Бет кап кийген киши супермаркетте. Архивдик сүрөт

Азык-түлүк салынган таңгакты эмне менен тазалоо керектиги айтылды

(жаңыланган 09:44 10.05.2020)
Жуулбаган азыктарды эч качан муздаткычта сактаганга болбойт. Вирус муздаткычта узакка сакталышы мүмкүн.

БИШКЕК, 10-май — Sputnik. Коронавирусту алдын алуу максатында супермаркеттерден жана базарлардан сатып алынган азык-түлүк салынган таңгакты хлор кошулган зат менен эмес, курамында спирти бар каражат менен тазалаган оң. Анткени хлор ден соолукка зыяндуу. Бул тууралуу РИА Новостиге Медициналык-биологиялык көйгөйлөр институтунун бөлүм башчысы, жетектөөчү илимий кызматкер Светлана Поддубко билдирген.

"Үйгө алып келинген таңгактарды, азык-түлүк салынган баштыктарды спирт кошулган дезинфекциялоочу каражат менен тазалаган оң. Ал эми хлордуу каражаттарды таңгактардын сыртына да себүүгө болбойт, себеби өтө кооптуу", — деди Поддубко.

Ал белгилегендей, ар бир тазалоочу каражаттын пайдалануу эрежеси бар. Хлор кошулмаларын эшиктердин туткаларына, буюм-тайымга колдонууга болот. Хлор каражатын сүрткөндөн жарым саат өткөндөн кийин ал жерди кайра тазалап салуу керек.

Адистин айтымында, жемиштерди жана жашылчаларды 40 градус ысык сууга жууп, анан колдонуу зарыл. Жуулбаган азыктарды эч качан муздаткычта сактаганга болбойт. Анткени вирус жөнөкөй абага караганда муздаткычта узакка сакталышы мүмкүн.

Белгилер:
спирт ичимдиктери, коронавирус, азык-түлүк, эксперт
Тема:
Дүйнөгө жайылган коронавирус (1377)
Тема боюнча
Трамп: коронавирус акыры өзү жоголуп кетет
Коронавирус жайкысын кантип жайылат. Вирусологдун божомолу
Биолог үйдө коронавирус жугуп кала турган кооптуу жерлерди айтып берди
Кытайлык окумуштуулар эркектердин уругунан коронавирус табышты

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо
COVID-19 жок саякаттайм тиркемеси. Архив

Россияга барчулар ПЦР-тестти "COVID-19 жок саякаттайм" тиркемесинен көрсөтүшү шарт

(жаңыланган 11:12 20.04.2021)
Тиркемени App Store же Google Play интернет-дүкөнүнөн көчүрсө болот. Учакка отургандан кийин жүргүнчү тиркеменин жардамы менен телефондогу QR-кодду көрсөтөт.

БИШКЕК, 20-апр. — Sputnik. Россияга бара турчу Кыргызстандын жарандары коронавируска ПЦР-тесттин терс натыйжасын "COVID-19 жок саякаттайм" тиркемесинен көрсөтүп өтүшү керек. Бул тууралуу Транспорт, архитектура, курулуш жана коммуникация министрлигинен кабарлашты.

Билдирмеге ылайык, Роспотребнадзордун токтомуна ылайык, Евразия экономикалык биримдигине мүчө-мамлекеттердин жарандары, анын ичинде кыргызстандыктар да Россияга кирерде коронавируска ПЦР-тесттин терс натыйжасын "COVID-19 жок саякаттайм" тиркемесининен көрсөтүп өтүшү шарт. Бул эреже бардык жүргүнчүлөргө тиешелүү.

Тиркеме кандайча иштейт

Коронавируска ПЦР-тест тапшыруу үчүн жаран App Store же Google Play интернет-дүкөнүнөн "COVID-19 жок саякаттайм" тиркемесин көчүрүп алышы керек. Ал тест тапшырууга мүмкүн болгон жакынкы жердеги лабораториянын дарегин көрсөтүп берет. Лабораторияга барган кезде тесттин жыйынтыгын тиркеме аркылуу алуу ниетин билдирүү зарыл. Мындай учурда жаранга анын жеке маалыматтарын иштеп чыгууга макулдугун сураган бланка берилет. Бланкадагы QR-кодду мобилдик тиркеме аркылуу сканерлеп алуу кажет. Жүргүнчү учардан мурда тиркемеден тесттин жыйынтыгын бир карап, мөөнөтүн текшерип коюшу шарт (ПЦР-тестти учарга чейин 72 сааттан эрте эмес убакытта тапшырышы керек).

Учакка отургандан кийин жаран тиркеменин жардамы менен телефондогу QR-кодду көрсөтөт.

Система ЕАЭБ аймагында гана инфекциянын жайылып кетүү коркунучун алдын алуу максатында иштээри айтылды.

Белгилер:
жүргүнчү, тест, тиркеме, коронавирус, Россия, Кыргызстан
Тема:
Дүйнөгө жайылган коронавирус (1377)
Тема боюнча
COVID: дарылануунун жаңы протоколу чыкты, уу коргошун да жазылганбы?
Бишкек мэриясы. Архив

Бишкек мэриясы Айсулуу, Жоламан, Дарья баш болгон спортчуларды сыйлады

(жаңыланган 12:44 20.04.2021)
Мэрия спорттогу талыкпас эмгеги жана жетишкендиктери үчүн бир катар спортчуларга 100 миң сомдук, ал эми машыктыруучуларга 50 миң сомдук сертификаттарды ыйгарды.

БИШКЕК, 20-апр. — Sputnik. Бишкек мэриясы эл аралык аренада ийгилик жараткан шаардагы спорттук мектептердин тарбиялануучулары менен машыктыруучуларды сыйлаганын кабарлады.

Анда спортко талыкпас эмгеги жана спортту өнүктүрүүгө сиңирген эмгеги үчүн бир катар спортчулар 100 миң сомдук, ал эми машыктыруучуларга 50 миң сомдук сертификаттар берилди.

Мэрдин милдетин аткаруучу Бактыбек Кудайбергеновдун буйругу менен балбан кыздар Айсулуу Тыныбекова, Мээрим Жуманазарова жана Айпери Медет кызы, грек-рим күрөшүнүн балбандары Жоламан Шаршенбеков, Атабек Азисбеков жана Үзүр Жузупбековго, эркин күрөш чебери Эрназар Акматалиевге, жөө күлүк Дарья Масловага жана дзюдочу Владимир Золоевге 100 миң сомдук сертификат берилди.

Мэрдин милдетин аткаруучунун чечими менен спортчуларды таптаган машыктыруучулар Нурбек Изабеков, Хаким Махмудов, Уран Калилов, Кубат Мамбетов, Андрей Тупик, Рахмадил Жуманазаров, Ырысбек Мамышев, Абдужалил Юнусов, Татьяна Борисова 50 миң сомдук сертификат алышты.

Мындан сырткары, мэрия шаардын спортуна кошкон эмгеги үчүн баш калаадагы айрым спорттук мектептердин жетекчилерине ыраазычылык кат жана эстелик белектерди ыйгарганы маалым болду.

Белгилер:
сыйлоо, спортчу, Бишкек мэриясы, Бишкек
Тема боюнча
Кыргызстандык Эрназар Алматыдагы мелдеште мыкты ыкма жасаган спортчу болду. Видео
Атаандашы 7-раунддан кийин чыкпай койду. Боксчу Акжолдун жеңиши видеодо