Бет кап кийдирилген иттер. Архивдик сүрөт

Үй жаныбарлары таратпайт... Коронавирус тууралуу кызыктуу 10 факты

213
(жаңыланган 12:31 03.04.2020)
Окумуштуулар үй жаныбарлары вирусту таратпай тургандыгын айтышты. Буга чейин иттен же мышыктан жукту деген факты каттала элек.

БИШКЕК, 3-апр. – Sputnik. Үй жаныбарлары коронавирусту алып жүрбөйт. Вирус 80 жаштан ашкандар үчүн абдан эле кооптуу жана кызамыкка караганда аз тарайт. Бул тууралуу ВВС жазды.

1. Орто эсеп менен алганда коронавирустун жаңы тибин жуктуруп алган адам 2ден 4 адамга чейин жуктурат. Бул сезондук гриппке караганда (1,3) көп, бирок кызамыктан (12+) төмөн. 

Компьютерное изображение коронавируса COVID-19
© REUTERS / NEXU Science Communication
Коронавирус COVID-19

2. Түштүк Кореяда оорунун саны 30га жеткенге чейин кармап турушкан. Бирок "31-пациент" деген код берилген аял ооруну башкага таратары менен COVID-19га кабылгандардын саны 1200гө жеткен.

3. Аял динге өтө берилгендиктен жөтөлүп жана эти ысып жатканына карабастан, чиркөөгө барганын токтоткон эмес. Мунусу менен Корей бийлигинин айткандарын, салынган тыюуларын тоготпой койгон. Анын кесепети жалпы элге тийген.

4. Ошентип, 10 күн ичинде Түштүк Кореяда вирус жуктургандардын саны 30дан 5000ге чейин жеткен.

5. COVID-19 алып келген өлүм саламаттыкты сактоо системасына түшкөн кыйынчылыктарга жана берилген медициналык жардамга жараша болот. Эгерде бул Германияда 0,3 пайызга жетсе, ал эми Италияда дээрлик 9 пайызды чапчыган. Учурда немец калкы оорунун алдын тездик менен алып, көптөрдүн өмүрүн сактап калды. Ал эми Италия азыркыга чейин азабын тартууда.

6. COVID-19 70 жаштан ашкандардан табылса, өлүм 5 пайыздан өйдө болору айтылган. Коронавирус 80 жаштан ашкандарга жукса, алардын ар бир онунчусу көз жумат дешти.

7. Андыктан дүйнө өлкөлөрүнүн бийлиги эпидемияны жайылтпоого аракет кылууда. Себеби адамдардын массалык түрдө ооруп калышы абдан зыяндуу экендигин айтып келишет. 

Поддельная кровь видна в пробирках, помеченных коронавирусом (COVID-19) на этой иллюстрации. 17 марта 2020 года
© REUTERS / Dado Ruvic
COVID-19 70 жаштан ашкандардан табылса, өлүм 5 пайыздан өйдө болору айтылган

8. Вирус адамга жукканда азыркыдай кооптуулук жараткан деңгээлде болду бекен? Же мутацияланып, адамдын организминде жатып алып, клеткаларга киргенге жөндөмдүү болуп кеткенби? Азырынча окумуштуулар буга жооп таба элек.

9. Эгерде вирус адамга жукканда эле ушундай кооптуу болсо, демек, дагы деле жаныбарлар дүйнөсүндө жашап жүрөт. Андыктан эртеби-кечпи, кишиге кайра өтүшү мүмкүн.

10. Дагы бир кызык учур – окумуштуулар үй жаныбарлары вирусту таратпай тургандыктарын айтышты. Буга чейин иттен же мышыктан жукту деген факты каттала элек.

213
Белгилер:
жаныбарлар, үй, оорукана, өлүм, факты, коронавирус, Кыргызстан
Тема:
Дүйнөгө жайылган коронавирус (1104)
Тема боюнча
Германияда министр коронавирустан коркуп Меркель менен кол алышпай койду. Видео
Кытайлыктар коронавирустан улам мекенине кайтып, коркунуч туудурууда
Филиппин президенти карантин учурунда тартип бузгандарды атып салууну буюрду
Кант  авиабазасындаг аскер техникасы. Архивдик сүрөт

Кыргызстан "Кант" авиабазасын кеңейтүү сунушу түшсө карап чыгууга даяр

36
(жаңыланган 20:35 24.10.2020)
ТИМ башчысы өлкө бийлиги ЖККУнун "Кант" авиабазасын сактап калуу ниети күч экенин айтты. Казакбаев Россияда иш сапары менен болду.

БИШКЕК, 24-окт. — Sputnik. Кыргызстан ЖККУнун "Кант" авиабазасын кеңейтүү боюнча сунуш түшсө, карап чыгууга даяр. Бул тууралуу РИА Новости агенттигине маек курган тышкы иштер министри Руслан Казакбаев билдирди.

"Кант" базасы сакталып калышы керек. Бул биздин туруктуу позициябыз. Кол коюлган келишимдерди кайрадан карап чыгуу деген болбойт. Эгер Россия же ЖККУ мамлекеттери базаны кеңейтүү маселесин көтөрсө, биз сунушту карап чыгууга даярбыз. Албетте, талкуу жүрөт. Баары сунуш түшкөндөн кийин белгилүү болот", — деди Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

"Кант" авиациялык базасы ыкчам аракетке келчү Жамааттык күчтүн бир бөлүгү болуп саналып, ЖКУУ мамлекеттеринин аба коопсуздугун камсыздайт.

Руслан Казакбаевдин маеги менен толук расмий тилде таанышууга болот.

36
Белгилер:
Руслан Казакбаев, сунуш, ЖККУ, макулдашуу, "Кант" авиабазасы
Тема боюнча
ТИМ: жылдын аягына чейин бюджет дефицити 450 млн. долларга жетет
ТИМ жетекчиси Казакбаев: өлкөдөгү башаламандыкка сырткы күчтөр да аралашты
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

22
(жаңыланган 18:28 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп, маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болот. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

22
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады
Бишкектеги 7 апрель көчөсү. Архивдик сүрөт

Жекшембиге карата аба ырайы

0
25-октябрь, жекшембиге караган түнү, республика боюнча жаан-чачын күтүлбөйт. Батыштан соккон желдин ылдамдыгы секундасына 4-9 метрге жетет.

БИШКЕК, 24-окт. — Sputnik. Жекшемби күнү күндүз күн ачык болот, тоолорго кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас аймактарында +10...+15, Ош, Жалал-Абад, Баткен облустарында +14...+19, Ысык-Көлдө +5...+10, Нарын өрөөнүндө +6...+11 градус жылуу болот.

Ысык-Көлдө унаа жолун бойлой туристтер үчүн 17 STOP түйүнү курулат

Ал эми борбор калаада күндүн табы +12...+14 градуска чейин көтөрүлсө, Ош шаарында +16...+18ге жетет.

0
Белгилер:
Кыргызстан, октябрь, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт