Түндүк Корея башчысы Ким Чен Ын

ЖМК: операциядан кийин Ким Чен Ындын абалы кескин начарлап кетти

1742
(жаңыланган 11:44 21.04.2020)
Жергиликтүү жалпыга маалымдоо каражаттарынын маалыматы боюнча, 12-апрель күнү адистештирилген ооруканага борбордогу эң мыкты хирургдар чакыртылган.

БИШКЕК, 21-апр. – Sputnik. Түндүк Корея башчысы Ким Чен Ындын абалы операциядан кийин начарлап кетти. Бул тууралуу CNN телеканалы америкалык администрациядагы булактарына таянып кабарлады.

Өткөн шаршембиде түндүккореялык лидер көп жылдардан бери биринчи ирет маанилүү улуттук майрамдардын бири — өлкө негиздөөчүсү Ким Ир Сендын 108 жылдыгына арналган салтанатка катышкан эмес. Мамлекет башчысын эл алдынан акыркы ирет 11-апрелде көрүшкөн.

Маалыматка караганда, ага жүрөк оорусуна байланыштуу операция жасалган.

“АКШ Ким Чен Ындын абалы операциядан кийин кескин начарлап кеткени боюнча чалгындоонун маалыматтарын изилдеп жатат”, — дешти телеканалдан.

Ошондой эле жергиликтүү Daily NK басылмасы жазганына караганда, 12-апрель күнү адистештирилген ооруканага борбордогу эң мыкты хирургдар чакыртылган. Тийиштүү процедуралар аткарылгандан кийин лидердин абалы жакшыра баштаган. Ал эми көпчүлүк медиктер 19-апрелде үйлөрүнө кое берилген.

Учурда дарыгерлер Ким Чен Ындын абалына көз салып гана турганы айтылды.

1742
Белгилер:
операция, Ким Чен Ын, АКШ, Түндүк Корея
Тема боюнча
Түндүк Корея өзөктүк курал сыноого мораторийин токтотту. БУУ тынчсызданууда
ИГИЛдин жүзүнөн таанылбаган лидери кайсы мамлекетте жүргөнү аныкталды
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

57
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

57
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео
Дүйнөдө биринчилерден болуп ВИЧ оорусунан айыккан АКШнын Тимоти Рэй Браун аттуу жараны. Архивдик сүрөт

Дүйнөдө биринчи болуп ВИЧти жеңген адам рактан каза тапты

134
(жаңыланган 23:54 30.09.2020)
Калифорниядагы хоспистердин биринде "берлиндик пациент" рак илдетинен көз жумду. Аны ак кан оорусу узаткан жок.

БИШКЕК, 30-cен. — Sputnik. Дүйнөдө биринчилерден болуп ВИЧ оорусунан айыккан АКШнын Тимоти Рэй Браун аттуу жараны рак оорусунан каза тапты. Бул тууралуу анын Facebook аккаунтунда айтылган.

Рэй Браун шейшемби күнү саат 15:10 чамасында Калифорниядагы хоспистердин биринде аркы дүйнөгө узаган. Ал жерге онкологиялык ооруларга чалдыгып, көз жума турган кишилерди жайгаштырышат.

"Терең кайгыруу менен Тимотинин беш ай ак кан илдети менен күрөшүп жатып каза тапканын билдирем. Ал бүгүн саат 15:10до менин жана досторунун курчоосунда аркы дүйнөгө узады", — деп жазган анын түгөйү Тим Хеффген.

"Берлиндик пациент" деген ат менен таанымал Тимоти Рэй Браун 2007-жылы лейкемия менен күрөшүү максатында сөөктүн чучугун алмаштырган. Жыйынтыгында ал ракты жеңип, ага чейин алышып келе жаткан ВИЧ-инфекциясынан да айыккан.

Елена Малышева адам баласы үчүн эң кооптуу беш илдетти санады

Ошондон бери анын организминен ВИЧ илдетинин бир дагы белгиси байкалган эмес. Бирок лейкемия 2019-жылы кайра пайда болуп, организмине тарап кеткен.

134
Белгилер:
вич, Калифорния, АКШ
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Бекболотов: эми онкологиялык бейтаптын анализдери СПИД борборунан алынат