Рейхстагдын үстүнөндө Кызыл туу желеги. Архив

Кокусунан кетирген катадай эмес. Facebook неге актанды?

322
(жаңыланган 14:03 12.05.2020)
Facebook компаниясы Рейхстагга Кызыл туу сайылган сүрөттөрдү жапырт өчүрүп, кийин аны "эреже бузууларды аныктоонун автоматташтырылган инструменттеринин" ишиндеги катачылык деп белгилеген.

Ири компаниянын мындай аракеттери боюнча журналист Ирина Алкснис ой жүгүртүп, макала РИА Новости агенттигине жарыяланды.

Атайын арам ой менен жасалган эмеспи деп шектенбей кое албайсың. Тарыхты кайра жазуу, фашизмди жеңген СССРдин ролун тарыхтан жана адамдардын эсинен өчүрүү боюнча Батыштагы аракеттерди эске алганда, бул версия чындыкка жакындай туюлат. Мындай учурда көшөгө артындагы саясий оюндарды издөөнүн ашыкчалыгы байкалат.

Евгений Халдейдин белгилүү тарыхый сүрөтүнүн өчүрүлүшү боюнча "кооптуу адамдар жана уюмдарга карата коомдук ченемдерди бузуу" деген түшүндүрмө бул кырдаалдын акылга сыйбастыгын айгинелейт.

Андан кийинки актануулар социалдык медианын бул бутагы мындай жаңжалга кабылууга ниети жоктугун көрсөтөт. Аныгы, баарын кокустукка шылтап коюу да натуурадыр. Болгону бул ирет кеп Facebook компаниясынын антироссиялык саясатында эмес, маселенин баары дүйнөлүк социалдык медианын өзүн-өзү түшүргөн тузакта.

Эркин түрдө өзүн таанытуу жана баарлашуу мейкиндиги катары социалдык медианын алтын кылымы өтө кыска өмүр сүрүптүр. Контентти чектөө жана көзөмөлдөө чагылгандай тездик менен күч алып отуруп, азыр бардык тармакты жана багытты толук камтыган катуу цензурага айланыптыр. Атап айтканда, Facebook компаниясынын жылаңач натурага, ал түгүл искусствонун шедеври деп таанылган болсо да тыюу салынышы – эң көп талкууланган жана айыпталган эрежелердин бири. Эки жыл мурун колдонуучулар жарыялаган таш доорундагы "Венера Виллендорфскаянын" статуэткасынын сүрөтүнө коюлган бөгөт ызы-чуу менен алынган. Анткен менен бир жыл мурун Женева көркөм музейи өз көргөзмөсүн жарнамалоодо байыркы статуялардын сүрөтүн пайдаланууга көшөрө уруксат бербей койгон.

Саясаттан мында кеп козгоштун кажети жок. Чектөөлөргө посттор формалдык да (мисалы, тыюу салынган сөздөр), ошондой эле жалпы идеологиялык белгилери боюнча да кабылышы ыктымал. Туура бир апта мурун эле Facebook Кремлге ыктаган, бир нече тилде иш алпарган News Front маалымат агенттигинин аккаунттарын өчүрүп салган. Мындай цензураны компаниянын гана эрки катары көрүү жаңылыштык болор, анткени бул инструментти пайдаланууну көпчүлүк өздөштүрүп алды.

Социалдык медиадагы контентти автоматтык көзөмөлдөө алгоритминин маанилүү бөлүгү массалык даттануулар экени эбак аныкталган. Андыктан эч айыпсыз постуңуз үчүн жаза алсаңыз, болду-болбоду, ниети бузуктардын чабуулуна кабылдыңыз.

Facebook мындай учурларда адегенде автоматтык түрдө чара көрүп, эгер колдору тийсе гана адис ишти калыс карап, териштирет. Колдору тийбей да калышы ыктымал, себеби социалдык медианы күндөн-күнгө күчөгөн контент текшерүү толкуну каптап барат. Пайдалануучуларды негизсиз жазалоо эсеби миңдеп саналары таң каларлык эмес.

Балким, Рейхстагдагы Жеңиш туусунун сүрөтү да ушундай чабуулга кабылгандыр. Кайсы бир антироссиялык активисттер жамааттык чабуулду аталган сүрөт тиркелген бир нече постко даттануу менен уюштурган болушу мүмкүн. Натыйжада ал автоматтык көзөмөл алгоритмине кабылып, ушундай посттор дароо өчүрүлсө керек.

Бирок бул жолу чектөө ушунчалык курч жана коомдук маанидеги көйгөйгө айлангандыктан, Facebook тезинен ызаланган адамзаттын алдында актанууга ашыкты.

Мындай нерсе көп кайталанчу болду. Бир ай мурун эле Google YouTube каналына жарыяланган Коммунаркадагы оорукананын башкы врачы Денис Проценконун маегин жана Владимир Путиндин россиялыктарга кайрылуусун өчүрүүгө дааган.

Компания бул видеолорду кайрадан чыгарып, катачылык экенине ынандырган. Бул кадамы алар тарабынан атайын өчүрүлбөгөнүн көрсөтүп, "бир нерседен кетти окшойт" деп түшүндүргөнү чындыкка коошкондой. Бул учурларда кайсы бир адамдар (орустарга каршы көз караштагылар болушу мүмкүн) Россия Федерациясын шакабалап, үлкөн көп миллиарддаган корпорацияларды эптүүлүк менен пайдаланышкандай болду. Жыйынтыгында алардын аброюна аябагандай доо кетти.

Facebook менен Google дүйнөнү жаңыдан багындырып жаткан кезде социалдык медиа адамзатты улутка карабаган катуу көзөмөлгө алары туурасында божомолдор бар эле. Бирок IT-корпорацияларды өз талаптарын аткарууга мажбурлоого мамлекеттердин мүмкүнчүлүктөрү жетишерлик болуп чыкты. Кийин компаниялар атайын уюштурулган же катуу жаңырган "жамааттык пикирге" гана баш ийүүгө аргасыз экени айкын болуп калды.

Марк Цукерберг бардык мүмкүн болгон, ал тургай, түз карама-каршылыктуу айыптоолордон актанып бүтө албай келет. Анын ичинде Кремль, ЦРУ жана Кытайга карата иштер, Трампты жана анын каршылаштарын колдоо, аялды жек көрүүчүлүк жана ак жуумал эркектерди басмырлоо, сопусунуу жана бузулгандык өңдүү маселелер бар эле, эми буларга коронавирустук дүрбөлөңдү жана аны менен катар ковид-диссиденттикти таратууну чектөө да кошулду.

Бирок жарыяланган материалдарды жаңылыштык менен өчүрүүгө байланышкан жаңжалдардын баары көйгөйдүн башка өңүтүн да ачыкка чыгарды. Анткени катардагы эле айрым пайдалануучулар өз кызыкчылыгы үчүн үлкөн компанияларды манипуляциялоодо реалдуу мүмкүнчүлүккө ээ экени ачык байкалып калды. Муну менен алардын кадыр-баркына көлөкө түшүрүп да коюшат. Негизи мындай мүчүлүштүк алардын бул маселеде таптакыр компетенттүү жана натыйжалуу эместигин туюндурат.

15 гана жылдын ичинде социалдык медиа толук эркиндигинен тайып, кескин авторитардык системага өттү. Ушул тапта бардык жагын көзөмөлдөө түзүмү социалдык түйүндөрдүн түптөөчүлөрүнүн башына мүшкүл болчу баскычка жетип калды.

322
Белгилер:
жеңиш, Рейхстаг, Россия, Марк Цукерберг, Улуу Ата Мекендик согуш
Тема:
Улуу Ата Мекендик согуштагы Жеңиштин 75 жылдыгы (107)
Тема боюнча
Батыш советтик жоокердин бейнесин өзгөртүп, тарыхты бурмалоону улантууда
РС-24 Ярс комплекси. Архив

"Жок дегенде аракет кылып көрүш керек". СНВ-3 макулдашуусун узартуу боюнча пикир

123
(жаңыланган 17:24 20.10.2020)
СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат.

БИШКЕК, 20-окт. — Sputnik. Кремль Вашингтон менен стратегиялык туруктуулук боюнча сүйлөшүүлөр уланып жатканын белгилеп, СНВ-3 (стратегиялык чабуул куралы) боюнча АКШнын билдирүүсүнө комментарий берди. Sputnik радиосуна маек курган америкачы Константин Блохин сүйлөшүүлөр үчүн кайсы тарап ыңгайлуу экенине токтолгон.

Москва АКШ Владимир Путиндин СНВ-3 макулдашуусун дагы бир жылга узартуу сунушун четке какканына карабай Вашингтон менен стратегиялык туруктуулук боюнча байланыштар уланат деп ишеним артып жатканын президенттин маалымат катчысы Дмитрий Песков билдирди.

Трамп менен Путинден "октябрдык күтүүсүз белек"

"Биз америкалык тарап менен кандай болгон күндө да сүйлөшүүлөр уланат деп ишенебиз. Албетте, президент айткандай, макулдашуунун мөөнөтүн узартуу куралга көзөмөл кылуу боюнча олуттуу сүйлөшүүлөргө убакыт бермек", — деди Песков.

Ал ошондой эле мындй аракеттер оңунан чыкпаса жалпы дүйнөлүк коопсуздук үчүн кесепети оор болорун кошумчалады.

"Андыктан биз америкалык өнөктөштөрдүн документтин мөөнөтүн узартууга даяр экенин уккубуз келет", — деди Песков.

Анын айтымында, азырынча жылыш байкалбайт. Бирок бул байланышты таптакыр токтотуп коюу керек дегенди түшүндүрбөйт.

Sputnik радиосунун эфиринде Россиянын илимдер академиясынын Коопсуздук көйгөйлөрүн иликтөө борборунун илимий кызматкери, америкачы, саясат таануучу Константин Блохин сүйлөшүүнүн тагдыры АКШда болчу президенттик шайлоодон ким жеңип чыгарынан көз каранды экенин белгиледи.

"Ачык каалганы каккылоо". Москва АКШны жаза таюудан сак болууга чакырды

"Республикаылк партиянын өкүлү Дональд Трамп биринчиден Кытайды жек көрөт, СНВ-3тү дагы Пекин менен байланыштырып келет. Экинчиден, Республикалык партия куралданууга көзөмөлдү жокко чыгарууга аракет жасайт. Кичүү Жорж Буштун убагында америкалыктар ПРО боюнча макулдашуудан чыгып кеткен, Трамп өзү орто жана кыска ыраактыктагы ракеталар боюнча, мындан тышкары, Ачык асман боюнча макулдашуулардан чыкканын унутпайлы. Эгер шайлоодо Трамп жеңсе, СНВ-3 макулдашуусунан да чыгуу ыктымалдуулугу жогорулайт", — деди Блохин.

Эгер шайлоодо демократ Жо Байден утуп кетсе, документтин мөөнөтү узарышы мүмкүн.

"Салтка айланып калгандай, Демократиялык партия стратегиялык туруктуулук боюнча орустар менен макулдашып алууга ыктайт. Барак Обаманын администрациясы Дмитрий Медведев менен азыркы макулдашуунун мөөнөтүн узарткан. Бирок ким жеңерине карабастан бир нече ай ичинде жаңы келишим түзүү мүмкүн эмес. Андыктан бир жылда жаңы макулдашууга жетишүү үчүн учурда колдо бар документти узартууга аракет кылыш керек", — деди Блохин.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

123
Белгилер:
келишим, курал, коопсуздук, макулдашуу, АКШ, Россия
Хакердик чабуул жасап жаткан адам. Иллюстративдүү сүрөт

РФ элчилиги АКШдагы россиялыктардын айыпталышы боюнча үн катты

62
(жаңыланган 16:45 20.10.2020)
Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

БИШКЕК, 20-окт. — Sputnik. Россиянын Вашингтондогу элчилиги АКШнын орус жарандарына карата хакердик жана дүйнөдөгү абалды туруксуздаштыруу боюнча айыптоолорун четке какты. Бул тууралуу дипломатиялык өкүлчүлүккө шилтеме берип РИА Новости жазды.

Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

"Кан төгүп жатышат". Карабахта россиялык тынчтык орнотуучуларды ким күтөт?

Алар 2017-жылы тараган NotPetya вирусу, ошондой эле Түштүк Кореядагы Олимпиада учурундагы кибер чабуулга айыпталып жатат. Мындан тышкары, алар Башкы чалгындоо башкармалыгынын кызматкерлери деп шектелүүдө. Ошол эле учурда Улуу Британия Россиянын чалгынчылары тараптан Токиодогу Олимпиадага (ал жылдырылганга чейин — ред.) кибер чабуул даярдалганын айтып чыкты.

"Бул айтылып жаткандын бардыгы эч бир жагынан чындыкка туура келбеси айдан ачык болуп турат. Бир гана Россияга каршы иштеген Америка коомуна жем таштоонун амалы. Мындай нерсе бир нече жылдан бери Вашингтондун саясий жашоосунун өзгөчөлүгү болуп калды. АКШ бийлиги Россия-Америка мамилесин ого бетер талкалап, өз элине Россия тууралуу туура эмес түшүнүктү таңуулап жатышат", — деп айтышты элчиликтен.

"Новичок" баяны: Навальный эмнеге немецтер менен оюн курууда?

Маектештин агенттикке билдиргенине караганда, Россия эч качан бүткүл дүйнөгө бүлүк салчу операцияларды пландаган эмес жана пландабайт дагы.

"Бул биздин тышкы саясатыбызга, улуттук кызыкчылыктарыбызга туура келбейт. Мамлекеттер арасындагы мамилелер мындай негизде түзүлбөшү керек. Россия башка мамлекеттердин эгемендүүлүгүн сыйлайт жана ички иштерине кийлигишпейт", — деди маектеш.

Маалыматка караганда, АКШ менен Улуу Британиянын россиялык хакерлерди Токио Олимпиадасы учурундагы чабуулдарга айыптап жатканы негизсиз жана ички аудиторияга гана багытталган.

62
Белгилер:
Чабуул, хакерлер, АКШ, Россия
Тема боюнча
Европа Россияга каршы жаңы санкциялардын азабын тартабы?
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

108
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

108
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы