Пандемия бүткөндөн кийин суроо-талап күчөй турган кесиптер айтылды

© Sputnik / Сергей Пивоваров / Медиабанкка өтүүУдаленный режим работы из-за угрозы распространения коронавируса
Удаленный режим работы из-за угрозы распространения коронавируса - Sputnik Кыргызстан
Жазылуу
Жумуш берүүчүлөр дистанттык түрдө иштөөнү уюштура алган программист, контент-менеджер, SMM-адистерди көп издешет.

БИШКЕК, 6-май — Sputnik. Россиядагы Прогрессивдүү билим берүү институтунун адистери пандемиядан кийин кайсы кесиптерге суроо-талап өсөрүн айтып берди. Алардын пикирин РИА Новости жазды.

Маалыматка караганда, пандемия аяктаган соң кризистик учурда ишкананы алдыга жылдыруу, каражатты туура сарптоо боюнча консультанттар абдан зарыл болот.

Мындан тышкары көпчүлүк ишканалар дистанттык түрдө иштөөнү уюштура алган программист, контент-менеджер, SMM-адистерди издешет.

"Жумуш берүүчүлөр Call-борборлорго консультанттарды, интернет-дүкөндөргө сатуучуларды, курьерлерди, айдоочуларды жана диспетчерлерди дагы талап кылышат", — деп айтылат кабарда.

Ошондой эле сантехник, эмерек чогултуучу, сүрөтчү сыяктуу адистер жумушсуз калбай турганы белгиленди.

Коронавирус тууралуу

Саясат таануучу, Пикир регионалдык эксперттер клубунун тең төрагасы Шерадил Бактыгулов. Архив - Sputnik Кыргызстан
Радио
Бактыгулов: Кыргызстанда креативдүү экономика жакшы өнүгүп жатат
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жонс Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 5-майга карата дүйнө жүзү боюнча коронавирус жуктургандардын саны 3 600 106га жетти.

Жаңылыктар түрмөгү
0