Кандай адамдар коронавирусту өзү байкабай элге көп жугузат. Адистин жообу

© Sputnik / Александр Кряжев / Медиабанкка өтүүПассажиры рейса из Бангкока в Новосибирск направлены на карантин в обсерваторы
Пассажиры рейса из Бангкока в Новосибирск направлены на карантин в обсерваторы - Sputnik Кыргызстан
Жазылуу
Окумуштуу медиктерге ооругандар менен байланышта болгон ар бир адамды өтө кылдаттык менен текшерүүнү сунуштайт.

БИШКЕК, 3-апр. — Sputnik. COVID-19 вирусун жуктуруп алган айрым адамдарда анын белгилери көп байкала бербейт, ошол себептен алар өздөрү билбей көп адамга жугузат. Бул тууралуу биология илимдеринин доктору Сергей Нетёсовго шилтеме берип "Известия" басылмасы жазды. 

Адистин айтымында, коронавирус гриппке салыштырмалуу бат жугат. Болгондо дагы адам анын белгилери өзүндө пайда боло электе жана сакайгандан кийин бир нече убакыт бою башкаларга жайылта берет.

"Эң кызыгы, окумуштуулар азыр COVID-19 вирусун канча киши белгилери жок эле алып жүргөнүн билбейт. Дал ошол адамдар оорунун тез жайылып кетишине себеп болуп жатышы мүмкүн. Мисалы, АКШнын Вашингтон штатында куландай соо көрүнгөн эки гана адам илдетти жайып ийген", — деди Нетёсов.

Милиция кызматкери блокпостто турган учурда. Архив - Sputnik Кыргызстан
Бишкектин түштүк тарабы да карантиндик зонага кошулду. Көчөлөрдүн тизмеси
Андыктан адис медиктерге ооругандар менен байланышта болгон ар бир адамды өтө кылдаттык менен текшерүүнү сунуштайт.

Белгилей кетсек, Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка караганда, 3-апрель күнү эртең менен дүйнө жүзү боюнча коронавирус жуктургандардын саны 1 015 403кө жетти. Каза болгондордун саны 53030 болсо, сакайып кеткендердики ушул саатта — 210 579.

Жаңылыктар түрмөгү
0