Нефть казуучу станция. Архив

Мунай рыногун бирге сактайлы: АКШ да мунай казууну азайтат

(жаңыланган 23:37 09.04.2020)
ОПЕК+ өлкөлөрүнүн энергетика министрлеринин бүгүнкү кеңешмеси альянстын тарыхындагы эң маанилүү жыйындардан болорун жазат РИА Новости агенттигинин баяндамачысы Максим Рубченко.

Кеңешменин башкы темасы — бир нече апта аралыгында эки эсе түшүп кеткен баанын ылдыйлашын токтотуп калуу үчүн мунай казууну кыскартуу. Бирок өзгөчө макулдашууларды күтүүнүн кажети жок.

Араб амалкөйлүгү

Мунай казууну суткасына он миллион баррелге азайтуу макулдашылганы менен талкуу курч жүрүшү мүмкүн. Сауд Аравия өз өндүрүшүн үч миллион баррелге кыскартууга даяр, ал эми БАЭ, Ирак жана Россияга бир жарым миллионго азайтууну сунуштоодо.

Бир караганда бул Россияны толук канааттандыргандай: ОПЕКтин алдыңкы белгилеринин деңгээлинде саудиялыктарга караганда эки эсе аз. Демек, мунайдын дүйнөлүк рыногунда Россиянын үлүшү кемибейт.

Бирок арабдар Москвага амал курушкан. Себеби эсеп кен казуунун азыркы деңгээли боюнча жүргүзүлөт, ал эми ОПЕК өлкөлөрү өндүрүштү апрелде кескин түрдө өстүргөн.
Анын ичинде Сауд Аравия 2,5 миллион баррелге көбөйткөн. Ошентип, Эр-Рияд убада кылган үч миллион болгону жарым миллионго айланат.

БАЭ кен казууну миллион баррелге, Ирак 200 миңге жогорулаткан. Ал эми Россия марттагы деңгээлин сактап калган. Натыйжада Москва ОПЕК+ боюнча өнөктөштөрүнө караганда жүгүртүүдөн бир жарым миллион баррелди алып салууга жана картелге рыноктун бөлүгүн бошотуп берүүгө аргасыз болот.

Москва муну жакшы түшүнүп турат, ошондуктан бүгүнкү сүйлөшүүлөрдө Россиянын башкы талабы — мунайдын март айындагы көлөмүнөн да кыскартуу. Саудиялыктар буга көнбөдү, мындан улам ОПЕК+ жаңы келишимин түзүү шансы жокко эсе.

Жума күнгө дейре жашайбыз

Баары бир туңгуюктан чыгууга жол бар. ОПЕК+ катышуучулары эң оболу өндүрүшүн көбөйткөндөн көбөйтүп эле келе жаткан америкалыктарга рынокту бошотуп берүүдөн чочулашат.

Эгер АКШ мындан аркы экспансиядан карманууга милдеттенме алса, баары кыйла жеңил болмок. Бирок Вашингтон ОПЕК+ сүйлөшүүлөрүнө катышпайт.

Ошентсе да АКШнын Энергетика министри Дэнни Бруйетт эртеңкиге белгиленген “Чоң жыйырма” өлкөлөрүнүн энергетика министрлеринин жыйынына катышат. Дал ошол чогулушта мунай рыногун турукташтырууга өбөлгө болгон чечимдерди кабыл алууга болот.

Вашингтон жеке мунай ишканаларына канча мунай өндүрүүгө көрсөтмө берүүгө акысы жок экенин эбак эскерткен. Дональд Трамп белгилегендей, мында баарын “сунуш менен суроо-талап” аныктайт.

"Бул автоматтык түрдө жүрөт, — деп түшүндүрдү дүйшөмбүдө америкалык президент. — Америкалык компаниялар өндүрүштү кыскартууну олуттуу башташкан".

Чындап эле шейшембиде ExxonMobil капиталдык салымды 30 пайызга кемитерин жарыялаган, бул негизинен сланецтик кендердин эсебинен келерки жылы мунай казууну суткасына 100-150 миң баррелге төмөндөтөт.

Chevron инвестицияларды 20 пайызга кыскартууну пландады, анын ичинде сланецчилерди да каржылоодон баш тартууда (аларга эки миллиард доллар багыттоо болжонгон).

Мындан Continental Resources ири сланецтик компаниялардын бири да четте калбады. "Мунай жана мунай өндүрүмдөрүнө болгон глобалдык талап COVID-19дун айынан 30 пайызга түштү. Андан улам апрель жана май айларында ушунча көлөмгө азайтабыз", — деп билдирди аткаруучу директору Билл Берри.

"Америкалык мунай өндүрүшү ОПЕК+ өлкөлөрүнүн талабындагыдай кен казууну кыскартууга киришти, — деп Twitter баракчасына Bloomberg басылмасынын энергетика боюнча белдүү кабарчысы Жавье Блас жазды. — Албетте, мунун баары капиталдык чыгымдарга карата төмөн баалардын таасири менен түшүндүрүлөт. Бирок ОПЕК+ уюмунун көңүлүнө бул толук төп келгендей".

Шаршембиде АКШнын Энергетикалык маалымат башкармалыгы быйыл мунай казуу божомолун түзөттү: суткасына 12,99 эмес, 11,8 баррелге азайтат. Кызыгы, ОПЕК+ уюмуна катышкан шартта америкалыктар дал ушул көлөмдөгү (1,2 миллион баррелдин тегерегинде) кыскартууга бармак.

Эгер жума күнү макулдаша алышпаса, рынокко катуу доо кетет. "Биз Brent апрелде баррелине он долларга түшөт деген ойдобуз, экинчи кварталда да ушундай эле деңгээлде калышы ыктымал", — дейт IHS Markit аналитикалык компаниясынын энергетикалык консультациялар боюнча вице-президенти Виктор Шум.

Fitch рейтинг агенттигинин аналитиктери пессимисттик маанайда, алардын божомолу боюнча кара алтындын баасы баары бир болушунча түшөт.

Белгилер:
баа, АКШ, ОПЕК, мунай, Сауд Аравиясы, Бириккен Араб Эмирлиги, Россия
Тема боюнча
Мунай боюнча ымалага келүүгө баарынан көп Трамп кызыкдар. Пикир
Рынок көтөрө алабы? Норвегия мунай казуунун көлөмүн көбөйтөт
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады
Военнослужащий войск НАТО во время учений в Латвии

"НАТОнун иши": россиялык чек араларда эмне башталмакчы? Сереп

(жаңыланган 20:11 17.04.2021)
Крымдын чектерин абадан чалгындоо, Кара деңиздеги НАТО кемелери, масштабдык окуулар жана АКШдан Украинага жеткирилген сырдуу жүктөр...

Соңку күндөрү түндүк атлантикалык альянс Чыгыш Европада кескин түрдө активдешти. Бул Киев тарабынан Донбасска чектешкен жерге аскердик бөлүк жана техниканы алпарууга, ошондой эле өлкө ичиндеги россиялык күчтөрдү жайгаштырууга болгон реакция экенин эч ким жашырбайт. Аталган чек араларда эмне болуп жатканын Андрей Коц талдап көргөн.

Фронттун үстүнөн көз салган учкучсуздар

Донбасста кырдаал дагы курчугандан бери НАТО өлкөлөрүнүн авиациясы бул жакта көп пайда боло баштады. Чектешкен жерде дайым асмандан RQ-4 Global Hawk дрон-чалгынчылары айланып, Донбасс эл республикасы, Луганск эл республикасынын армияларынын даярдыгына көз салууда. Анан, албетте, учкучсуздар менен тартылган сүрөттөр заматта киевдик жетекчилердин столуна жетери бышык. Украина куралдуу күчтөрүнүн өзү да абадан чалгындоону активдештирген. Элдик кошуунчулар Түркиядан сатып алынган Bayraktar TB2 сокку уруучу дрондорун дароо байкашкан. Жердеги буталарга чабуул коюшкан эмес, учкучсуз аппараттардын операторлору азырынча согуштук аракеттердин потенциалдуу театрын гана изилдөөдө.

Украинанын куралдуу күчтөрүнүн ушул типтеги алты дрону бар. Дагы кошумча аппараттарды сатып алууга келишимге президент Владимир Зеленскийдин Түркияга болгон жакындагы эле иш сапарында кол коюлган. Мындан сырткары, батыш авиациясы дээрлик күн сайын Крымдын жээктерине байкоо салат.

Кара деңиздин бейтарап сууларын британиялык жана америкалык Boeing RC135W жана Lockheed P-3Corion радиоэлектрондук чалгындоо учактары, ошондой эле P-8Aposeidon айланат. Алардын негизги милдети – Кара деңиз флотунун кемелеринин багытына баам салып, жарым аралда уюштурулган аскердик топтордун абадан коргонуу позицияларын ачыктоо.

Сырдуу жүктөр

НАТО чөлкөмдө аскердик-деңиз күчтөрүн да бекемдөөдө. Апрелдин аягына дейре Кара деңизге АКШнын аскердик-деңиз күчтөрүнүн эки ракеталык эсминеци келүүгө тийиш. Пентагондун расмий версиясы боюнча кемелердин келиши "кадыресе мүнөздө". Бирок Кремль ага карата кескин көз карашта. Бул эсминецтер элүүдөн ашуун "Томагавк" канаттуу ракеталарын ташып жүрсө да таң калып болбойт.

"Кошмо Штаттардын Кара деңизде аскердик активдешүүсү, анын ичинде кемелери байма-бай өтүүдө, — деп белгилейт Россиянын ТИМ башчысы Сергей Лавров. — Азыр бул абдан өзгөчө өжөрлүк, агрессивдүүлүк менен коштолууда. Россия Федерациясы Украинага чектешкен жерде эмне кылууда деп суроо салышууда. Жооп жөпжөнөкөй, биз ал жакта жашайбыз, бул биздин өлкө. Украинада НАТОнун алкагында ар кандай иш-чараларды уюштурган аскер кызматкерлери кемелери менен Кошмо Штаттар бул аймактарда – өз территориясынан миңдеген чакырым аралыкта эмне кылып жүрөт? Бул соболубуз жоопсуз калууда".

Ушундай эле дагы бир бүйүр кызыткан суроого жооп боло элек: Киевге АКШнын аскердик-аба күчтөрүнүн аскердик-транспорттук учактары ташып жаткан жүк эмне? Адистер FlightRadar интернет-сервисинин көрсөткүчтөрүнө көңүл бурушат, анда "АКШ, Германия жана Прибалтикадан учуп чыккан америкалык C-17 жана C-130 Борисполь аэропортуна конуп, жүгүн түшүрүп, кайра учуп кетип жатышканы" боюнча маалымат камтылат. Аскердик эксперт Алексей Леонковдун пикиринде, Украинага Вашингтон радиоэлектрондук күрөш комплекстерин жеткирүүдө, бул Украинанын Куралдуу күчтөрүнүн тез арадагы чабуулунан кабар бериши мүмкүн. Ал АКШнын Куралдуу күчтөрүнүн "Чөлдөгү бороон" операциясындагы тактикасын мисалга келтирди. Ошондо жаңжалдын алгачкы күндөрү америкалыктар Саддам Хусейндин армиясына көз ачырган эмес.

Ушундай эле версия Донбасс эл республикасынын жетекчилигинин жакындагы эле билдирүүсүндө да кездешет. Анда аймакка аскердик техникалардын жапырт алып келинип жатканын жашыруу үчүн украиналык күчтөр ЕККУ (Европа коопсуздук-кызматташтык уюмунун) миссиясынын учкучсуздарынын башкаруу каналдарын жана GPS датчиктеринин сигналдарын басаңдатып жатканы айтылат. Анткен менен Россия да буга кол куушуруп отуруп калбайт.

"Эгер кырдаал курчуп кете турган болсо, албетте, биз өзүбүздүн жана жарандарыбыз кайда жүрүшпөсүн, коопсуздугун камсыздай турганыбыз шексиз, — деп белгилейт Россия ТИМ орун басары Сергей Рябков. — Мындай болжолдуу тирештин кесепетине жоопкерчилик толугу менен Киевде жана анын Батыштагы кураторлорунда болот. АКШга да биз Крымдан, Кара деңиздеги биздин жээктерден алыс турууну эскертебиз. Бул алардын өзүнө эле жакшы".

Машыгууларга даярдык

Россиялык чек араларга жакын батыш өлкөлөрүнүн күчтөрүнүн активдешүүсүнүн дагы бир себеби — НАТОнун Defender Europe 2021 машыгууларына даярдыгы. Ал келерки айдын ортосунда башталат. Окуулардын уламышына ылайык, НАТОнун күчтөрү Калининград областын алып, Россиянын батыш областтарын бөгөттөп, ошондой эле "орустардын жапырт чабуулунун" мизин кайтарышмакчы.

Мурдагы жылдардагыдан айырмаланып быйыл Чыгыш эмес, Түштүк Европага өзгөчө көңүл бурулат. Машыгуулар Черногория, Косово жана Албанияда өткөрүлмөкчү. Болгария жана Румынияда абадан коргонуу жана "жер – жер" классындагы ракеталар менен атуу боюнча машыгышат. Ал эми Венгрия бекем тыл болмокчу. Бул жылкы аскердик окууларга украиналык аскер кызматкерлери да катышат.

Америкалыктар Европага бир топ күчтү, анын ичинде 1-кавалериялык жана 82-аба-десанттык дивизиянын бөлүктөрүн алып бармакчы. Атлантика аркылуу ар кыл багыттагы аскердик техниканын жүздөгөн бирдигин жеткирет. Булардан сырткары Флорида штатынан 53-пехоталык бригадасын да катыштырат. Мурдагы машыгууларда адат болуп калгандай эле бул ирет да куралдардын бир бөлүгүн америкалыктар Европада "унутуп калары" ажеп эмес. Адистердин көз карашында, Пентагон ушундай амал менен жыл сайын чөлкөмдө чабуул коюу мүмкүнчүлүктөрүн көбөйтүүдө.

АКШнын Европадагы Кургактагы күчтөрүнүн расмий сайтында жарыяланган пресс-релизде быйылкы окуулар АКШнын НАТОдогу союздаштары жана өнөктөштөрүнүн ортосундагы стратегиялык жана ыкчам даярдыкты жана өз ара аракетти жогорулатууга багытталганы айтылат. Машыгуулар үчүнчү өлкөлөргө коркунуч туудурбай турганы баса белгиленет. Бирок Defender Europe 2021 окууларынын Россияга каршы күн тартиби айдан ачык.

Үч тараптуу байланыш тобундагы Украинанын спикери Алексей Арестович бул туурасында "окуунун маңызы Балтиядан Кара деңизге чейинки аймакта Россия менен согушка машыгууда" экенин ачык эле билдирген. Буга жооп катары Россия менен Беларусь сентябрда "Батыш – 2021" окууларын өткөрөрү турулуу иш. Мурда Беларусь коргоо министри Виктор Хренин билдиргендей, "чогуу машыгуулар жогорку урбанизацияланган жерлерде бирдиктүү штурмдук бөлүктөрдүн биргелешкен аракеттеринин жаңы ыкмаларын сыноого", ошондой эле "курал жана техниканын жаңы жана заманбап үлгүлөрүнүн майнаптуулугун баалоого" мүмкүндүк берет.

РФ коргоо министри Сергей Шойгунун айтымында, азырынча аталган өлкөнүн батыш чек араларына аскердик даярдыгын текшерүү алкагында эки армия жана аба-десанттык күчтөрдөн үч бирикме жеткирилген.

Белгилер:
Аскер, курал, Донбасс, Украина, машыгуу, Пентагон, чек ара, Россия, АКШ, НАТО
Тема боюнча
"Циркон" Россиянын жээктеринен батыш кемелерин "кубалады"
"Чогуу жооп беребиз". НАТО Россиядан сырткары кимден кооптонот?