Вашингтон шаарында АКШ ак үй. Архив

1945-жылы согушту АКШ менен Британия жеңген деген Ак үйгө Россия жооп кайтарды

1408
(жаңыланган 00:42 11.05.2020)
Буга чейин Ак үйдүн Instagram тармагындагы баракчасына 1945-жылы нацисттик Германияны АКШ менен Улуу Британия жеңген деп жазылып, Советтер Союзу тууралуу кеп козголгон эмес.

БИШКЕК, 10-май – Sputnik. Москва Экинчи дүйнөлүк согуштун жыйынтыктарын жана СССРдин андагы ролун бурмалоого аракет жасаган АКШ менен “олуттуу сүйлөшүү” жүргүзүүнү ниеттенип жатат. Бул тууралуу РИА Новости РФтин Тышкы иштер министрлигине шилтеме берип жазды.

Белгилей кетсек, буга чейин Ак үйдүн Instagram менен Twitter тармагындагы баракчасына 1945-жылы нацисттик Германияны АКШ менен Улуу Британия жеңген деп жазылып, Советтер Союзу тууралуу кеп козголгон эмес. Посттун алдына жүздөгөн адамдар нааразы комментарийлерин калтырышкан.

“Тарыхты бурмалоо үчүн жасалган аракеттер ызалантпай койбойт. Улуу жеңиштин 75 жылдык юбилейинде дагы Вашингтондо ушундай жагымсыз аракеттер токтотулбай койду. Өкүнүчтүүсү, мындай мамиле 25-апрелде президенттер Владимир Путин менен Дональд Трамптын 1945-жылы Эльбада советтик жана америкалык жоокерлер кездешкен тарыхый окуяга карата айткандарына каршы келет”, - деп ТИМден билдиришти.

Ошондой эле ведомство америкалык аткаминерлер канчалаган жоготууларга учураган Кызыл Армия тууралуу ооз учунан болсо дагы бир ооз кеп айтып коюуга эрки жетпегенин сындады. Вашингтондун Советтер Союзу менен Россияны жакшы көрсө да, жаман көрсө да тарыхтагы фактыларды жокко чыгарып салганы туура эмес экендигин баса белгилешти.

1408
Белгилер:
СССР, ТИМ, Улуу Жеңиш, АКШ, Россия
Тема:
Улуу Ата Мекендик согуштагы Жеңиштин 75 жылдыгы (78)
Тема боюнча
Жеңиш күнүндөгү конференция: тарыхты бурмалоого биргеликте каршы турабыз!
Олимпиадалык шакектер жана желек. Архив

Кыргыз спортчулары олимпиадага 1-июндан тарта даярдана баштайт

17
(жаңыланган 18:47 29.05.2020)
Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турат.

БИШКЕК, 29-май — Sputnik. Кыргызстандык курама командалар эл аралык мелдештерге 1-июндан тарта даярдануусун баштап, машыгууларга киришет. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы билдирди.

Биринчи кезекте сөз Токио Олимпиадасына жолдомо берилчү мелдештерге катыша турган курама командалар тууралуу болуп жатат.

Эл аралык мелдештер башталса, катышуу үчүн олимпиадалык эмес жана улуттук спорттук оюндардын түрлөрү боюнча дагы машыгуулар башталат.

"Курама командалардын мүчөлөрү машыгуудан мурда медициналык кароодон өтүшөт. Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турмакчы. Спортчулардын дене табы текшерилет", — деп айтылат билдирүүдө.

Бирок өлкө ичиндеги мелдештер боюнча азырынча так маалымат айтыла элек.

Эске салсак, Токио шаарындагы Олимпиада 2021-жылы өтмөкчү. Ал пандемиядан улам ары жылдырылган.

17
Белгилер:
карантин, машыгуу, спорт, Кыргызстан
Тема боюнча
"Спартак" стадионунда машыгууга уруксат берилип, бирок бир шарт коюлду
Муштум. Архив

Москва: элчилик сабалган кыргызстандык боюнча ИИББге кайрылды

119
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

119
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады