Уайт, UFC
Тема боюнча
Жаакка муштап, көмкөрөсүнөн түшүрүп... UFC уюмундагы ыкчам жеңиштердин видеосу
Мындан да күчтүү болуп кайтам! Бети-башы көгала Антонина үн катты
Асфальт төшөө учурунда жумушчулар. Архив

Өлкөдөгү ишканалар кайсы кесип ээлерине муктаж? Рейтинг

0
(жаңыланган 18:07 01.06.2020)
Учурда республика боюнча жалпы жонунан 1500дөн ашык жумушчу керек. Sputnik Кыргызстан агенттиги өлкөдө муктаждык бар адистиктердин тизмесин сунуштайт.

БИШКЕК, 1-июн. — Sputnik.  Эмгек жана социалдык өнүктүрүү министрлиги үч ай сайын суроо-талап болуп жаткан адистиктерге мониторинг жүргүзүп, талдайт. Мекеменин маалыматына ылайык, азыр медайым, дарыгер, мугалим, жер астын казып өтүүчү адистер жетишсиз. Алардын басымдуу бөлүгү саламаттык сактоо, билим берүү, кен казуу, кызмат көрсөтүү тармактарында эмгектенчү жумушчулар.

Аталган рейтинг министрлик тарабынан жеке ишкана, мамлекеттик органдардын билдирүүлөрүнүн негизинде түзүлөт.

0
Белгилер:
рейтинг, жумуш, суроо-талап, кесип, Кыргызстан
Тема боюнча
Кеңсенин доору бүттүбү? Кыргызстандыктар аралыктан иштөөгө кандай карайт
Асанова: борбор калаада медайымдар жетишпейт
Кыргызстандын бийлиги жумушсуз жүргөндөргө жардам бермей болду