Токто белгиси АКШ желигинин жанында. Архив

АКШ жарандарын алып кетпеген мамлекеттерге санкция киргизиши мүмкүн

489
(жаңыланган 11:58 11.04.2020)
Документке ылайык, Мамдепартаменттин башчысына мындай өлкөлөр тууралуу кабар берилет. Жетекчи бир аптанын ичинде ал өлкөлөргө чектөө киргизүү чечимин кабыл алат.

БИШКЕК, 11-апр. — Sputnik. АКШ президенти Дональд Трамп жума күнү коронавирус эпидемиясынын шартында өз жарандарын кайтарууну создуктуруп же аракет көрбөй жаткан мамлекеттерге визалык санкцияларды киргизиши мүмкүн болгон жарлыкка кол койду. Бул тууралуу РИА Новости жазды.

Документ боюнча мындай эреже бузуулар тууралуу мамлекеттик катчыга Американын ички коопсуздук министрлигинин башчысы кабар берип турушу шарт. Өз кезегинде мамлекеттик департаменттин жетекчиси жети күндүн ичинде өлкөлөргө карата чектөө киргизүү чечимин кабыл алышы керек. Маалыматта кеп биринчи кезекте виза берүүнү чектөө тууралуу болушу мүмкүндүгү айтылат.

11-март, эртең мененки маалыматка ылайык, АКШда COVID-19 жуктургандардын саны 501 560га жетип, 18 777 киши көз жумду. Ал эми 29 132 адам оорудан дарыланды.

Дүйнө боюнча COVID-19 вирусуна 1 698 626 киши чалдыгып, 102 774 киши каза тапты. Ооруну жеңгендердин саны 376 677.

489
Белгилер:
документ, санкциялар, коронавирус, Америка
Тема:
Дүйнөгө жайылган коронавирус (1169)
Тема боюнча
Түндө коменданттык саатты 85 киши бузду, анын көбү Бишкекте
Каратаев: үй карантининин убактысы өзгөргөн жок, 14 күнгө созулат
Эмнеге COVID-19дан адамдар көп өлүүдө? Илимпоздордун аныктамасы

Димаштын сагынычы... Ырчы пандемиядан кийин кезектеги шедеврин тартуулады. Видео

249
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

249
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди
Нашаа. Архивдик сүрөт

Кыргызстан БУУнун нашааны кооптуу баңгизаттын тизмесинен алуу чечимине каршы чыкты

76
(жаңыланган 17:27 05.12.2020)
Кара куурайды өтө кооптуу делген баңгзаттын катарынан чыгаруу чечимин БУУнун баңгизат каражаттары боюнча комиссиясы кабыл алган.

БИШКЕК, 5-дек. — Sputnik. Кыргызстан өзгөчө көзөмөлдү талап кылуучу кара куурай менен нашааны баңгизат каражаттарынын катарынан чыгарууга каршы добушун берген. Бул тууралуу ИИМдин Баңгизатты мыйзамсыз жүгүртүүгө каршы күрөшүү кызматы билдирди.

Буга чейин кара куурайды өтө кооптуу делген баңгизаттын катарынан чыгаруу чечимин БУУнун баңгизат каражаттары боюнча комиссиясы Дүйнөлүк саламаттык сактоо уюмунун сунушу менен кабыл алган. 27 мамлекет буга макул болсо, бирөө калыс экенин айткан. Ал эми 25 өлкө каршылыгын билдирген болчу. Өзгөртүү киргизүүнү колдогон мамлекеттердин башында АКШ жана Европанын бир катар өлкөлөрү турат. Каршы чыккандар — Кытай, Россия, Пакистан жана башка мамлекеттер. Бирок ар бир өлкө мурункусундай эле көзөмөлдүн кандай деңгээлде болорун өзү аныктай алат.

"Кыргызстан аталган өзгөртүүгө каршы чыккан 25 мамлекеттин ичинде. Көзөмөлдү төмөндөтүүгө багытталган бардык аракеттердей эле сунушталган демилге да он миңден ашуун гектар жеринде кара куурай өскөн Кыргызстандагы баңгизат боюнча кырдаалды курчутуп жиберет", — деп айтылат маалыматта.

Комиссия кабыл алган чечимдин кесепетин азайтуу үчүн Кыргызстан 1961-жылы чыгарылган баңгизат каражаттары боюнча Бирдиктүү конвенциянын 39-беренесин көздөмөкчү. Анда ар бир өлкөгө аталган эл аралык макулдашууда каралгандан катаалыраак көзөмөл жүргүзүүгө укук берилген.

Ведомствонун маалыматы боюнча, комиссиянын дээрлик бардык мүчөлөрү БУУнун баңгизатка каршы чыгарылган негизги конвенцияларын колдой тургандыктарын айтып, кара куурайды рекреациялык (саламаттыкты калыбына келтире турган ден соолукту чыңдоочу иш-чаралардын комплекси) максатта колдонуу үчүн мыйзамдаштырууга каршылыгын билдиришкен.

76
Белгилер:
каршылык, чечим, конвенция, БУУ, нашаа, кара куурай
Тема боюнча
Чек арада жети тоннадан ашуун кара куурай өрттөлдү. Сүрөт
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен