Арбакка айланган Индонезиядагы айылдардын бириндеги ыктыярчылар

Карантинде көчөгө чыккандарды "арбактар" коркутууда. Индонезиядагы окуя

1344
(жаңыланган 16:19 15.04.2020)
Жергиликтүү тургундар билдиргендей, арбак сымал кийинген ыктыярчылар күтүлбөгөн жерден күтүлбөгөн маалда чыга калганда эл коркуп, үйлөрүнөн чыкпай калган.

БИШКЕК, 15-апр. — Sputnik. Коронавирус эпидемиясынан улам Индонезиядагы айылдардын биринде ыктыярчылар жергиликтүү тургундар коркуп, сыртка чыкпасын деп "арбакка айланууга" аргасыз болушкан. Бул тууралуу ВВС жазды.

Билдирмеге ылайык, окуя Индонезиянын Ява аралындагы Кепух айылында болду. Айыл бийлиги март айынын аягынан тарта элди коркутуп, үйлөрүнө киргизиш үчүн арбак сымал кийинген ыктыярчыларга жардам сурап кайрыла баштаган.

Рейтер агенттигинин журналисттери "арбак" ыктыярчылар айылда кандай иштеп жатканын көрүү үчүн Кепухка барышкан. Алардын айтымында, алгач бийликтин бул ыкмасы жакшы иштеген эмес. Тескерисинче, "арбактарды" көрүүгө кызыккандар көп болуп, баары көчөгө чыга баштаган.

Бирок жергиликтүү тургундар билдиргендей, арбак сымал кийинген ыктыярчылар күтүлбөгөн жерден күтүлбөгөн маалда пайда боло баштаган. Мындан улам эл коркуп, үйлөрүнөн чыкпай калган.

"Көчөдө арбактай кийинген ыктыярчылар пайда болгондон тарта балдар ата-энелери менен үйдө отурат. Кечки дубадан кийин эл көчөгө чыкпай калды", — деген Карно Супадмо аттуу жергиликтүү тургун.

Азыркы тапта Индонезияда коронавирус жуктуруп алгандардын саны 4500гө жетип, андан 400 киши көз жумган. Серепчилер өлкөдө коронавирус жуктуруп алгандардын саны мындан да көбөйөт деп божомолдошууда.

1344
Белгилер:
ыктыярчылар, арбак, карантин, Индонезия
Тема:
Дүйнөгө жайылган коронавирус (1167)
Тема боюнча
Канадада үйдүн алдында турган камера "арбакты" тартып алган. Видео
Арбак болом деп... оюндан от чыкты. Пакистандагы кайгылуу окуя
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

14
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

14
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Кабулдагы Афганистандын аскер кызматкерлери. Архивдик сүрөт

Россия ТИМи Кабулдагы элчилигинин жардырылган унаасы боюнча үн катты

23
(жаңыланган 10:40 02.12.2020)
Россия афган тараптан окуяны тыкыр иликтөөнү, Россиянын Афганистандагы мекемелеринде иштегендердин коопсуздугун камсыз кылуу үчүн чара көрүүнү талап кылган.

БИШКЕК, 2-дек. — Sputnik. Кечээ, 1-декабрда, Афганистанда Россия элчилигинин автоунаасы жардырылды. Бул тууралуу Россиянын Тышкы иштер министрлигинин расмий өкүлү Мария Захарованын билдирүүсүндө айтылат.

Маалым болгондой, Россиянын Кабулдагы элчилигинин имаратынан анча алыс эмес жерде дипмиссиянын автоунаасы колго жасалган түзүлүш менен жардырылган.

Транспорттун ичиндеги кызматкерлер жеңил жаракат алганы белгилүү болду.

Захарованын айтымында, террордук чабуул элчиликтин автоунаасынын алдында аскер кызматкерлерин жүктөп бара жаткан Афганистандын улуттук коопсуздук күчтөрүнүн жүк ташуучу унаасына жасалышы керек болчу деген божомол бар.

Анткен менен Захарова теракт Россиянын жарандарына деле каршы жасалышы мүмкүн деген оюн айткан.

"Афган тараптан окуяны тыкыр иликтөөнү, Россиянын Афганистандагы мекемелеринде иштегендердин коопсуздугун камсыз кылуу үчүн чара көрүүнү талап кылабыз", — деди ТИМ өкүлү.

Ал Кабулдагы элчилик дипөкүлчүлүктөрдүн имараттарын жана кызматкерлерин коргоону күчөтүү үчүн кошумча чараларды көрөрүн кошумчалады.

23
Белгилер:
автоунаа, жардыруу, теракт, Афганистан, Россия
Тема боюнча
"Ислам мамлекети"* тобу Венадагы жардырууга жоопкерчилик алды
Афганистанда кызмат өтөп келген 9 австралиялык аскер жанын кыйды
АКШ Афганистанда 10 аскер базасын жапты. Өлкөнү талибдерге салып бердиби?
Бишкектин Коопсуз шаарынын камералары. Архивдик сүрөт

Бишкекте дагы 40 кесилишке "Коопсуз шаардын" камералары коюлат

0
(жаңыланган 10:50 02.12.2020)
Долбоордун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган.

БИШКЕК, 2-дек. — Sputnik. Бишкекте дагы 40тай жол кесилишине "Коопсуз шаардын" камераларын коюу пландалууда. Бул тууралуу мэриянын маалымат кызматы кабарлады.

Тез жардам унаасы. Архивдик сүрөт
© Пресс-служба президента КР / Султан Досалиев
Ага ылайык, азыркы учурда тийиштүү адистер камера орнотула турган кесилиштерди карап, изилдөөдө. Аппараттар кайсы кесилиштерде пайда болору маалыматта айтылган эмес.

Белгилей кетсек, "Коопсуз шаар" долбоорунун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган. Мында өлкөнүн бардык аймактарына камералар коюлат. Жалпы 306 жерге атайын жабдуу орнотулары, анын 266сы стационардык, 40ы көчмө камера боло турганы кошумчаланды.

0
Белгилер:
долбоор, тендер, жол, камера, Бишкек
Тема боюнча
Иши жеңилдеди. Патрулдук милиция айдоочуларды эми планшет менен текшерет
Жээнбаева: "Коопсуз шаар" киргенден бери Бишкекте жол кырсыгы 70%га азайды
Активист: майыптыгы бар адамдар "Коопсуз шаар" сыяктуу системада иштесе болмок