Тамактанып жаткан адам. Архив

Окумуштуулар: салмак кошууга жыт дагы таасирин берет

617
Эксперттер изилдөөгө жумуру курттарды пайдаланышкан. Алар жыт сезүү клеткалары активдешкенде салмак кошкон же, тескерисинче, майды сарптаган.

БИШКЕК, 28-апр. — Sputnik. Окумуштуулар организмде майдын топтолушу менен жыттын ортосундагы байланышты аныктады. Изилдөө Nature Communications журналына жарыяланганын "Известия" жазды.

Буга чейин изилдөөчүлөр жыт сезүү менен зат алмашуунун байланышы бар экендигин далилдешкен. Бирок себеби түшүнүксүз болчу.

Маалыматта адамдын мурдундагы 450 түрлүү жыт сезүү рецепторлору бар экендиги жана алар триллиондогон жытты айырмалай алары белгиленет. Эксперттер изилдөөгө жумуру курттарды пайдаланышкан. Анткени алардын нерв системасындагы клеткаларында жытты сезген үч жуптуу нейрондору бар. Кайсы бир жыттан нерв клеткаларынын биринин иши жайлап же дүүлүгүп баштайт.

Эксперимент учурунда белгилүү болгондой, бул нейрондордун айрымдары активдешкенде салмак кошкон же, тескерисинче, майды сарптаган. Мындан тышкары илимпоздор майдын зат алмашуусун камсыз кылган нерв клеткалардагы жыттарды тандап алышкан.

Механизмде жыт сезүүчү нерв клеткалар FLP-1 нейропептидин бөлүп чыгарган. Бир катар биохимиялык реакциялардан кийин майдын зат алмашуусун жөнгө салуучу гендер иштеп баштаган. Макалада жаныбардын тамактануусу өзгөрбөй турганы айтылат. Тагыраагы, организм бирдей өлчөмдө калорий колдонот, бирок майдын жытынан улам ал аз же көп топтолот.

617
Белгилер:
жыт, салмак, Окумуштуулар
Тема боюнча
Толук адамдар арыктарга караганда өзүн бактылуу сезет. Иликтөө
Жарым жылдык өмүрү калганын уккан жигит 273 килограммга арыктады. Сүрөт
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

65
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

65
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

144
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

144
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?