АКШ президенти Дональд Трамп

АКШ грин-карта берүүсүн токтотту. Трамптын түшүндүрмөсү

200
(жаңыланган 12:01 23.04.2020)
Грин-карта берүү азырынча эки айга токтотулду. Бирок коронавирус пандемиясы жана экономикалык абалга жараша убактысы андан дагы узартылышы мүмкүн.

БИШКЕК, 23-апр. — Sputnik. АКШ президенти Дональд Трамп Америкада туруктуу жашоого уруксат берген документти (грин-карта) чет элдиктерге берүүсүн токтотконун жар салды. Мындай жарлыкка президент 23-апрелде кол койгонун ВВС жазды.

Маалыматка караганда, грин-карта берүү азырынча эки айга токтотулду. Бирок коронавирус пандемиясы жана экономикалык абалга жараша убактысы андан дагы узартылышы мүмкүн.

Мындай чечимдин негизги максаты — Американын коронавирустан улам бош калган жарандарын жумуш менен камсыз кылуу.

"Мен мындай чечимди өзүбүздүн жарандардын кызыкчылыгын коргош үчүн кабыл алдым. Экономика жандана баштаганда жумушка орношуу боюнча биринчи кезекте АКШлыктар турушу керек. Ошондой эле биз мындай жол менен саламаттык сактоо тармагынын ресурстарын америкалыктар үчүн сакташыбыз зарыл”, — деди Трамп.

Бирок бул чектөө учурда АКШга өтө зарыл болуп турган адистиктеги адамдарга тиешеси жок. Мисалы, медиктер грин-картаны эч тоскоолдуксуз ала алат.

Бул АКШнын жумуш издеген чет элдиктерге койгон биринчи чектөөсү эмес. Буга чейин, тагыраагы, ушул жылдын февраль айында Трамп дагы бир эреже кабыл алган. Ага ылайык, АКШга барган адам жөлөк пулга муктаж эмес, өзүн-өзү каржылай ала тургандай болушу керек болчу.

Белгилей кетсек, учурда Америка коронавирусту жуктуруп алгандардын саны боюнча алдыңкы орунда турат. Дүйнө жүзүндө вируска кабылгандардын саны 2,6 миллион болсо, анын 842 миңи АКШда. Илдет Нью-Йорк, Мичиган, Иллинойс штаттарын өзгөчө каптап, өлкө экономикасын бир топ алсыратууда.

200
Белгилер:
чектөө, Дональд Трамп, миграция, грин-карт, АКШ
Тема:
Дүйнөгө жайылган коронавирус (1053)
Тема боюнча
АКШдагы тез татым фирмасы бузулган тамактар үчүн 25 млн. доллар төлөп берет
Трамп: ДССУга бере турчу 500 млн. долларды зарыл нерсеге жумшайбыз
Аэропорттогу жүргүнчүлөр. Архивдик сүрөт

Россияга барыш үчүн кыргызстандыктар ПЦР-тесттин жыйынтыгын көрсөтүшү керек

146
(жаңыланган 22:55 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. Россияга барууну каалаган кыргызстандыктар коронавируска тапшырган тести терс жыйынтык көрсөткөнү тууралуу маалым катын көрсөтүшү керек. Бул тууралуу КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан 21-сентябрдан тарта  аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Ал эми тестти жүргүнчү Россиянын аймагына киргенге чейинки үч күндүн аралыгында тапшырышы зарыл.

146
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты
Өрттөнгөн унаа. Архивдик сүрөт

Ташкентте 19 жаштагы кыз үйлөнбөй койгон жигитинин машинасын өрттөп салды

107
(жаңыланган 19:13 20.09.2020)
Тергөө учурунда сүйүшкөн жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

БИШКЕК, 20-сен. — Sputnik. Ташкенттин Үчтепа районунда үйлөнүүгө макул болбой койгон жигиттин автоунаасын сүйгөн кызы өрттөп жиберди. Бул туурасында Sputnik Өзбекстан агенттиги укук коргоо органдарына таянуу менен билдирди.

Маалыматка ылайык, кечээ, 19-сентябрда, райондук милиция бөлүмүнө Ситора Г. аттуу 19 жаштагы кыз Lacetti Jentra үлгүсүндөгү автоунааны өрттөп жибергени туурасында билдирүү түшкөн.

Посмотреть эту публикацию в Instagram

Публикация от IIBB / ГУВД (@iibb_uz)

Аталган машина кыздын сүйгөнү Асилбек Н. аттуу 23 жаштагы жигитке таандык болгон.

Жашоону эмнеден баштоону билбей турам. Күйөөсү башкага кетип калган келиндин каты

Тергөө учурунда жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

"Жигит кызга үйлөнүүгө убада берген, бирок кийинчерээк сөзүнө турбай кетип калган. Буга ызаланган кыз анын машинасынын ичи-тышына бензин чачып өрттөп жибирген", — деп айтышкан милициядан.

Учурда жагдайдын чоо-жайы териштирилип жатат.

107
Белгилер:
убада, өрт, машина, жигит, кыз, Ташкент
Тема боюнча
Кыз талашкан. Бир жигитти алтоолоп сабаган Оштогу окуянын чоо-жайы
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

38
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

38
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды