F-35 истребители. Архивдик сүрөт

100 млн. долларлык парадокс. F-35 истребителинин баага татыбаган сапаты

404
(жаңыланган 12:28 02.05.2020)
Америкалык көп багыттуу F-35 истребитель-бомбалоочу учагынын жаралыш тарыхы, ишке берилиши жана таанытуу аракеттери көзгө байкалгыс бул аскердик учактын өндүрүш технологияларынын маркетинг артыкчылыгы экенин айгинелейт.

Пентагонго ыктаган Defense News басылмасы жаңы F-35 Lightning (Молния) II истребитель-бомбалоочу учагы боюнча адистердин кескин сын-пикирлерин жарыялады. Макаладан соң аскерий баяндамачы Александр Хроленко бул учактын мүнөздөмөсүнө сереп салып көрдү.

F-35 — үнгө чейинки ылдамдыгы 1 мүнөттөн ашпаган толук форсажда тездетиле турганы иш жүзүндө тастыкталды. 1 Махтан (Мах — абадагы үндүн ылдамдыгын аныктайт. Жер үстүндө 1 Мах орточо 340 м/с барабар) ашкан ылдамдыкта 60 секунддан кийин ысып кеткен корпустун бузулуу кооптуулугу жаралат. 1,6 Махтан кийин жөн эле учактын куйругу коңторулуп калышы ыктымал. Белгилей кетсек, крейсердик жогорку добуштуу ылдамдык заманбап истребителдердин көпчүлүгүнө жеткиликтүү, ал эми бешинчи муундагы учак үчүн ал 1,4 Махтан төмөн болбоого тийиш.

1 Мах ылдамдыкка жеткенде F-35 истребители радарларга "байкалгыс", башкача айтканда, жашырына билүү жана күтүлбөстүк жөндөмүн жоготот. Тышкы асмасындагы кандай курал менен болбосун "Молниялардын" анча байкалбастыгы үнгө чейинки ылдамдыкта деле жоголуп кетет. Аталган көйгөйлөр технологиялык жактан жоюлбайт.

Учак үч: кадимки, кыска учушу жана конушу, ошондой эле палубалык модификацияда эксплуатацияланат. АКШнын Аскердик-деңиздик күчтөрү үчүн "байкалбастык" жөндөмүнүн начардыгы ремонттук базадан узак жайгашкандыгына да байланыштуу. Эгер учуш башында палубалык F-35 иштен чыкса, бул учактын аскердик натыйжалуулугун бир нече айга төмөндөтөт.

Физиканын мыйзамдары менен талашып-тартыша албайсың. Пентагон "эксплуатациялык сыпаттамасын" ыкчам оңдой койду, эми F-35 тез ылдамдана алчу жөндөмү бар үнгө чейинки учак болуп саналат. Аскердик-деңиздик күчтөр менен F-35B жана F-35C деңиз пехотасы үчүн модификациялары 1,2 Махтын тегерегиндеги ылдамдыкта (форсажда) уча ала тургандай секунддар аныкталган. Дегеле болбоду дегенде үндөн да ылдамдыкта бөгөп калуу үчүн F-22 Raptor истребители бар, ал жогорку ылдамдыкта эч бузулбайт (ал 1 Махтан соң радарларга байкалбай да калат).

Истребитель үчүн согуштук жагдайда ылдамдыкты жана маневрду чектөө эмнени туюндурат? Технологиялык жактан тең тайлаша алган каршылашы менен салгылашта F-35 истребители бутага айланат. Аба кармашынын натыйжасын, мисалы, россиялык өндүрүштөн чыккан ыкчам ылдамдыктагы жана ыкчам бурула алган "Сушка", ошондой эле "Миг" менен болжой алууга болот.

Бешинчи муундун "мандемдери"

F-35 концепциясы: душманды "байкалбас" көзгө илингенче жок кылуу. Бирок америкалык көп багыттуу истребитель мындай миссияларды аткарууга "бышып жетиле" электей. Жогорку ылдамдык F-35 планеру жана стелс-жабуусуна гана коркунуч келтирбестен, учкучтун көптөгөн антенналарын жана куйрук бөлүгүн да чабалдатат.

Былтыр июнь айында F-35 учагынын 13 негизги техникалык мүчүлүштүгү жөнүндө маалымат жарыяланган. Алар учактын аскердик милдеттерин аткаруу жөндөмүнө жана учкучтун коопсуздугуна таасир этет. Андан бери негизги кемчиликтери дагы бешке артты, бирок бул бир учактын баасы 100 миллион доллар болушу өтө эле кымбат. Кырдаал акылга сыйгыс, F-35 Lightning II учагын куроо программасынын наркы — 1,3 триллион доллардын тегерегинде. Көп багыттуу истребитель-бомбалоочу учагы 2011-жылдан бери сериялык түрдө чыгарылып келет.

F-35 ВМС учактары жана АКШнын деңиз пехотасынын корпустары экстремалдуу маневрларды аткарууда (ракеталардан буйтоодо) бекем эмес, эмнеге кабыларын да болжоп болбойт. Борттогу радар деңиз үстүнөн абдан тар секторду гана байкай алат.

Түнкүсүн приборлордун жарык экрандары мейкиндик ориентациясын бузат, "Молниянын" бардык тибинин конушун кыйындатат. F-35 кабинасындагы атмосфералык басымынын алмашуусу баротравмага алып келип же учкучту алдастатышы ыктымал.

F-35тин программалык камсыздоосун жаңыртуу көйгөйүн өндүрүшчү Lockheed Martin быйыл жыл аягына чейин оңдоого үмүттөнөт. Бирок мунун баары "көзгө көрүнбөстү" өндүрүүнү улантуу жана союздаш өлкөлөргө, тагыраак, Австралия, Улуу Британия, Норвегия, Израиль, Италия, Япония жана башкаларга сатууну күчөтүүгө бөгөт эмес. Lockheed Martin өндүрүшүн жайылтуу жолунда тоскоолдуктар да жок эмес. Кошмо Штаттардын бир нече өнөктөш өлкөлөрү F-35тин "шпиондук" программалык камсыздоосунан улам бул үлгүдөгү учакты өндүрүү боюнча биргелешкен программадан чыгып кетишерин айтып коркутушкан. Көпчүлүктү чочулаткан көйгөй — учакка кайсы өлкө ээ экенине карабастан, планетанын кайсы бурчунда болсо да F-35 учагынын ар бир кыймыл, маневр жана миссияларына байкоо салчу ALIS маалыматтык тутумунда. Система колдонуучунун пайдасы үчүн техникалык абалы жана логистикасын талдайт имиш.

АКШнын ашкере көз карандысыз айрым өнөктөштөрү ALIS тутумун учуштар тууралуу маалыматтарды Пентагонго тапшырат деп чочулайт. Бул көйгөйдү жакын арада дагы жакшыртылган ALIS 3.6 версиясы чечет деп күтүлүүдө.

Истребитель — оюнчук эмес

Аскердик авиакурулуш жаатындагы технологиялык мүмкүнчүлүктөрүн баалоодо америкалык тенденция каралууда. Мурда бешинчи муундагы F-22 Raptor истребителин түзүүдө тажрыйба майнапсыз деп табылган (радиосиңирүүчү жабуусу ынанымсыз, метрлик диапазондогу радарларга илинет, аракетинин чакан радиусу – 750 км).

Сериялык машинанын баасы да таптакыр ылайыксыз – 350 миллион доллар. Натыйжада, Пентагон "байкалбас" F-22 учагынан 187 гана бирдик сатып алган (ал эми планда 384 бирдик болгон).

Бир кыймылдаткычтын (экөөнүн ордуна) эсебинен F-35 Lightning IIнин арзандашы курал-жарактын оордугун, ылдамдыкты, маневр жана аскердик жүгүн төмөндөткөн. Бул башка аналогдору менен салыштырууда даана байкалат.

Болжолдуу салгылашта бешинчи муундагы россиялык Су-57 истребители F-35тен (жана F-22) биринчи байкап, аны жок кыла алат. Ашыкча жүк менен да, үндөн да ыкчам ылдамдыкта да душман менен салгылаша алат. Айтмакчы, россиялык машина форсаж камтылбастан, үндөн да ыкчам ылдамдыкка өтүүдө.

Су-57 истребители мыкты учуш жана аскердик мүнөздөмөлөргө ээ, бир муундагы F-22 жана F-35 өңдүү америкалык аналогдорунан кыйла ашып түшөт. Су-57нин "чагылуучу үстүңкү катмарынан" улам каршылаштардын радарларынын көзүнө дээрлик илинбейт. Конструкциясында композициялык материалдары үстүңкү катмарынын 70 пайызын жана салмагынын 25%ын түзөт.

АКШнын серепчилери россиялык истребителдин артыкчылыгын таануу менен үндөн да ыкчам ылдамдыкта Су-57 учагынын маневр жасоо жөндөмүнүн мыктылыгын, укмуштай кымбат F-22 Raptor учагы да ээ болбогон инфракызыл издөө тутумун баса белгилешет.

Замбирек менен жабдылган куралдын пайдаланылышында Су-57 өтө ыкчам маневр менен салгылашып, ошондой эле орто жана ыраак аралыктагы ракеталардын кеңири спектрин колдоно алат.

Су-57нин артыкчылыгын негизги радиолокациялык станция, бутаны кармоонун уникалдуу оптикалык-электрондук тутуму жана "акылдуу каптоосу" делген электрондук тоскоолдуктарды орнотуу тутуму арттырат.

Россиялык истребитель абадагы жана жердеги бутаны 400 чакырым ыраактыктан байкап, бир убакта 62 объектке чейин коштоп жана башка самолёт жана учкучсуз учактарга бута боюнча көрсөтмөлөрдү бере алат.

РФ аба-космостук күчтөрү 2028-жылга чейин бул үлгүдөгү 76 машина алууга тийиш. Бешинчи муундагы россиялык Су-57 истребителинин 2019-жылдан тарта сериялык түрдө чыгарыла башташы дүйнөлүк рыноктогу атаандаштарын сүрүп чыгарары шексиз.

404
Белгилер:
Россия, АКШ, курал, ракета, учак, истребитель
Тема боюнча
Мыкты деп табылды! Россиялык "Армата" эмнеге Сирияда сыналууда?
COVID-19. Медициналык спецназ. Россиянын Италияга көрсөткөн жардамы
Аэрофлоттун учагы. Архивдик сүрөт

ТИМ: Россиядан кыргызстандык дагы 45 дарыгер учуп келди

75
(жаңыланган 17:09 12.07.2020)
Россияга Кыргызстандан барып иштеп жүргөн реаниматолог, кардиолог, эпидемиолог, терапевт, медайымдардын ичинен 45 адам бүгүн Бишкекке келип конду. Алар оору каптаган мекенине жардам берүү үчүн сапар алган.

БИШКЕК, 12-июл. — Sputnik. Москвадан Бишкек шаарына учак менен 426 кыргызстандык келди, арасында медицина кызматкерлери да бар. Бул тууралуу Тышкы иштер министрлигинен билдиришти.

Маалыматка ылайык, 12-июль күнү "Аэрофлот – Российские авиалинии" компаниясынын учагы борбор калаага келип конду.

"Москва — Бишкек каттамы менен КРдин 426 жараны мекенине кайтып келди. Алардын арасында 45 дарыгер бар. Россиядан келген ак халатчандар Кыргызстандагы кесиптештерине коронавирус, пневмония менен жабыркаган бейтаптарды айыктырууга жардамдашат", — деп айтылат маалыматта.

Германиядагы кыргызстандык дарыгерлер онлайн кеп-кеңеш бере баштайт

Буга чейин 25 дарыгер, 20 медайымдан турган топ өз ыктыяры менен көмөк көрсөтүүгө макул болгондугу жана алар Россияда реаниматолог, кардиолог, эпидемиолог, терапевт, медайым болуп иштеп жүргөндүгү кабарланган.

Андан сырткары, аталган каттам менен Россиядагы ЖОЖдордо окуган кыргыз студенттер, кош бойлуу аялдар, балалуу энелер, операция болгон бейтаптар жана жакындарын жоготкон адамдар да келди.

Өлкө аймагындагы соңку кабарлар менен биздин Telegram-каналдан таанышып туруңуз.

75
Белгилер:
учак, дарыгер, Россия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Москвадан 437 кыргызстандык учуп келди
Боронов: Россияда иштеген кыргыз дарыгерлер жардамга даяр, учак менен алып келебиз
ЕАЭБ мамлекеттеринин президенттери. Архивдик сүрөт

ЕЭК Кыргызстан, Казакстан жана ЕАЭБ ортосундагы көйгөйдү кантип чечет?

75
(жаңыланган 16:00 12.07.2020)
Адатта Кытайдан келген көмүскө импорт Россияга Кыргызстан жана Казакстан аркылуу кирип, бул учурда алар бажы төлөмдөрүн кыйгап өтөт деп эсептейт серепчи.

Мария Науменко

Евразиялык экономикалык комиссия бул аптада өткөн жыйынында ЕАЭБ чек аралары аркылуу товар алып өтүүдөгү талаш маселелерди чечүү үчүн ыкчам комитет түздү.

Аталган биримдикке мүчө-өлкөлөр ортосундагы пикир келишпестиктерди чечүүгө мезгил жеткенин белгилешти кеңешменин катышуучулары. Атасак, ЕАЭБ ичиндеги чек араларда жүктүн көпкө текшерилиши, Россияга Беларусь менен Казакстан аркылуу санкциялык товарлардын реэкспорту жана Кытайдан келген көмүскө импорт өңдүү маселелер бар. Кайсы инструменттер бул көйгөйлөрдү чечүүгө көмөкчү болорун, аталган маселелердин келип чыгышына эмне себеп экенин Sputnik талдап көрдү.

"Жол картасы" жана жаңы комитет

Бул маселелер биримдик ичиндеги чек араларда бир өлкө аркылуу бөлөк өлкөгө өткөрүлчү жүктөрдү көзөмөлдөө иш-чараларынын киргизилгенине байланыштуу экенин билдирет Евразиялык экономикалык комиссиянын бажы кызматташтыгы боюнча министри Олег Панкратов.

Назаралиев: ЕАЭБ өлкөлөрү ортосунда бирдиктүү биржа рыногу түзүлөт

"Бирдиктүү бажы жана экономикалык мейкиндикке мындай көзөмөл туура келбей турганын баарыбыз түшүнөбүз, бирок андай чараны колдонуунун жүйөлүү себептери бар (Кеп РФ тарабынан Россияга киргизүүгө тыюу салынган продукциялардын камтылып-камтылбаганын текшерүү жөнүндө болушу мүмкүн — ред.)", — деп кошумчалайт ЕЭК мүчөсү.

Азыр биримдикке кирген өлкөлөр ЕАЭБ ичинде жүктөрдү алып өтүүдөгү пикир келишпестиктерди чечүү боюнча "жол картасын" иштеп чыгууда. ЕЭКтеги ыкчам жөнгө салуу чараларына "санкциялык" товарларды идентификациялоо, навигациялык пломба колдонуу, үчүнчү өлкөлөрдөн ташылган импортту тескөө жана ЕАЭБ мамлекеттеринин ортосундагы маалымат алмашуу маселелери кирери айтылат комиссиянын пресс-релизинде.

"Түзүлгөн кырдаал ички сооданын азайышына жана чыңалуунун жаралышына алып келерин түшүнгөнбүз. Ошондуктан комиссияда жогорку деңгээлдеги топту (ыкчам комитет – ред.) түзүү чечимин кабыл алышты. Ал талаш жагдайларды жөнгө салуу үчүн "жол картасын" бачым түзүп чыгат", — дейт Панкратов. "Жол картасы" мамлекеттердин кызыкчылыктарынын балансын табууга мүмкүнчүлүк берерин белгилейт ал.

"Бул чаралар чектөөлөрдү койгон өлкөлөр өз рыногуна андай товарларды киргизүүгө уруксат берүүгө кызыкдар болгудай тартипте түзүлмөкчү. Ал эми бул рынокко товар ташыган өлкөлөр өз аймагында бардык товарлардын "ак" экенин, бажы талаптарына жараша өткөрүлөрүн айгинелеген заманбап технологияларды болушунча тез киргизүүнү каалашты", — деп түшүндүрдү ЕЭК коллегиясынын мүчөсү.

Бакетаев: ЕАЭБге мүчө өлкө жетекчилери өз амбициясын эмес элди ойлошу керек

Министрдин айтымында, бул технологиялар ЕАЭБ бюджетине салык төлөмдөрүн толук төгүүнү жана өлкөлөрдүн бюджеттерине болгон салык милдеттенмелерин аткарууну камсыз кылат.

Аталган ыкчам комитетти Евразиялык экономикалык комиссиянын төрагасы Михаил Мясникович жетектей турганы болжонууда. Ошону менен бирге эле жумушчу топко комиссиянын дагы беш министри: Гегам Варданян, Тимур Жаксылыков, Олег Панкратов, Виктор Назаренко жана Андрей Слепнев кирет.

Андан тышкары, комитетке ар бир өлкөдөн мамлекеттик бийликтин ички соода, бажы тармагы жана фискалдык төгүмдөргө жооптуу үч-төрт өкүлү кирмекчи. Квартал сайын жаңы орган өз иши тууралуу ЕЭК кеңешинде, зарыл учурда Жогорку экономикалык кеңеште отчет берет. Мындай чаралардан майнап чыгарына ынанышат серепчилер.

"Бир жагынан өлкөлөр эркин сооданын бирдиктүү аймагы болушуна кызыкдар. Баары бирдиктүү жалпы рынок түзөт. Бирок ошону менен бирге эле, албетте, мамлекеттер өз өндүрүшчүсүн коргоого далалат кылат. Талаш-тартыштын баары ушундан улам келип чыгууда", — деп эсептейт Россия Илимдер академиясынын ИМЭМО Постсоветтик иликтөөлөр борборунун улук илимий кызматкери Станислав Притчин.

Ал Кыргызстан менен Казакстандын ортосундагы айыл чарба продукциялары боюнча көйгөйлөрдү мисал келтирди.

"Кыргызстандык товарлардын эң жакынкы Казакстан рыногуна чыгарууга белгилүү бир чектөөлөр бар. Казак бийлиги өз өндүрүшчүсүн коргоого аракет кылып, айрым кыргызстандык товарларды сатууга тыюу салат", — дейт серепчи.

Айтымында, ыкчам комитетти түзүү — "ортодогу келишпестиктерди жое турган кадам". ЕАЭБ чек араларындагы көйгөйлөрдүн бүт топтому биримдиктин өтө тез өнүгүшүнөн улам келип чыккан деп эсептейт Станислав Притчин.

"Эгер Евразиялык экономикалык биримдик түптөлгөндөн берки азыркы интеграциялык баскычына чейинки жолду салыштырсак, Европа биримдиги бул деңгээлге жетүүгө ондогон жыл сарптаган. Алдыга озгон график менен бараткандыктан, өсүштүн да кыйынчылыктары болбой койбойт", — деп боолголойт эксперт.

Ички соода-сатыктагы көйгөйдү жоюу. ЕЭК бир катар чараларды сунуштады

Бул көйгөйлөрдү жоюу маселеси ЕАЭБдин 2025-жылга чейинки өнүгүү стратегиясынын кабыл алуу зарылдыгынан улам да пайда болду. Документ 19-майда эле Жогорку Евразиялык экономикалык кеңештин жыйынында эле кабыл алынмак, бирок ЕАЭБге мүчө-өлкөлөрдүн президенттери ал толукталууга тийиштигин белгилешкен.

"Талаш жагдайларга тушуктурган көйгөйлөрдү чечүү стратегияда камтылган. Ошондуктан жумушчу топ 1-3 жылга болжонгон кыска мөөнөттүү иш-чараларга басым жасамакчы", — деп белгилейт министр ЕЭК Панкратов.

Электрондук чип коррупциялык тобокелдиктерди азайтат

Ыкчам комитеттин биринчи кезектеги милдети — дал маалында транспорттук каражаттардын орду жана кыймылына көз салган заманбап навигациялык пломбаларды киргизүү экенин белгилейт ЕЭК мүчөсү Олег Панкратов.

"Пломбалар коррупциялык тобокелдиктерди төмөндөтүүгө мүмкүндүк берет. Ошондой эле алар мамлекеттик көзөмөлдөөчү структуралар менен жүк ташуучулар бет келген учурларды да азайтат. Бул мамлекеттик фискалдык органдарга товар агымдарынын баарын онлайн режимде көз салып турууга жол ачат. Биринчи баскычта бул көп тобокел жараткан товардык агымдарга пайдаланыларын болжоп турабыз", — деп түшүндүрөт министр.

Эксперттик чөйрөдөгүлөр навигациялык пломбалар биримдикке мүчө-мамлекеттердин ортосундагы талаш маселелердин бир бөлүгүн чече аларына ынанышат.

Мигранттар которгон акчанын көлөмү май айында кескин өстү

"Азыр товарга коштомо кагазы гана бар, ал кагаз менен анын ташуу багытына көз салууга мүмкүн эмес", — деп белгилейт Притчин.

Пикир келишпестиктерди жоюуга транспорттук компаниялар үчүн мыйзам чыгаруу системасынын ачыктыгы жардамга келерин айтат саясат таануучу Дмитрий Болкунец.

"Түзөтүүлөрдү улам киргизе беришет, ал эми жүк ташуучулар алардан кабардар болбой калышы ыктымал. Бул көйгөй жаратып, мыйзам бузууга түртөт", — деген ойдо адис.

Анын пикиринде, өтө талаштуу учурларларда өлкөлөр Евразиялык экономикалык биримдиктин сотуна кайрылуу мүмкүнчүлүгүнө ээ болууга тийиш.

"Евразиялык биримдиктин сотуна анын чечимдери сөзсүз аткарылууга тийиш болгудай ыйгарым укуктарды берүү зарыл. Азыр анын чечимдери сунуш гана иретинде. Бул – мындай талаш маселелерди чечүүдөгү соңку инструменттердин бири", — дейт Болкунец.

Санкция жана үчүнчү өлкөлөрдөн келген кооптуу товарлар

Азыр биримдиктин рыногу үчүнчү өлкөлөрдөн ташылган кооптуу товарлардан толук түрдө корголбогонун ЕЭКтин техникалык жөнгө салуу боюнча министри Виктор Назаренко билдирген. Себеби көп учурда чет өлкөлүк өндүрүшчүгө сериялык тастыктама негизсиз эле карматылат.

"Товардын ылайык келишин баалоо боюнча органдар жана текшерүүчү лабораториялар бар. Алар процедураларды туура эмес жүргүзүп, натыйжада негизсиз документтер берилет. Комиссияны айрыкча узак мөөнөткө – беш жылга берилген сериялык сертификаттар тынчсыздандырат", — дейт Назаренко.

ЕАЭБ өлкөлөрү кооптуу товарларга каршы төмөнкүчө күрөш жүргүзөрү күтүлөт. Өндүрүмдүн төп келишин баалоого өндүрүшчүнүн өкүлү эмес, өзү гана заявка тапшыра алат. Мындан сырткары, биримдикке мүчө-өлкөдө өндүрүшчүнүн ыйгарым өкүлү сөзсүз болууга тийиш. Ал өндүрүмдүн биримдиктин техникалык регламенттеринин талаптарына жооп беришине жоопкерчилик алат.

Жыл башынан бери мамлекеттик карызды төлөөгө канча акча жумшалды

Россияга Евробиримдиктен санкцияланган өндүрүмдөрдү ташуу да чечилбей келе жаткан көйгөйлөрдөн. ЕАЭБде орток бажы зонасы бар. Россиялык рынокко европалык өндүрүмдөрдү ташууга коюлган чектөөлөргө карабай, ЕАЭБдин аймагына келген товарлардын баары эч тоскоолсуз айлана алат.

"Бул мүмкүнчүлүктү беларустук жана казакстандык ишкерлердин баары кызуу пайдаланышкан. Баштапкы багыты Казакстан же Беларусь деп көрсөтүлгөнү менен алар аягында Россиянын рыногуна чыгарылган. Кытайдан товар ташууда деле көйгөй ушул. Адатта КЭРден келген көмүскө импорт Казакстан жана Кыргызстан аркылуу бажы төгүмдөрүн кыйгап келип Россияга түшөт", — деп эсептейт Притчин.

Ушул тапта РФ рыногуна "санкциялык" ташууларды токтотуу үчүн Москвадагы транспорттук компаниялардын жоопкерчилигин күчөтүү маселеси каралууда.

75
Белгилер:
соода, товар, документ, көйгөй, Казакстан, Кыргызстан, ЕЭК, Евразиялык экономикалык биримдик
Тема боюнча
ЕЭК жалпы электроэнергетика рыногун түзүү боюнча иш-чаралардын жол картасын жактырды
Чуй облусундагы флагшток. Архивдик сүрөт

Өзбек ырчысы кыргызстандыктарга дем берип "Кыргыз жери" ырын аткарды. Видео

0
Коңшу өлкөнүн ырчысы эпедемиологиялык кырдаалдагы жүрөк тилген учурларды көрүп жатканын айтып кыргыз элине кайраттуулук тилеп өттү.

БИШКЕК, 12-июл. — Sputnik. Өзбекстандык ырчы Жон Руми кыргызстандыктарды кыйын күндө колдоо максатында "Кыргыз жери" чыгармасын кыргыз тилинде аткарды.

Ал кыргыз элине кайрылып бул күндөр аз убакыттан кийин жаман бир түш сыяктуу өтүп кетээрине ишеним артты. Ошондой эле алдыда жакшы күндөр күтүп турганын, андыктан эч качан моюн сунбоого, муңайып калбоого чакырды.

Посмотреть эту публикацию в Instagram

Публикация от JOHN ROOMY🎙 (@johnroomy)

"Кымбаттуу кыргызстандык бир туугандар, ЖМКларадан жүрөк тилген кадрларды көрүп ушундай кыйын күндө сиздергө өзбек элинин атынан колдоо көрсөткүм келди", — деп айтты Жон Руми кырынын алдында.

Четте карап тура албадым. Кыйын күндө мекенге кайткан дарыгердин маеги

Өзбек ырчысы сөзү Түмөбай Байзаков, обону Апас Жайнаковго таандык "Кыргыз жери" чыгармасын ырдаган. Бул учурда кадрдан Кыргызстандын Ала-Тоосу, кооз көлдөрү жана ажайып жаратылышы чагылдырылган.

Бүгүн, 12-июлга карата  Кыргызстанда дагы 719 адамдан коронавирус аныкталганын Республикалык штаб билдирди. Республика боюнча илдет илештирип алгандардын жалпы саны 10 629га жетти. Анын 3 387си айыгып чыккан. Азыр стационарда 670 киши дарыланып жатса, анын 24ү реанимацияда. Үй карантининде 6 440 адам бар. Коронавирус жуктуруп алып 132 киши каза тапты.

0
Белгилер:
колдоо, Кыргызстан, ырчы, Өзбекстан