Дарыгерлер. Архив

Коронавирустан өлгөндөрдүн көбөйүп жатышынын жаңы себеби айтылды

488
(жаңыланган 13:39 03.05.2020)
D витамининин пандемия учурунда өтө зарыл экенин буга чейин эле англиялык окумуштуулар айтышкан. Адистердин пикиринде, көбүнесе күн нурунан алынчу бул витамин организмди ар кандай вирустардан коргойт.

БИШКЕК, 3-май — Sputnik. Айрым өлкөлөрдө коронавирус жуктуруп алгандардын арасында өлгөндөрдүн саны көп болуп жатышына D витамининин жетишсиздиги себеп болууда. Бул тууралуу Улуу Британиядагы Ханыша Елизавета ооруканасынын жана Чыгыш Англия университетинин окумуштуулары айтканын Research Square журналы жазып чыкты.

Адистер Европанын 20 мамлекетинде жашаган тургундардын организминдеги D витамининин деңгээли жана COVID-19 вирусунан өлгөндөрдүн санын салыштырып чыккан.

"Чындап эле Испаниия, Италия жана Швейцариия өлкөлөрүнүн жарандарында D витамини салыштырмалуу аз болуп чыгып, бул жактарда өлгөндөрдүн саны көп экени белгилүү болду", — деп айтылат кабарда.

Мындан тышкары, аталган витамин улгайган организмде аз болору жана вирус дал ушул адамдарга эки эсе кооптуу экени кошумчаланды.

D витамининин пандемия учурунда өтө зарыл экенин буга чейин эле англиялык окумуштуулар айтышкан. Адистердин пикиринде, көбүнесе күн нурунан алынчу бул витамин организмди ар кандай вирустардан коргойт.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 3-майга карата дүйнө жүзү боюнча коронавирус жуктургандардын саны 3 428 425ке жетти.

488
Белгилер:
Европа, өлүм, пандемия, витамин, коронавирус, Дүйнө
Тема:
Дүйнөгө жайылган коронавирус (1068)
Тема боюнча
Кытай ДССУну коронавирустун тарашы боюнча иликтөөсүнө аралаштырбай жатат
Дарыгер COVID-19 эпидемиясы учурунда баш тарта турчу азыктарды тизмектеди
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

50
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

50
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео
Дүйнөдө биринчилерден болуп ВИЧ оорусунан айыккан АКШнын Тимоти Рэй Браун аттуу жараны. Архивдик сүрөт

Дүйнөдө биринчи болуп ВИЧти жеңген адам рактан каза тапты

103
(жаңыланган 23:54 30.09.2020)
Калифорниядагы хоспистердин биринде "берлиндик пациент" рак илдетинен көз жумду. Аны ак кан оорусу узаткан жок.

БИШКЕК, 30-cен. — Sputnik. Дүйнөдө биринчилерден болуп ВИЧ оорусунан айыккан АКШнын Тимоти Рэй Браун аттуу жараны рак оорусунан каза тапты. Бул тууралуу анын Facebook аккаунтунда айтылган.

Рэй Браун шейшемби күнү саат 15:10 чамасында Калифорниядагы хоспистердин биринде аркы дүйнөгө узаган. Ал жерге онкологиялык ооруларга чалдыгып, көз жума турган кишилерди жайгаштырышат.

"Терең кайгыруу менен Тимотинин беш ай ак кан илдети менен күрөшүп жатып каза тапканын билдирем. Ал бүгүн саат 15:10до менин жана досторунун курчоосунда аркы дүйнөгө узады", — деп жазган анын түгөйү Тим Хеффген.

"Берлиндик пациент" деген ат менен таанымал Тимоти Рэй Браун 2007-жылы лейкемия менен күрөшүү максатында сөөктүн чучугун алмаштырган. Жыйынтыгында ал ракты жеңип, ага чейин алышып келе жаткан ВИЧ-инфекциясынан да айыккан.

Елена Малышева адам баласы үчүн эң кооптуу беш илдетти санады

Ошондон бери анын организминен ВИЧ илдетинин бир дагы белгиси байкалган эмес. Бирок лейкемия 2019-жылы кайра пайда болуп, организмине тарап кеткен.

103
Белгилер:
вич, Калифорния, АКШ
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Бекболотов: эми онкологиялык бейтаптын анализдери СПИД борборунан алынат