Москва Кремли. Архив

Коронакризис Кытай АКШ Россия үчтүгүн түптөйт. Жаңы дүйнөнүн жаралышы

1873
(жаңыланган 18:26 22.04.2020)
Коронавирустан кийинки дүйнөлүк түзүмдү көбүнесе Кытай, АКШ жана Россия тарабынан орнотулат деген пикирди ушул тапта байкоочулар (мисалы, South China Morning Post) тегин жерден оозанбагандыр.

Пандемия башталардан бир аз мурун да дүйнө дал ушундай "Үч үлкөндүн" түзүлүшүнө бара жатканы айтыла баштаганын белгилейт серепчи Петр Акопов.

АКШга түгөй катары Евробиримдикти да кошууга болот, атургай зарыл. Бирок мурдагыдай бирдиктүү Батыштын кенже өнөктөшү тартибинде эмес, потенциалдуу түрдө таптакыр өз алдынча күч катары кароо абзел. Бул күчтүн көйгөйү — башынан  өздүк идентификациясынын каатчылыгын кечирип жатканында. Анын келечеги Америкага баш ийүү биримдигинде эмес, эрк жана өз алдынча ойноо жөндөмүнө да ээлик кылбайт.

Эммануэль Макрон тынымсыз айтып келе жаткандай, Европа келечектеги өз орду жана ролунун глобалдуу көз карашынын жетишсиздигинен аксайт. Бирок коронавирустун айынан жаралган каатчылык анын өз алдынчалыгын кайтарууну тездетпейт, тескерисинче, биримдикти убактылуу чабалдатат. Ошондуктан кыска мөөнөттүү келечегинде жакынкы эки-үч жылда дал үч активдүү, салмактуу оюнчу дүйнөлүк түзүмдүн кайра түптөлүшүнө чечүүчү таасир этет.

Кытай менен АКШга салыштырмалуу Россиянын экономикалык чабалдыгы бул "Үлкөн үчилтиктин" катышуучусу макамынан ажыратпайт, анткени муну бардык фронттордогу активдүү геосаясий аракеттери, тарыхый тажрыйбасы жана кадыр-баркы менен толуктап коет.

Крым жаатындагы Украинанын чагымына жооп кайтаруу менен Россия 2014-жылдын көктөмүндө дүйнөлүк тарыхта жаңы бир бөлүм ачкан. Бул кадамы менен АКШнын Россияга бөгөт коюу жана бүт дүйнөдөн оолактатуу, ааламдын жүзүн бурушуна алып келүүгө аракеттенүүгө көкүткөндөй болгон, бирок андай амалдын ишке ашпай калганына бүт дүйнө күбө болгон. Россия Чыгышка жана Түштүккө бурулуп гана тим болбостон, калган бардык дүйнө үчүн атлантикалык дүйнө түзүмгө каршы туруп туу көтөргүчкө айланган. Мындай абройду эч кандай акчага сатып ала албайсың. Дал ошол кадыры жана Кремлдин эптүү геосаясаты менен Кытай жана АКШнын фонунда Россиянын жетишсиз экономикалык салмагын толуктайт. Бирок "Үлкөн үчилтик" дүйнөнүн жаңы түзүмүнө кантип таасир этет? АКШ — ылдыйга карай нук алган чоң держава, Кытай — күчкө толуп бараткан ири мамлекет. Россиянын орду кандай?

Россия — аларды бирде башка, бирде бөлөк жагына топтогон таразадагы гиря гана эмес, чоң роль ойноочу, эрежелерди аныктоочу, жаңы эрежелерди бекитүү үчүн жетиштүү абройго ээ.

Кытай менен биргеликте РФ постамерикалык дүйнөдөн көп полярдуу ааламга өтүүнүн жеңил формасын жактайт. Көп полярдуу дүйнө күч, баланс жана атаандаштыктын бир нече борборлорунан турат жана жаңы глобалдык дүйнө түзүмүнүн контурларын жаратат.

Түбөлүк эмес, бирок талкаланып бараткан азыркысына караганда туруктуу болот. Бул багытта Кытай менен РФ — анык союздаштар.

Кошмо штаттар үчүн Россия Федерациясы – АКШ – Кытай Эл Республикасы үчилтигинин ички мамилелери соңку жарым жылда Киссинжердин осуяттары боюнча каралып келген: Вашингтон Россия менен Кытайдын ортосундагы мамилеге караганда, Москва жана Пекин менен болгон мамилелердин өз-өзүнчө жакшырышына умтулган.

Бул формула эбак күчүн жоготкон, ал эми Си Цзиньпин бийликке келгени, тагыраагы, 2012-жылдан тарта бул мүмкүн да болбой калган. Ошентсе да Кошмо штаттар анын келечегинен үмүт үзгөн эмес. Алтургай, Россияны обочолонтуу аракетинин кооптуулугу жөнүндө, мындай кадам аны Кытайга ыкташына алып келери боюнча Киссинжердин кеңешине кулак салбаган 2014-жылдан кийин да бул формулага ынанган.

Чындыгында Россия жана Кытай Крымга да жакындаган, ансыз да бул стратегиялык курсун улантмак, Батыш менен Россиянын тиреши бул процесстерди дааналап жана тездетип койгон.

Бирок Вашингтон дале куру кыялдарга жетеленип, Россия менен Кытайдын ортосунда ушунчалык терең жана жоюлбай турган тиреш бар, алардын биримдиги туруктуу боло албайт, акыры баары бир жаңжал менен аяктайт же мамилелери сууйт, андыктан, АКШнын глобалдык лидерлигине бул тараптан коркунуч жок деп үмүттөнгөн.

Ушундай абалда АКШ 2016-жылга аяк баскан, ошол тушта атлантисттер үчүн күтүүсүз бийликке Дональд Трамп келген. Ал Кытай менен соода согушун баштап, Россия менен жакындашкысы келген, бул кадамдары менен дал Киссинжердин схемасы менен багыт алгандай болгон. Бирок иш жүзүндө Трамптын саясаты ага дейре "Үлкөн үчилтиктин" алкагында ойнолгон кызыкчылыктарды карманбай, жаңы, антиглобалисттик Америка – күчтүү улуттук мамлекет болууну көздөгөн. Ал бул ниетин ишке ашыруу үчүн бардыгына барууга, анын ичинде, өз өлкөсүнүн деградациясына да кайыл боло, улут үстүндөгү атлантикалык элиталардын дүйнөлүк үстөмдүгүн колдогон. Башкача айтканда, үч бурчтуктун алкагында азыр дүйнө түзүмүнүн үч душманы чогулушу — уникалдуу кырдаал. Албетте, Трамп, Путин жана Синин макулдаша билүүсү баары бир оңой-олтоң эмес. Державалардын ортосундагы геосаясый, соода-каржылык жана башка пикир келишпестиктерин эч ким жокко чыгарбайт.

Унификациянын глобалисттик долбоорлор жана дүйнөлүк үстөмдүк (АКШга таянуу менен) жана өз цивилизациялык моделин жашатуу укугун талаша жана башкалардын да ушундай эле укугун тааныган өлкөлөрдүн ортосунда эмес, мындай тиреш дал улуттук мамлекеттердин (империялар, мамлекет-цивилизациялар), башкача айтканда, бир системадагы координаттардын ортосунда.

Трамп — Путин — Си үчилтиги коронавируска чейин түшүнүктүү себептерден улам түзүлө элек болчу, бирок Кытай менен болгон соода согушу ага себеп эмес. Ал трамптык обочолонуу деминде болчу, анын активдүү фазасы глобалдык пандемия башталардын алдында дээрлик жарым-жартылай макулдашууга жетишүү менен аяктаган. Албетте, Кытайга ар тараптуу кысым көрсөтүү саясаты Кытай менен АКШнын ортосундагы кеңири стратегиялык сүйлөшүүгө болушунча тоскоол болуп, мындан тышкары, Трампка Путин менен байланышуу мүмкүнчүлүгүн бөгөттөп койгон. Андай саясатка Трамп мезгил-мезгили менен кайрылган, айрыкча, анын айланасынын глобалисттик бөлүгү аны буга түрткүлөп турган. Быйыл күздө кайра шайланганы Трамптын эркиндиги мурдагыдан да арткан, анын ичинде "Үлкөн үчилтик" алкагындагы аракеттер үчүн да эркиндиги кеңейген.

Аны жаратууга алгачкы кадам катары Владимир Путиндин БУУнун Коопсуздук кеңешинин туруктуу мүчөлөрү болгон өзөктүк державалардын саммитин өткөрүү демилгесин атоого болот. РФ президенти андай демилгесин быйыл январда Иерусалимде ортого салган.

"Чоң бешилтик", маңызында, президент Макрон тарабынан Европа менен толукталган "Үлкөн үчилтик" болуп саналмак, анткени Brexit фонунда АКШ жана Британия англосаксондук биримдик (анан калса геосаясый) айкын болмок.

Путиндин демилгесине баары макул болуп, саммит БУУнун Башкы ассамблеясынын сессиясы өтүп келген Нью-Йорк шаарында алдын ала сентябрь айына белгиленген.

Коронавирус дүйнөнү карантинге жапты. Бирок күзгө чейин пандемия басаңдайт. Эгер, албетте, Кошмо штаттар антикытайлык маанайга кабылбаса эле Макрон менен Жонсон сымал Путин менен Си Цзиньпин Нью-Йоркко чогулушат. Мисалга, сенатор Линдси Грэм коронавирус инфекциясынан улам америкалыктардын өлүмү үчүн Кытайды айыптап, АКШ бул мамлекетти катуу жазага тартышын, "өз жүрүм-турумун өзгөртүүгө мажбурлоого" чакырды. "Кытайга болгон карызыбыздын бир бөлүгүн кечүү маселесин козгойлу демекчимин. Анткени биз аларга эмес, алар бизге төлөшү керек!". Эгер ушундай сунушту Трамп билдирсе, анда сентябрдагы саммиттен кеп козгоого да болбой калмак,

Си Цзиньпин аны менен кезигүүдөн баш тартмак.

Бирок Трамп мындай тондо сүйлөбөйт, анткени бул жолугушуу Кытайга караганда Америкага көбүрөөк зарыл. Ал эми коронавирустан улам жаралган глобалдык каатчылык Трамптын глобалисттерге каршы көз карашын бекемдейт. Ал Россияга да зарыл, эгер коронавирустан кийинки дүйнө түзүмү боюнча канчалык эрте кеп козголо баштаса, жалпыга жакшы болмок.

Азырынча, "үлкөн үчилтик" Сталин, Рузвельт жана Черчиллди эске салат. Жакын арада ал жаңырышы ыктымал, бирок Трамптын ноябрда АКШ президенттигине кайра шайланышын күтүү туура болот. Анда 2021-жылы жаңы дүйнөнүн жаралышына күбө боло баштайбыз.

1873
Белгилер:
дүйнө, тарых, саясат, кризис, пандемия, коронавирус, Россия, АКШ, Кытай
Тема боюнча
АКШ коронавируска байланыштуу киргизилген чектөөлөрдү алууга камынууда
Жаңы универсалдык модулдуу Т-15 Армата. Архивдик сүрөт

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

7
(жаңыланган 17:31 06.06.2020)
Россия курал-жаракты иштеп чыгуу жана өндүрүү тармагында алдынкы сапта. "Армата" платформасынын базасындагы жөө аскерлердин оор машинасы (БМП) – технологиялык сапаттуу секирик.

Жаңы аскердик көлүккө дүйнөлүк курал рыногунда суроо-талап артары турулуу иш.

Москвада 24-июнда өтө турган Жеңиш парадына аскердик техниканын алдынкы үлгүлөрүнүн катарында аралыктан башкарылуучу "Кинжал" жаңы универсалдык модулдуу Т-15 "Армата" дагы катышат (14 чакырымдан ашуун аралыктан душманды жок кылат, 57 мм. куралдын ок атуу ыкчамдыгы – мүнөтүнө 80 жолу ок чыгарат). Ушул тапта бул – планетадагы эң кубаттуу жана сооттолгон жөө аскерлердин кубаттуу куралы экенин белгилейт аскерий серепчи Александр Хроленко.

Чынжырлуу платформадагы "Армата" жөө аскерлерди жеткирүү жана алдынкы крайдагы күчтөрдү ок атуу менен колдоону киргизүүгө багытталган. Курал-жарак, маневрдүүлүгү жана коргоо тутуму жөө аскердин кубаттуу көлүгү Т-15тин танк менен бир катарда от чачууга мүмкүндүк берет. Ошону менен катар пехоталык аскердик оор машинасынын жасалышы өзүнөн мурун чыккан Т-14 танкынан айырмаланат.

Кыймылдаткычы маңдай жагында, ортосунда башкаруучу, артында десанттык бөлүгү жайгашкан. Курал-жарак жана ок-дары аралыктан башкарылчу таптакыр киши отурбаган мунарасында орнотулган.

Анын ички жана кыймыл тутумунун уюштурулушу экипажга жана десантка үч сутка аралыгында машинанын ичинен чыкпай коюлган милдеттерин аткарууга жол берет. Машина экипаждын үч мүчөсү менен башкарылат, десанттык бөлүмүнө жабдылган тогуз мотоаткыч батат.

12 аскер үчүн коопсуздук жана жетишерлик ыңгайлуулугу, курал-жарак жана ага ок-дарынын кыйла көп болушу аталган техниканын заңкайган габаритин жана салмагын аныктаган (узундугу – 9,5 м, туурасы – 4,8 м, бийиктиги – 3,5 м, салмагы – 55 тонна).

Кубаттуулугу 1500 а.к. болгон 2В-12-3А дизелдик кыймылдаткыч менен жабдылган бул кат-кат сооттолгон "дулдул" 5 метр тереңдиктеги суу тоскоолдуктарын жиреп өтө алат. Өңгүл-дөңгүл жерлерде ылдамдыкты саатына 50 чакырымга, шосседе саатына 75 чакырымга чейин зыпылдайт. Жүрүш камы – 500 чакырым.

Россия армиясына Т-15 "Армата" абдан зарыл эле. Жаңы аскердик машина мотоаткычтык бөлүктөрдүн техникалык жабдылышын сапаттуу түрдө жакшыртууга жана согуш талаасында сооттолгон техниканы пайдалануунун жаңы концепцияларын киргизүүгө кепилдик берет.

Бирдиктүү "Армата" платформасындагы Т-14 БМП жана Т-15 танкы аталган өлкөнүн куралдуу күчтөрүнө удаалаш берилет. Себеби эки машина тең согуштук аракеттерди интеграцияда жүргүзүү үчүн иштелип чыккан.

Жогорку деңгээлде корголот

Дүйнөдөгү жөө аскердик машиналардын баары душмандын танктарга каршы коргонуу каражаттарынын огунан соо калбашы мүмкүн. Бирок БМП Т-15ке бул мүнөздүү эмес. Жогорку деңгээлдеги корголушу – "Арматалардын" эң негизги сапаты.

Т-15тин конструкциясынын маанилүү өзгөчөлүгү – курал комплекти жана мотордук-трансмиссиялык бөлүгүнөн обочо жайгашкан бронекапсуласы (мында командир, механик-айдоочу жана оператор отурат) жана экипаж менен десантты фугастын (жер алдына көмүлгөн дүрмөт) жарылышынан сактаган корпустун минага каршы конструкциясы. Т-15 көлүгүнүн танкка каршы кыйратуучу каражаттардан эшелондоштурулган, көп деңгээлдүү коргонуу тутуму да көңүл бурдурбай койбойт.

Нурланууну (душмандын лазердик көрсөткүчү жана алыстыкты ченегичи аркылуу) табуунун оптикалык-электрондук басуу комплекси жана датчик тутуму тыгыз аэрозолдук көшөгө үчүн түтөтмө гранаталарды автоматтык түрдө атууга мүмкүндүк берет. Негизги ишти "Афганит" активдүү коргоонун ракурстук комплекси аткарат. Бул – ага карай учурулган душмандын танкка каршы ракеталарын таап, атып түшүрүүчү (көлүктүн корпусуна тийбеген) автоматташтырылган тутум.

"Афганит" душмандын ракетасы учурулган районду кайра сокку уруу үчүн аныктай алат. Жөнгө салуучу антенналык торчолору техникага жакын бардык кыймылды сезе алат. Жакын аралыкка толук көз салуу экипаждын дисплейине чагылдыра турган видеокамералар аркылуу да жүргүзүлөт.

Эгер душмандын снаряддары баары бир "Афганиттин" коргоо чегинен өтүп кетсе, анда "Малахит" динамикалык коргоо комплекси аракетке кирет. Эки система тең БМП Т-15ке коргонуунун ынанымдуу чегин камсыз кылат. Бирок соккуга композит жана болоттон жасалган негизги сооттолгон корпусу да туруштук бере алат. Материалдардын айкалышы 1200 мм. калыңдыктагы кадимки сооттолгон плитанын бышыктык эквивалентине жетүүгө шарт түзөт. Мындан тышкары, машина душмандын спутник навигациясы жана радиосигналдарын басаңдаткан, дүрмөт жана ракеталарын нугунан тайдыра алчу радиоэлектрондук күрөш каражаттарына ээлик кылат. Түбүндөгү минага каршы коргонуусу күчтүү фугастын сокку толкунун да токтото алат. БМПнын күч орнотмосунун маңдайында жайгашышы экипаж менен десант үчүн кошумча коргойт.

Коргонуу даражасы боюнча дүйнөдө ага тең келген аналогу жок. Т-15 жөө аскердик машинасы бардык жакынкы атаандаштарын артта калтырат, анын ичинде немистердин "Пумасын" (Schützenpanzer Puma) да караандатпайт. Бул көлүк азыр Бундесвердеги "Мардер" (Marder) техникасынын ордун басууда.

Айрым гана параметрлери боюнча Т-15ке израилдик Namer бронетранспортеру атаандаша алат. Т-15тин мүнөздөмөлөрүнүн баары кеңири коомчулукка белгилүү эмес. "Армата" – Россиянын Коргоо министрлигинин эң жашыруун долбоорлорунун бири.

Кыйраткыч күч

Жергиликтүү жаңжалдардагы (шаар ичиндеги кармаштарда) жаңы тактика жөө аскердик көлүктөрдү дагы бышык кылууну талап кылды. Россиялык жаңы мындай техника танктык калканчка ээ, кургакта ишенимдүү коргонууну, дээрлик кандай душман болсо да салгылашуусун камсыз кылат. Күчтүү, жакшы сооттолгон жана куралданган көлүк жөө аскерлерди алдыңкы аймакка тез жеткирип, нык ок жаадыра алат. Душмандын атуучу куралдар турган жерлерин басат, бекемделген коргоо чебин жиреп өтө алат. Т-15 милдеттерин талаа жана калаа шартында ийгиликтүү аткара алат.

Т-15 негизги куралы – 57 мм сай автоматтык замбирек жана "Атака Т" танкка каршы ракеталык комплекси менен "Кинжал" аскердик модулу. Киши отурбаган аскердик модуль айланып жүрүүчү дистанциялык-башкаруучу тутум түрүндө аткарылган.

Күчтүү тез атар 57 мм курал калканчты тешип өтүүчү жана майдаланма-фугастык дүрмөттөр менен жердеги жана абадагы буталарын 14500 метр аралыктан жок кылат.

Танкка каршы 9М120 "Атака" тескелүүчү ракеталар 10 чакырым аралыктан сооттолгон буталарга пайдаланылат (активдүү коргонуу комплекстери). Душмандын аскер күчтөрү менен күрөштө кошумча каражат – 7,62 мм пулемет ПКТМ. Автоматташтырылган системасы активдүү жана пассивдүү режимде буталарды оптикалык локатор менен издейт жана коштой алат. Мисалга, жашынган көзгө атарларды таап, изине түшүп, эки бутаны бир убакта атат. Белгилей кетсек, НАТО өлкөлөрүнүн пехоталык аскердик машиналарынан айырмалана Т-15 аскердик модулдары телевизиондук жана инфракызыл оптикалык жабдуу менен учуучу аппараттарды пассивдүү кармоо менен жакынкы салгылашта абадан коргонуу режиминде да иштейт.

БМП Т-15 куралы жердеги буталардын дээрлик бардыгын (анын ичинде танктардын) кыйратып, чабуулчуларды, Apache тибиндеги танкка каршы тик учактарды, MQ-1 Predator үлгүсүндөгү сокку уруучу пилотсуз учактарды атып түшүрө алат. Радиолокациялык станциясы, датчиктердин өнүккөн тутуму жана куралдын кош тегиздиктүү стабилизатору бар. Башкаруунун компьютерлештирилген системасында көп функционалдуу эки кароол камтылат: бири мээлөөчүгө, экинчиси машинанын командирине ылайыкталган.

Курал-жаракты куруунун модулдук принциптери татикалык фонго жараша аскердик комплектациянын варианттарын өзгөртүүгө мүмкүндүк берет. Т-15тин азыркы конфигурацияларынын бир нечеси жаңы модулдар менен толукталышы ыктымал.

Аскердик интеграция

Тактикалык звеносунун бирдиктүү тутумунда Т-15 башка машиналарга табылган буталар боюнча маалыматтарды берип, жок кылууга бута көрсөткүчтөрүн кабыл алууга жөндөмдүү. Бул күчтөрдүн уюштурулушунун сапаттуу жаңы деңгээли. Т-15 өзөктүк же массалык кыйратуучу куралдардын башка түрлөрү колдонулган шарттарда да кандай гана душманга каршы болбосун, согуштук аракеттерди жүргүзүүгө багытталган.

БМП Т-15 аскердик маалыматтык-тескөөчү тутуму мурунку муундагы пехоталык машиналарга салыштырмалуу бул көлүктүн командалык башкарылышынын жогорку деңгээлин камсыз кылат. Бул пехоталык машинанын экипажына көлүктүн техникалык абалы жөнүндөгү толук маалыматтарды жиберип, түздөн-түз коюлган аскердик милдетти аткарууга ыкылас коюуга мүмкүндүк берет. Машинаны түзүүчүлөр Т-15 бортунда чалгындоо жана оперативдик жагдайды баалоо үчүн учкучсуз аппарат да болорун айтышкан. Эски БМП-1 жана БМП-2 согуш талаасында танк бөлүмүн колдоо жана коргоо каражаттары катары чыгарылган. Жогорку ылдамдыгы жана салмагынын аздыгы машиналардын бурулушун жеңилдеткен. Бирок, чабал калканчы бышык кыла албаган. Тактикалык-техникалык мүнөздөмөлөрү боюнча БМП Т-15 бардык аналогдорунан озуп чыгат. Мындан тышкары, Т-14 негизги аскердик танкы жана Т-15 бирдей күч блокторуна жана гидромеханикалык трансмиссияга ээ. Ушундай унификация Россияда биринчи ирет колдонулуп, аскердик машиналарды техникалык тейлөөнү өтө жөнөкөйлөштүрөт.

Тегин жерден бул Т-15 индиялык аскер жетекчилерге да жакпагандыр. Ал гана эмес, жөө аскердик жаңы машиналарды сатып алууну Ирак, Кувейт, Таиланд жана Пакистандын армиясы да ойлонууда.

Россия курал-жарак рыногундагы бул орунда БМП M2 Bradley көлүгүн ондогон өлкөлөргө сатып жаткан америкалыктар менен да атаандаша алат. Россиялык жана чет элдик аскер серепчилеринин пикиринде, Т-15 дагы бир топ жыл чет элдик конструктордук бюролордо окшоштуруп жасоого үлгү болору турулуу иш.

7
Белгилер:
сатуу, серепчи, мүнөздөмө, курал-жарак, платформа, Россия
Тема боюнча
Россиялык "Циркон" Дүйнөлүк океандагы нукту өзгөртөт. Ага каршы курал жок
Улуу акын Александр Сергеевич Пушкиндин эстелиги. Архивдик сүрөт

Дүйнөнүн атактуулары Пушкиндин чыгармаларын түз эфирде окушат

29
(жаңыланган 13:15 06.06.2020)
Иш-чара улуу акын Александр Сергеевич Пушкиндин 221 жылдыгына жана Орус тили күнүнө арналат. Онлайн-трансляцияны "Россотрудничество" мекемеси Facebook баракчасында Бишкек убактысы менен саат 17:00дө баштайт.

БИШКЕК, 6-июн. — Sputnik. Бүгүн "Почитаем Пушкина" адабий-музыкалык марафону түз эфирде өткөрүлмөкчү. Бул тууралуу "Россотрудничество" мекемеси маалымдайт.

Иш-чара улуу акын Александр Сергеевич Пушкиндин 221 жылдыгына жана Орус тили күнүнө арналат. Онлайн-трансляцияны "Россотрудничество" мекемеси Facebook баракчасында Бишкек убактысы менен саат 17:00дө баштайт.

Түз эфирде белгилүү адамдар Пушкиндин ыр саптарын окуп, анын сөзүнө жазылган романстар аткарылат.

Иш-чараны "Россотрудничество" мекемесинин башчысы Элеонора Митрофанова ачып берип, акын жана драматург Жулиан Генри Лоуэнфельд алып барат.

Ага Россия, Бельгия, Улуу Британия, Индия, Ирландия, Кытай, Сербия, АКШ жана Франциядан ырчы, музыкант, акындар катышат.

Пушкиндин чыгармалары бир гана орус эмес, башка тилдерде дагы жаңырат.

29
Белгилер:
түз эфир, чыгарма, ыр, Александр Пушкин
Тема боюнча
Айтматов Пушкин, Толстойдон эмне үйрөнгөн? Орус адабиятынын таасири тууралуу 5 факты
Эмне үчүн Пушкин менен Шаляпиндин тилин үйрөнүү керек?
Попкорн жеген кыз. Архивдик сүрөт

Келинимдин жүдөөлүгү көкөйгө тийди. Айласы куруган кайнененин каты

0
(жаңыланган 17:45 06.06.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет келини менен бир үйдө батыша албай калган кайнененин каты жарыяланды.

Саламатсыздарбы? Жашым 60ка барып калды. Көп жыл медицина тармагында иштеп, азыр пенсиядамын. Бир уул, эки кызым бар. Кыздарым турмушка чыгып, орун-очок алышты. Уулумдун үйлөнгөнүнө алты жылга чукулдады. Бирок келиним экөөбүздүн жылдызыбыз келишпей койду. Өтө эле бош, жүдөө. Айтып, үйрөтүп алам го деп ойлогом, бирок майнап чыккан жок.

Өзү деле эки баланын энеси болду. Кыбырап жасаган жумушун арбытпайт. Башында мен иштеп жүргөндө жумуштан келсем идишти, кирди үйүп салган учуру далай болчу. Абышкам мага айтат, мен келинге айтсам кыялын көрсөтөт. Айтор, биздин үйдөгү тартипке көнбөй койду. Майда ишке баш оорутпай эле коелу десек, муну адат кылып алды окшойт. Ары-бери басып жүрүп, кечки тамакты 8-9дан баштап жасап, түнкү 11-12де жеген күндөр болду. Иштеп атса да бир жөн. Балдарын абышкам карашат, бошой калсам, өзүм кол кабыш кылам. Артынан жыйнап, айтып атып тажап да кеттим. Биз өзүбүз тазалыкка, тыкандыкка көнгөнбүз, алты жылдан бери ашмалтайыбыз чыгып бүттү. Үйдүн чачылып жатканынан киши келгенде өлбөгөн төрт шыйрагым калат. Бөлүп салайын дейм, элдин кеп-сөзүнөн чочулайт экенсиң. "Бир баласын батыра албай бөлүп салды" деп айтабы дейсиң. Чогуу да жашай албай калдым, ушунчалык тажадым. Уруша берип бир күнү уулум экөөнү ажыраштырып албайын деп да корком. Балдары турса "мейличи" деп көз жумасың. Бирок дээринде болбогондон кийин канча айтсаң деле укпайт экен. Кээде экөөбүз калганда кызымдай кылып акыл-насаатымды айтып калам. Бир кулагынан кирип, бир кулагынан чыгып кетет. Психологго кайрылып жаткан себебим да ушул. Эмне кылсам болот? Өз үйүмө өзүм батпай калдым. Анын жүдөөлүгүнө да мындан ары чыдай албайт окшойм.

Жизель Малиева, психолог:

— Кайсы ата-эне болбосун "балдарым жакшы жашасын, жакшы жубайга туш болсо" деп тилейт. Бирок кандай келин келген күндө да аны "жаман" дей бербей, жакшы сапаттарын көрө билүү зарыл.

Кат жазган эже келинин үй-бүлөдөгү тартипке, тазалыкка көндүрөйүн деп аракет кылыптыр. Бирок жылыш жок. Көп учурда кайнене менен келиндин бир үйдө чогуу жашашы көйгөй жаратат. Ага келин да, кайнене да даяр болгону дурус. Көйгөй жараткан себептер — үй жыйноодо, тамак жасоодо, баланы тарбиялоодо эки жактын көз карашы эки башка болот.

Айта кетчү нерсе, кайнене келинге кечке эле акыл үйрөтө берүүдөн алыс болушу керек. Анткени сын уга берген адамда "мени баалабайт" деген сезим пайда болуп, кыжырлана баштайт. Таарыныч ошондон чыгат. Негизи эле экөөнүн бири кемчиликтин артынан гана кууп алганда, мамилелери солгундайт.

Каттын авторуна кеңешим, анчалык чогуу жашоодон тажасаңыз жаштарды өзүнчө бөлүп коюңуз. Тааныш, туугандын кеп-сөзүнө карабай эле койгон оң. Аларды өзүнчө бөлгөндө жашоого болгон көз караштары өзгөрөт. Көйгөйлөрүн өздөрү чечкенди үйрөнүшөт.  Келиндин үй оокатына болгон мамилеси өзгөрөт, өзгөрбөсө, уулуңуз экөө өздөрүнчө чечип алышат. Өз алдынча жашоо — өз күчүнө ишенип жашоого мажбур кылат. Тазалык, тарбия жана үй оокатына болгон мамиленин жоопкерчилиги жеке келиндин мойнунда болот.

Өзүнчө бөлгөндөн кийин сый мамиледе да болуп каласыздар. Бул кеңештер кат жазган аялга жөн гана багыт. Акыркы чечимди өзү кабыл алсын. Башкысы — балдарынын жашоосун, экөөнүн бири-бирине болгон мамилесин үйдөгү тиричилик үчүн бузуп алуудан абайлашы керек. Аны жогоруда, өзүңүз деле айтып жатпайсызбы. Анткени үй-бүлө бузулса, аны кайра калыбына келтирүү оңой эмес.

0
Белгилер:
кыз-келиндер, мамиле, үй-бүлө, психология, келин, кайнене
Тема:
Психолог менен баарлашуу
Тема боюнча
Аялым төшөктө салкын. "Ыраазы" болбогон эркектин каты
Күйөөдөн чыккан кызым кууратып бүттү. Айласы кеткен эненин муңу
Камкор кайнагамды жактырып калдым. Келиндин каты