АКШнын президенти Дональд Трамп Нью-Мексико штатында. Архив

Аскер эксперти АКШнын Россиядан "шектенүүсү тууралуу": дагы жаза басабы

274
(жаңыланган 18:27 22.04.2020)
АКШ Россия өзөктүк курал менен эксперимент жүргүзүп жатат деп шектенүүдө. Аскер эксперти, саясат таануучу Иван Коновалов Sputnik радиосунун эфиринде мындай билдирүүлөрдүн себебине токтолду.

Россия өзөктүк куралга байланышкан тажрыйбаларды жүргүзүп келиши ыктымал. Мындай пикир АКШнын мамдепартаментинин конгресске жыл сайын жасачу докладында айтылат.

"АКШ Россия өзөктүк куралга байланышкан эксперименттерди жүргүзүп, бул натыйжада өзөктүк энергиянын чыгып кетишин шарттады деп эсептейт", — деп айтылат документте.

Муну менен катар мамдепартамент Россия дал ушундай тажрыйбаларды 2019-жылы жүргүзгөн деген так маалыматы жок экенин да белгиледи.

"Россия өзөктүк энергия жарылуучу контейнерден чыккыдай кылып эксперимент жасашы мүмкүн. Бул тынчсызданууну жаратат", — дешти департаменттен.

Мындан тышкары СССР менен АКШнын ортосунда өзөктүк куралды жер алдында сыноону чектөө боюнча 1974-жылы түзүлгөн макулдашууга ылайык, Москва өз тажрыйбалары тууралуу Вашингтонду кабардар кылбай жатышы мүмкүн деп да шек санап жатат. Мамдепартаменттин пикиринде, Москва мындай эксперименттери тууралуу Вашингтонго айтып турушу керек, АКШ өз кезегинде сыноонун верификациясын жүргүзөт. Мында АКШ Россияга эч кандай кине койбогону да белгиленди.

Sputnik радиосунун эфиринде аскер эксперти, Стратегиялык конъюнктура борборунун директору Иван Коновалов бул билдирүүгө комментарий берип, АКШ бардык тармактагы кызматташууга эбак чекит койгонуна токтолду.

"Биз жок дегенде ушул өзөктүк курал айдыңындагы кызматташууну жөн калтыралы деп сунуштаганбыз, бирок президент Дональд Трамп АКШнын өзөктүк потенциалын текшере турган болду. Бул эмнеден кабар берет? Америкалыктар кайрадан өзөктүк чокморуна киришти. Азыркы кырдаалда баары түшүнүктүү болуп турат, кезектеги макулдашуу жакпай, андан арылуу жолун издеп, ДРСМД боюнча колдонгон ыкманы пайдаланмакчы. АКШ ПВО системаларын чектөө боюнча келишимден чыгып бир жаза басты. Ал кезде Вашингтон Москваны алсыз деп эсептеп, баарына макул болорун боолгологон. Бирок ойлогон ою ишке ашпай, улам чалынып, башка жолун издөөгө туура келген", — деди Коновалов.

Эскерте кетсек, СССР менен АКШнын ортосунда 1974-жылы түзүлгөн өзөктүк куралды жер алдында сыноону чектөө боюнча макулдашууда сыноо жүргүзүлчү кубаттуулукка чектөө коюлган. Андан сырткары макулдашуунун шартын сактоо боюнча өз ара көзөмөл жүргүзүү каралган. Бул келишимдин алкагында АКШ менен Россия бири-бирине маалымат берип турууга милдеттендирилген.

274
Белгилер:
конгресс, доклад, департамент, өзөктүк курал, тажрыйба, Россия, АКШ, макулдашуу
Тема боюнча
Мунай өндүрүү жыл аягына чейин канчага кыскарат. ОПЕК+ кабыл алган келишим
МАГАТЭ коронавирус менен күрөшүү үчүн Кыргызстанга жабдык берет
Медициналык беткаптагы балдар ойноп жатышат

COVID-19: Кытайда эпидемиологиялык кооптуулук төмөндөдү

2
Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталган.

БИШКЕК, 7-июн. — Sputnik. Кытайдагы аймактардын баарында коронавирус боюнча эпидемиологиялык кооптуулук төмөндөдү. Бул тууралуу РИА Новости жазды.

Билдирмеге ылайык, жекшемби күнү Цзилинь шаарынын бийлиги райондордогу эпидемиологиялык кооптуулукту жогорку көрсөткүчтөн төмөнкү, ортоңкудан төмөнкү көрсөткүчтөргө ылдыйлата алышкан.

Жыйынтыгында Кытайда коронавирус боюнча эпидемиологиялык абал кооптуу делген бир да район калган эмес.

Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталгандыктан, айрым шаарлар кайра кооптуу аймакка кирген.

Коронавирус тууралуу

2019-жылдын декабрь айынын аягында Кытайдын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

2
Белгилер:
кооптуулук, эпидемия, коронавирус, аймак, Кытай
Тема:
Кытайдагы жаңы типтеги коронавирус
Тема боюнча
Казакстан президентинин маалымат катчысынан COVID табылды
G20 өлкөлөрү коронавирус менен күрөшүүгө 21 миллиард доллар бөлөт
Шереметьево аэропортунда учактар. Архив

Июнь-июлда Россиядан Кыргызстанга жума сайын чартердик каттамдар уюштурулат

19
(жаңыланган 14:32 07.06.2020)
Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиаяыкаттамдарына билеттердин баасын максималдуу түрдө төмөндөтүү боюнча сүйлөшүп жатат.

БИШКЕК, 7-июн. — Sputnik. Ушул жылдын июнь-июль айларында Россиядан Кыргызстанга чартердик каттамдар уюштурулат. Бул тууралуу Кыргызстандын Россиядагы элчилигинин маалымат кызматы билдирди.

Билдирмеге ылайык, азыркы тапта элчилик тарабынан мекендештерди Кыргызстанга жөнөтүү боюнча бардык аракеттер көрүлүп, Россиянын ТИМи, Росавиация, Роспотребнадзор жана авиакомпаниялар менен сүйлөшүүлөр жүргүзүлүүдө.

"Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиа2каттамдарына билеттердин баасын максималдуу түрдө төмөндөтүү маселесин чечип жатат. Элчиликтин алдындагы штаб кыргызстандыктарды биринчи кезекте мекенге жиберүү, тамак-аш жана убактылуу жашоочу жай (хостелдер) менен камсыздоо иштерин улантып жатат", — деп айтылат маалыматта.

Дипөкүлчүлүк жарандарды мекенге кайтуу боюнча ар кандай ушактарга жана чындыкка дал келбеген маалыматтарга ишенбөөгө чакырды.

Белгилей кетсек, бүгүн Москвадан Бишкекке 393 мекендеш учуп кеткен.

19
Белгилер:
мекендештер, каттам, Россия, Кыргызстан
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди