Барселона шаарындагы көчөдө киши коопсуз бет капчан бара жатат. Архив

Бир нече мамлекет COVID-19га байланышкан чектөөлөрдү жеңилдетип жатат

165
(жаңыланган 11:31 27.04.2020)
Айрым өлкөлөрдө коронавирус менен күрөшүү үчүн киргизилген чектөөлөрдү аз-аздан алуу бир нече айга барып созулат. Кээ бир мамлекеттер бул процессти бүгүндөн баштады.

БИШКЕК, 27-апр. — Sputnik. Бир катар өлкөлөр коронавируска байланышкан чектөөлөрүн жеңилдетип жаткандыгын РИА Новости жазды.

Өткөн жума күндөн тартып Чехия өкмөтү жарандарга чет мамлекеттерге барууга, анын ичинде эмгек өргүүнү өткөргөнгө, ошондой эле үйдөн тыш эркин жүрүүгө уруксат берди. Бирок топтолгондор 10 кишиден ашпашы шарт. Бүгүн, 27-апрелде, соода аянты 2,5 миң чарчы метрге чейинки дүкөндөр жана тейлөө компаниялары, фитнес-борборлор, китепканалар жана зоопарктар (жабык мейкиндиктерди эске албаганда) ачылып, чиркөөлөрдүн иши калыбына келтирилиши мүмкүн.

Адегенде Хорватияда дүкөндөр ачылып, анан май-июнь айларында шаар аралык жана эл аралык каттамдар ишке киргизилери айтылат. Ошондой эле билим берүү жана саламаттык сактоо мекемелеринин, спорт жана маданий борборлордун иши жанданат.

Бүгүн Швейцарияда жалпы жардам боюнча медициналык кабинеттер, стоматологиялык жайлар, сулуулук салондору, укалоочу бөлмөлөр, унаа жуучу жайлар жана тиричилик буюмдары сатылган дүкөндөр ачылат.

Грецияда 27-апрелден баштап айрым мамлекеттик кызматтар иштей баштайт. Ипотекалык кеңселер, дүйнөлүк соттор жана биринчи инстанциядагы соттор кызмат көрсөтөт.

Грузиянын өкмөтү да бүгүндөн баштап автоунаалар жана таксилердин кыймылына толугу менен уруксат берүүгө ниеттенүүдө. Мындан тышкары, онлайн-соодага (дүң жана чекене), азык-түлүктү жеткирүү кызматтарына жана ачык айыл чарба базарларынын ачылышына уруксат берилүүсү каралууда.

Ошондой эле бүгүн Испанияда 14 жашка чейинки балдар ээн-эркин сейилдөөгө чыга алат.

165
Белгилер:
дүкөн, мамлекет, чектөө, коронавирус
Тема:
Дүйнөгө жайылган коронавирус (1063)
Тема боюнча
Эки райондо эч ким тартип бузган жок. Түндө коменданттык саат кандай өттү?
Элден чогулган акча: медиктерге дагы канча кошумча маяна керектиги эсептелет

Каарына карышкырлар чыдабай. Аюу жырткычтарды тамаксыз калтырды. Видео

3
(жаңыланган 20:32 26.09.2020)
Видео АКШнын Йеллоустон улуттук паркында тартылган. Карышкырлардын үйүрү менен бизонго аңчылык кылышып, аны кармап жыгышкан. Аюу келип алардын олжосун талашкан.

Йеллоустондогу аюулардын салмагы 300 килограммга жетет. Ал эми жергиликтүү карышкырлар 5-6- килограмм чыгарын National Geographic Россия жазат. Кармашта аюу жеңүүчү болуп чыкты. Карышкырлардан өлгөндөрү болгон эмес.

3
Белгилер:
кармаш, карышкыр, аюу
Тема боюнча
Айкырып, эки аяктап тура калып кармашып... Канададагы аюулардын видеосу
Алма ширеси. Архивдик сүрөт

Диетолог организмге пайдалуу деп жүргөн азыктардын зыянын айтып берди

16
(жаңыланган 20:05 26.09.2020)
Адис май ден соолук үчүн маанилүү роль ойной турганын белгилеп, майы кетирилген сүт азыктарын алуу таптакыр эле пайдасы жок экендигин айткан.

БИШКЕК, 26-сен. — Sputnik. Туура тамактануу үчүн колдонгон азыктардын көбүнүн организмге пайдасы жок. Бул тууралуу Sputnik радиосуна диетолог-нутрициолог Арина Скоромная айтып берди. 

Анын пикиринде, майлары кетирилген сүт азыктары ден соолукка оң таасирин тийгизбейт.

"Адамга май керек. Ал жок кальций сиңбейт. Ошондуктан майы кетирилген сүт азыктарынын дээрлик пайдасы жок десек болот. Изилдөөлөр боюнча мындай азыктар зат алмашууну кыйындатат", — деген Арина Скоромная.

Ошондой эле эртең менен эрте жемиштерден сыгылган ширени ичпей эле коюуну сунуштаган. Себеби кандагы канттын деңгээли көтөрүлүп кетет.

Чөнтөккө да күч келбейт, ден соолукка да пайдалуу. Диетолог 7 азыкты санады

Диетолог мүнөздөп тамак ичип жаткандарга арналып чыгарылган азыктарды дагы байкап алууга кеңеш берген. Маселен, фитнес-батондордун курамына жана чыгарган ишканага көңүл буруу керек. Адатта пайдалуу делген азыктардын көбүндө кант болот.

16
Белгилер:
адистер, май, ден соолук, азык, диетолог
Тема боюнча
Адис: жаңгак сиңимдүү болушу үчүн үч эрежени сактоо керек