ОПЕК уюмунун Венадагы кеңсеси. Архив

Мунай казуу азаят! ОПЕК+ кызматташтык тууралуу декларация кабыл алды

(жаңыланган 10:35 10.04.2020)
Бейшемби күнү мунайды экспорттогон өлкөлөрдүн башын бириктирген эл аралык уюмдун (ОПЕК+) тогузунчу жыйыны өтүп, маанилүү делген декларацияга кол коюлду.

БИШКЕК, 10-апр. — Sputnik. ОПЕК+ кызматташтык тууралуу декларацияны кабыл алды. Бирок Мексика өзүнүн квотасы менен макул болушу керек деген шарт коюлду. Документте 2018-жылдын октябрынан берки мунай казуу деңгээлин үч этап менен азайтуу каралганын РИА Новости жазды.

Мунай экспорттогон өлкөлөрдүн башын бириктирген эл аралык уюмдун (ОПЕК+) тогузунчу жыйыны кечээ, 9-апрель күнү, видеоконференция форматында өттү. Кеңешменин башкы темасы бир нече апта аралыгында эки эсе түшүп кеткен баанын ылдыйлашын токтотуп калуу үчүн мунай казууну кыскартуу болду.

"11 сааттык талкууда "Кызматташтык тууралуу декларация" кабыл алынды. Мында Мексика сунушталган көлөмгө макул болот деген шарт коюлган. Жаңы документ боюнча, мунай өндүрүүнүн суткалык көлөмүн 2018-жылдын октябрынан берки деңгээлинен үч баскыч менен азайтуу каралып жатат", — деп айтылат маалыматта.

Буга чейин РИА Новостиге ишенимдүү адамдар отурумдан Мексика делегациясы чыгып кеткенин билдирген. Аларга келишимдеги талаптар жаккан эмес. Бирок ОПЕК+ өлкөлөрү Мексиканы жума күндөгү жыйынга катыштырып, мунай казууну азайтуу боюнча келишимге макул кылдырууга ниеттенип жатат.

Азербайжандын Экономика министрлиги белгилегендей, ОПЕК+ өлкөлөрү менен кызматташтык декларациясы күчүнө кирген учурда мунайдын суткалык казуусу май-июнь айларында 10 миллион баррелге азаят. Тагыраагы, 2018-жылдын октябрынан берки деңгээлинен 23 пайызга түшөт.

Ошондой эле ушул жылдын июль-декабрь айларында мунайдын суткалык казуусун 8 миллион баррелге, ал эми 2021-жылдын январынан 2022-жылдын апрелине чейин 6 миллион баррелге азайтуу макулдашылган. Бул убакыттарда ОПЕК өлкөлөрү үчүн өндүрүш милдеттенмелери 3,651 миллион долларды түзсө, уюмга кирбегендердики 2,394 миллион баррелди түзөрү айтылат.

Талкуу кайрадан бүгүн G20 форматынын базасында уланат.

Белгилер:
декларация, келишим, казуу, мунай, ОПЕК
Тема боюнча
Бутуна тура баштаган Кытай Россияга мунай согушун жеңүүгө жардам берет
Россия, ОПЕК жана АКШ тартипти жаңылоого камынуудабы?
Покупатели оплачивают покупки в супермаркете. Архивное фото

Соода кылгандан кийин чекти ыргытпагыла! Юристтин маанилүү кеңеши

Юрист чекте адамдын аты-жөнү жана банктык картасынын акыркы сандары калып каларын, аны менен шылуундар акча алууну көздөй турганын айтты.

БИШКЕК, 18-апр. — Sputnik. Соода кылгандан кийин чекти дароо ыргытып же кассага таштап салбаш керек. Аны алдамчылар пайдаланып кетиши мүмкүндүгүн РИА Новости юрист Егор Рединге шилтеме берип жазды.

Эксперттин айтымында, чек аркылуу адамдын аты-жөнүн, соода кылган картанын номеринин акыркы төрт санын билип алууга болот. Андан кийин шылуундар сиздин атыңыздан банкка кат жөнөтүп, акчаңызды уурдоого аракет кылышы мүмкүн.

"Ошондой эле алдамчы бул маалыматты колдонуу менен карта ээсин социалдык тармактардан таап, телефон номерин билип алат", — деп эскерткен Редин.

Алдамчылар дүкөндөн бонус топтойм деп чекти сурашат же акырын уурдап алышат. Андан кийин товарды коргоочу магнитинен ажыратып, көтөрүп кетишет. Кокус күзөтчү токтотуп калса башка эле бирөөнүн чегин көрсөтөт. Эгер товар карта менен төлөнсө шылуундар кайра сата алышат, ал эми акча менен төлөнсө кийимди чак келбей калды деп өткөрүп туруп акчасын алып алышат.

Белгилер:
алдамчылык, шылуун, соода, чек, юрист
Тема боюнча
Эксперт банктык карта ээлеринин эң көп кездешкен катачылыктарын атады
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады
Врач измеряет артериальное давление. Архивное фото

Оору менен кырсыктан камсыздандырылган жарандарга 14 млн. сом төлөндү

Былтыр камсыздандыруу келишимин 37 миңдей киши түзгөн. Алардын миңге жакыны ар кандай окуяга туш болуп каражат алган.

БИШКЕК, 18-апр. — Sputnik. Өткөн жылы оору менен кырсыктан өзүн камсыздандырган кыргызстандыктарга 14,2 миллион сом берилди. Бул тууралуу Улуттук статистика комитетинин маалыматында айтылат.

2020-жылы бул жаатта ыктыярдуу түрдө 36 724 келишим түзүлгөн. Камсыздандыруунун жалпы суммасы 11,9 миллиард сомду түздү. Ал документ толтурган адам ооруганда же кырсыкка учураганда төлөнмөк. Ал эми камсыздандыруу боюнча баштапкы төлөм катары (камсыздандыруу үчүн каражат) 62,8 миллион сом түшкөн.

Улуттук статистика комитети келишим түзгөндөрдүн 858и ар кандай учурга туш келип, 14,2 миллион сом алганын айтты.

Белгилер:
төлөм, камсыздандыруу, кырсык, оору, Улуттук статистика комитети, Кыргызстан
Тема боюнча
Сооронбаев: коңурук тарткан адам ар кандай оору менен жабыркайт