Нефть казуучу станция. Архив

Орус-араб күчүнө каршы чыккан АКШ революциясы тизелеп калдыбы

287
(жаңыланган 13:16 28.04.2020)
Глобалдык каржылык элитанын күн тартибин чагылдырууга адистештирилген белдүү британ басылмаларынын бири Financial Times мунай рыногундагы түзүлгөн кырдаалда өз жагына кымындай болсо да жагымдуу жаңылыкты издөөгө мажбур.

Аталган басылма өз артыкчылыгынан улам окурмандарына россиялык экономика мунайдын төмөн наркынан жабыр тартууда деп жарыялап коюшу жетиштүү эмес дейт серепчи Иван Данилов. Анткени анын Атлантиканын аркы өйүзү менен берки жагындагы дөөлөттүү окурмандарын геосаясий аспектилер качан алардын жеке капчыгына таасир этпеген учурларда гана көңүлүн буруп, санаасын санга бөлөт. Натыйжада лондондук алдыңкы маалымат каражатынын редакциясындагы "гуманитардык жингоизмди" (Англиядагы "шовинисттик улутчулдук") жактыргандар да азыр баары начар нукта экенин моюнга алууга аргасыз, бирок жалпы Америка, анын ичинде америкалык сланецтик тармак кайсы бир кезде Россия менен Сауд Аравиясынан өч алат.

Ал эми азырынча жагдай, Financial Times басылмасынын жазганы боюнча, болжол менен төмөнкүдөй: америкалык мунай өндүрүшүнүн сланецтик сектору болуп көрбөгөндөй жабыр тартып, кордолуп жатат, бирок жаркын келечектен үмүт үзгүсү жок.

"Бир убакта Трамптын АКШнын Жакынкы Чыгышка болгон көз карандылыгы басаңдаганы менен мактанышына жол берген, Иран менен Россиянын энергия экспорттоочуларына санкция киргизүү үчүн кол-жолун бош койгон сланецтик тармак учурда тизелеп турган чагы", — деп белгилейт британдык басылманын талдоочулары.

Вашингтондон келчү мамлекеттик жардам кырдаалды кескин түрдө өзгөртөт деп ишенгендердин баарынын демин бир аз суутат жана ушул тапта "кандайдыр бир (мамлекеттик — ред.) колдоосуз болбостугун, бирок кандай жардам болбосун, АКШнын мунай тармагы соңку жылдары кандай ыргакта өссө, дал ошондой нукта артка кетет".

Журналисттердин мындай баасын медиа өкүлдөрүнүн көбүртүп-жабыртууга, дүрбөлөңгө салууга ыктаганына шылтап коюуга да болмок, бирок эл аралык мунай өндүрүүчү жана мунай сатуучу компаниялардын өкүлдөрү мунай рыногунун келечегин сүрөттөөсүндө эмоция да орун албай койбойт.

Bloomberg агенттиги: "Дүйшөмбү (америкалык биржаларда мунай баасы терс болгон күнү – ред. тактоосу) чындап эле көпчүлүктүн көңүлүн өндүрүш ыргагын жайлатуу керек деген пикирге топтоду", — деп билдирет Trafigura Group мунай сатуу бөлүмүнүн тең төрагасы Бен Лакок. Мындан тышкары, мунун баары олуттуу экенин түшүнүү үчүн рынокко бул "бетке чапкандай" эле көрүнүш болгонун кошумчалады. Жалпылай карасак, бир бүтүн британдык-америкалык образ жаралат: сланецтик индустрия азыр тизелеп, кайра-кайра "жаакка жеп" турган да чагы. Мындай кырдаалда оптимизмди кантип табууга болот? Анүчүн АКШнын Council on Foreign Relations башкы аналитикалык борборунун атайын серепчилери бар. Financial Times мунай рыногу боюнча Council on Foreign Relations экспертинин көз карашын келтирет: "Эгер Россия менен Сауд Аравиясы алар (америкалыктар – ред.) сланецти жаап кое алышат деп ойлошсо, алар жаңылышат, — деп билдирет Эми Майерс Джаффе. — Алардын (сланецтик компаниялардын – ред.) колунан келгени – кожоюндарын алмаштырып коюу".

Сланецтик компаниялардын банкрот болуп-болбогону мааниге ээ эмес, болгону ээлери гана алмашат, жаңы кожоюндары мурдагылардын карызынын азабын тартпаган, АКШнын геосаясий кызыкчылыктары үчүн рынокту арзан мунайга толтурууну чын дили менен улантат. Көйгөйдүн баары ошол жаңы кожоюндар баягы кредиторлор эле болорунда (банктар же инвестициялык компаниялардан тарта пенсиялык фонддорго чейин), негизи дал ошолордун каржылоосу менен "сланецтик революция" өткөн.

Так ошол кредиторлордун акчасы мунай баасы жогору болуп турган убакта да каржылык көз караштан таптакыр натыйжасыз сланецтик өндүрүштө "жагылган".

Эми ошол кредиторлорго кирешесинен да чыгымы көп кендер тийди, алар ишти улантса келечекте дагы бир топ акчасын жоготот. Башкача айтканда, мурдагы жоготууларга эми ар бир өндүрүлгөн мунай челегине кошумча чыгымдар кошулат.

Сланецтик компаниялардын ишин улантууга насыя берчү, алысты көрө албаган инвесторлордун кезектеги траншын капитал рыногунан табууга аракет кылып көрүүгө болот. Бирок бир топ эле кыйын, себеби сланецтин келечегине ишенген андай инвесторлор кошчусун кошуп бүттү. Эми дал ошолор жапырт банкроттук процессте бул мунай компанияларынын активдеринин калдыгына ээлик кылганы турат.

Эгер "сланецтик империянын" калдыктарын, тагыраак, урандыларын ири мунай компаниялары алса, мейли америкалык же эл аралык болсун, алар деле сланецтик өндүрүш көлөмүн өстүрөрү күмөн. Дал ушул тармак үчүн алардын өз акцияларынын баасы түшүп, алардын кожоюндарынын дивиденддери кесилген.

Энергетика министрлигинин (EIA) америкалык маалымат агенттиги берген баа боюнча, АКШ 2020-жылдын аягында мунайды нетто-импорттоочу макамын өзүнө кайтарат.

FT журналисттери оптимисттик сценарий катары мунайдын баррели 80 долларга чейин чыгып, АКШнын сланецтик сектору кайра тирденерин көрсөтүшөт. Чындап эле бул ишке ашчу сценарий экенин моюнга алуу керек, тек гана аны Эр-Рияд же Москванын утулушу катары кабыл албоо зарыл. Анткени баррелине 80 долларлык баа — Россия үчүн да, Сауд Арабиясы үчүн да, ОПЕКтин бөлөк мүчөлөрү үчүн да кыйла кызыгарлык, кирешелүү баа. ОПЕК+ келишиминин катышуучулары америкалык мунай өндүрүшүнүн бул сегментин "жок кылууну" эч качан көздөгөн эмес. Максат башкалардын акчасы үчүн демпинг кылуу менен алектенге жана бардык башка кен казуучуларга зыян келтирип жаткан америкалык компанияларды туура жолго салуу (же рыноктон сүрүп чыгаруу) гана болгон. Андай ишканалардын катарында сланецтик оюнга катышпаган ири америкалык компаниялар да болгон.

Кандайдыр бир мааниде "түз жолго сала" алышпады, бирок "сүрүп чыгаруу" жолу азырынча жаман эмес. Техастык Houston Chronicle гезити кабарлагандай, "Техастагы мунай скважинасын "тарыхый" өчүрүү башталды". Иш жүзүндө байкалгандай, азыркы каатчылык жетиштүү болбой калышы ыктымал. Ошондо рынок сланецтик компанияларды буттан чалышы мүмкүн. Алардын бекемдиги бир ай мурун жар салынган билдирүүлөргө шайкеш келбегени айкын болуп калды. Балким америкалык сланецтин революциялардан бир аз эс алып, рынокко таптакыр башка баа, бардык өндүрүшчүлөрдүн көңүлүнө төп келчү нарк катталган убакта кайтканы оң чыгар.

287
Белгилер:
экспорт, импорт, тармак, Сауд Аравиясы, Россия, абал, АКШ, рынок, Мунай
Тема боюнча
WTI үлгүсүндөгү мунайдын баасы 34 жыл мурдагы абалына түштү
Орустар мунай согушунда жеңип бараткандай... Рыноктогу кыйсыпыр
Белоруссия президенти Александр Лукашенко. Архив

Лукашенко бүгүн өкмөттү отставкага кетирди

55
(жаңыланган 01:13 04.06.2020)
Премьер-министр Сергей Румас башкарган азыркы министрлер кабинети 2018-жылдын август айынан баштап иштеп келе жатат.

БИШКЕК, 3-июн. – Sputnik. Белоруссия президенти Александр Лукашенко азыркы өкмөттү отставкага кетирүү чечимин бүгүн кечинде кабыл алгандыгын Sputnik Белоруссия жазды.

Президент өткөн аптада кадрдык өзгөрүүлөр болорун айткан эле. Дүйшөмбүдө эки палатанын, президенттик администрациянын жана коопсуздук кеңештин жетекчилери менен сунушталган талапкерди талкуулаган.

Президент КР Сооронбай Жээнбеков на заседании Высшего Евразийского экономического совета, которое проходит в формате видеоконференции
© Пресс-служба президента КР / Султан Досалиев
Бүгүн кечинде мамлекет башчы Лукашенко азыркы өкмөттү отставкага кетиргени айтылды.

Азырынча эскилерден кимдер кызматта калып, кимдердин кетери же башка кызматка которулары белгисиз. Жаңысы дайындалганга чейин эски курам өзүнүн милдетин аткарып турат.

Азыркы өкмөттүн жетекчиси Сергей Румас башкаларга караганда азыраак иштеген. Бул кызматка мындан эки жыл мурда, август айында киришкен.

Белоруссиянын мыйзамы боюнча премьер-министрди президент дайындайт. Бирок андан мурда Эл өкүлдөр палатасынын программасын тааныштырып, колдоосун алгандан кийин толук бекийт.

Эгерде Румас кызматта калса, анда вице-премьерлер жана министрлер алмашып, депутаттардын колдоосуна муктаждык болбойт.

Палатанын жакынкы сессиясы эртеңкиге, аны менен катар эле депутаттардын жолугушуусу келерки аптага жана айдын аягына пландалганы маалымдалган.

55
Белгилер:
чечим, депутат, отставка, өкмөт, Белоруссия
Тема боюнча
ЕАЭБ рыногуна кыргызстандык канча ишкана товар экспорттой алат. Тизме

Өмүрүн тобокелге салып тартышкан. АКШдагы башаламандыкты баяндаган 12 сүрөт

170
(жаңыланган 20:17 03.06.2020)
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
  • Түтүн, өрт. Ага карабай New York City басылмасынын кабарчысы иштеп жатат
  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
  • Мындай коргоочу касканы башка кийип алып, сүрөткө тартуу да оңой эмес
  • Атлант шаарында полиция кызматкерлерине кармалган фотограф
  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
  • Каршылык акциясы учурунда полициядан качып бараткан сүрөтчү
  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
АКШдагы башаламандыктан имараттар өрттөлүп, дүкөндөр тонолуп, бир нече шаарда коменданттык саат киргизилгенине карабай эл тынчый элек. Сүрөтчү, оператор, фотокабарчылар өмүрлөрүн тобокелге салып кырдаалды чагылдырып жатышат.

Өткөн аптанын жума күнү АКШда афроамерикалык Жорж Флойддун өлүмүнө байланыштуу каршылык акциялар башталган.

Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойд бир нече жолу "дем ала албай жатам" деп айтып, андан кийин тынчып калган.

Нааразычылык акция башаламандыкка айланып, ал Американын 40тай шаарына жайылды. Бир нече шаарга коменданттык саат киргизилип, полиция кызматкерлери тартипке көз салганы менен нааразылыктын аягы сууй элек. Ири шаарларда дүкөндөр талкаланып, мародёрлук күч алган. Миңдеген адамдарга полициянын күчү жетпей калууда. Учурда төрт полиция кызматкери иштен алынып, бирөөнө "адамды кокусунан өлүмгө дуушар кылган" деген айып тагылды.

Болуп жаткан кырдаалды журналист, фотокабарчы, операторлор жеринен чагылдырып жатат. Айрымдар мыкты кадр алыш үчүн өрттөнгөн имарат, автоунаалардын жанына барса, кээ бири тартуу иштерин полиция кызматкерлеринин каршылыгына карабай жасап жатышат. Мунун баары сүрөттөр түрмөгүндө так, даана көрсөтүлгөн.

 

170
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
    © AP Photo / Rick Bowmer

    Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат

  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
    © REUTERS / Lucas Jackson

    Миннеаполистеги жалбырттаган жалын. Өрттүн аптабына карабай фотокабарчы жумушун аткарууда

  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
    © Sputnik / Brian Smith

    Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот

  • Түтүн, өрт. Ага карабай New York City басылмасынын кабарчысы иштеп жатат
    © AP Photo / Julio Cortez

    Түтүн, өрт. Ага карабай New York City басылмасынын кабарчысы иштеп жатат

  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
    © AP Photo / Seth Wenig

    Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү

  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
    © REUTERS / Lucas Jackson

    Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат

  • Мындай коргоочу касканы башка кийип алып, сүрөткө тартуу да оңой эмес
    © REUTERS / Lucas Jackson

    Мындай коргоочу касканы башка кийип алып, сүрөткө тартуу да оңой эмес

  • Атлант шаарында полиция кызматкерлерине кармалган фотограф
    © REUTERS / Dustin Chambers

    Атлант шаарында полиция кызматкерлерине кармалган фотограф

  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
    © REUTERS / Lucas Jackson

    Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат

  • Каршылык акциясы учурунда полициядан качып бараткан сүрөтчү
    © AP Photo / John Minchillo

    Каршылык акциясы учурунда полициядан качып бараткан сүрөтчү

  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
    © REUTERS / Lucas Jackson

    Жорж Флойддун өлүмүнөн улам башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты

  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
    © REUTERS / Adam Bettcher

    Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат

Белгилер:
акция, башаламандык, окуя, Сүрөт, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Расизмби же анархиябы? АКШ оңой эмес тандоо алдында турат
Пентагон Вашингтондун аймагына 1,6 миң аскер жиберди

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

0
(жаңыланган 01:09 04.06.2020)
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жатканын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип жатат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чоң-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулар ассоциациясынын өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

0
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды