Май куйуп жаткан айдоочу. Архив

Тээп, чаап, аз жерден жулуп ала жаздаган. Жаалданган айдоочунун видеосу

337
Болгон кыймылды жазып турган видеокамерага автомай куйган бекеттеги айдоочунун адаттан тышкаркы кылыгы түшүп калган. Окуя Канаданын провинцияларынын биринде болгон.

БИШКЕК, 14-май — Sputnik. Видеону жергиликтүү полиция кызматы Twitter аккаунтуна жайгаштырган.

​Автоунаанын жанында турган эркек кишинин капыстан эле автомай куйган колонканы тээп, чаап, андан сырткары автокөлүгүнө таканчыктай калып, чирене дагы бир ирет тепкилеп жатканын көрүүгө болот.

Колундагы түтүктү аз жерден үзүп ала жаздаганы бир караган кишиге да байкалат. Бул аракетти белгисиз адам бир нече ирет кайталаган.

Оператор жакты бир нече ирет карап, бирок натыйжа болбосун сездиби, айтор, ал агрессиялык маанайдагы киши автоунаасына отуруп жаткан жеринен видео үзүлгөн.

Эми полиция колу-буту "узун" кишиге издөө салып, видеону элге тараткан.

Полиция чаң жана кир болгондуктан, автоунаанын мамлекеттик номери окулбай калып, ачуулуу бул жаранды табуу иши бир топ кыйынга турарын моюнга алган.

Ал эми автомай куйган бекеттин ээси автоунаа ээси ага канчалык чыгым келтиргенин эсептеп, тактап, полицияга өткөрүп бергени маалымдалды.

337
Белгилер:
видео, полиция, май куюучу бекет, Канада
Тема боюнча
Трамп журналисттер менен уруша кетип, жыйынын үзгүлтүккө учуратты. Видео
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

115
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

115
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу
Стив Джобстун граффитисине тагылган бет кап. Архивдик сүрөт

Адистер коронавирустун экинчи толкуну кандай болорун божомолдошту

187
Буга чейин Дүйнөлүк саламаттыкты сактоо уюму коронавирус пандемиясынан жаралган коркунуч дагы деле бар, жакында COVID-19дун экинчи толкуну болушу мүмкүн деген пикирин айткан.

БИШКЕК, 25-май — Sputnik. Эгер коронавирустун экинчи толкуну келе турган болсо, обочолонууга азыркыдай элдин баарын эмес, аялуу топту гана чыгаруу керек. Адистердин мындай пикирин РИА Новости жазды.

Россиялык вирусолог, медицина илимдеринин доктору Анатолий Альтштейн вирустун кийинки толкунунда эл жалпы изоляцияга чыгып кетсе, экономика мындан дагы катуу жабыркайт деп эсептейт.

"Албетте, коронавирустун экинчи толкуну болуп кала турган болсо, абалга жараша иш кылабыз. Бирок азыркыдай массалык түрдө иштебей койсок, экономика оңбой калышы мүмкүн. Анын үстүнө эмки толкунда бет кап кийип, аралыкты сактоо эле жетиштүү болот деп божомолдоп жатабыз", — деди Альтштейн.

Ал эми Эпидемиология жана микробиология илимий борборунун кызматкери Виктор Зуев вирустун кийинки толкунуна чейин вакцина табылып каларына ишенүүдө.

"Экинчи толкун жакынкы айларда болбойт деп ойлойм, анткени алдыда жай, ысык. Менимче, ал кадимки күзгү сасык тумоо менен келет болушу керек. Ага чейин вакцина табылып калар. Бирок мен адис катары кийинки толкунга ишене бербейм", — деди Зуев.

Буга чейин Дүйнөлүк саламаттыкты сактоо уюму коронавирус пандемиясынан жаралган коркунуч дагы деле бар, жакында COVID-19дун экинчи толкуну болушу мүмкүн деген пикирин айткан

Коронавирус тууралуу

Вирустарды көзөмөлдөө боюнча республикалык илимий борбордун жетекчиси Зуридин Нурматов
© Фото / Республиканский штаб КР по борьбе с COVID-19
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 25-майга карата дүйнө жүзү боюнча коронавирус жуктургандардын саны 5 424 718ге жетти.

187
Белгилер:
божомол, толкун, коронавирус
Тема:
Кытайдагы жаңы типтеги коронавирус
Тема боюнча
БУУ коронавирус пандемиясын көтөрө албай бүк түшчү өлкөнү атады
Россияда эки жарым миңден ашык кош бойлуу аял COVID-19 жуктуруп алган