Оозду ачырды! Коронавирус жуктурган дарыгерлердин териси таанылгыс болуп өзгөрдү

© Sputnik / Стрингер / Медиабанкка өтүүМедициналык кызматкерлер коопсуз костюмчан коронавируска тесттерди алып жатышат. Архив
Медициналык кызматкерлер коопсуз костюмчан коронавируска тесттерди алып жатышат. Архив - Sputnik Кыргызстан
Жазылуу
Ухандагы ооруканалардын биринде бейтаптарды дарылап жаткан эки медик COVID-19 илдетине кабылган. Алардын бири 39, экинчиси 100 күндө өзүнө келген.

БИШКЕК, 22-апр. — Sputnik. Коронавирус жуктурган Кытайдагы эки дарыгер сакайгандан кийин терисинин өңү өзгөрүп, ынды кара болуп калышты. Бул тууралуу The Daily Mail жазды.

Ухандык медиктер башка расадагы адамдарга окшошуп калган.

Ю Фан жана Ху Вейфенг аттуу медиктер 18-январда Ухандагы борбордук ооруканада бейтаптарды дарылап жатып илдетке кабылган. Алардын абалы оорлошуп, канга кычкылтек жеткирген аппаратка туташтырылган.

Ооруканада Ю Фан 39 күн, Ху болсо 99 сутка жаткан.

“Коронавирус дарыгерлердин организмине тарап гормоналдык баланс бузулган. Буга байланыштуу алардын терисинин түсү өзгөрүп кетти”, — дешти медиктер.

Ю Фан журналисттер менен баарлашып жатып өзүнүн абалын билгенде абдан коркконун билдирген. Ошондой эле түнкүсүн түрдүү түштөр киргенин кошумчалаган. Ал психологиялык тоскоолдуктарды дарыгерлерден консультация алгандан кийин жеңгенин белгилеген.

Саламаттык сактоо министринин орун басары Нурболот Үсөнбаев - Sputnik Кыргызстан
Бишкекте коронавирус жуктургандар эмнеге көбөйүп жатат? Министрликтин жообу
Медиктердин айтымында, эки бейтаптын дарылануусу толугу менен бүткөндөн кийин алардын терисинин өңү калыбына келет. Бирок боордун функциясы жакшырбаса, тери ошол бойдон калып калышы мүмкүн деген да божомол болууда.

Эки дарыгердин окуясы соцтармактын оозун ачырды. Алардын сүрөтү кызуу талкуу жаратууда.

Айрымдар башка өзгөрүүлөрдү дагы байкашкан.

“Мурду дагы такыр башка формада болуп калыптыр”, — деди колдонуучулардын бири.

​2019-жылдын декабрь айында Ухань шаарында COVID-19 илдети табылган. 31-декабрда Кытай бийлиги Дүйнөлүк саламаттык сактоо уюмуна жаңы илдет тууралуу кабар берген. Шаар карантинге жабылып, ооругандардын саны 50 миңге жеткен.

Жаңылыктар түрмөгү
0