Гүлнара Каримованын 10 млн. долларын Франциядан Өзбекстанга беришти
(жаңыланган 19:21 14.05.2020)
Кайтарылган акчалар Өзбекстандын мамлекеттик бюджетине берилип, керектүү муктаждыктарга жумшалат. БИШКЕК, 14-май — Sputnik. Өзбекстан бийлиги Франциядан Гүлнара Каримованын 10 миллион доллар акчасын кайтарып келгендигин Sputnik Өзбекстан Юстиция министрлигине шилтеме кылып берди.
"Юстиция министрлиги менен Башкы прокуратура республиканын компетенттүү органдары менен Каримованын кылмыштуу жол менен тапкан акчаларын кайтаруу иштеринин алкагында 2020-жылдын 14-майында Франциядан 10 миллион долларды алып келди", — деп билдирди Юстиция министрлиги.
Ал акчалар Каримова менен анын үй-бүлөсүнө таандык эмес, себеби алардын мүлкү башка мамлекеттердин компетенттүү органдары тарабынан камакка алынган деп айтылат маалыматта.
Кайтарылган акчалар Өзбекстандын мамлекеттик бюджетине кайтарылып, керектүү муктаждыктарга жумшалары маалымдалган.
©
AFP 2021 / Amy Sussman / GETTY IMAGES NORTH AMERICA
Каримова 2015-жылы "Опузалоо" жана "Салык төлөөдөн баш тартуу" беренелери менен камалып, 2017-жылы 10 жылга эркинен ажыратылган. Кийинчерээк ага карата дагы башка кылмыш иштери козголуп, прокуратура тергеп жаткан. 18-мартта сот анын абак мөөнөтүн 13 жыл төрт айга көбөйткөн. Соңку ирет тагылган айыпта Каримованын мамлекетке 165 миллион доллар чыгым келтиргени айтылган.
Белгилер:
Дональд Трамп: Путин мага, мен ага жакчумун
(жаңыланган 12:56 20.04.2021)
АКШнын экс-президенти убагында Россиянын лидери менен жакшы мамиледе болгонун айтып, бул жаман эмес көрүнүш экенин белгилеген.БИШКЕК, 20-апр. — Sputnik. АКШнын мурдагы президенти Дональд Трамп Россиянын лидери Владимир Путин менен болгон мамилеси жөнүндө айтып бергенин РИА Новости жазды.
Трамп Путинге жагарын белгилеген.
"Менин Путин менен мамилем абдан жакшы болчу. Мен ага, ал мага жакчу. Бул нерсе жаман эмес, тескерисинче, жакшы көрүнүш", — деген Трамп.Москва менен Вашингтондун мамилеси 2016-жылдын соңунда, Дональд Трамп президент болуп шайлангандан кийин начарлаган. Себеби шайлоонун жүрүшүнө Москва кийлигишти делген маалыматтар тарап кеткен. Прокурор Роберт Мюллер "Россиянын кийлигишүүсү" жөнүндөгү божомолду эки жыл бою иликтеген. Кийин ал "кийлигишүү" болгонун билдиргени менен расмий Москва менен Вашингтон аны төгүндөгөн.
Белгилер:
НАТО чалгынчылары РФ чек арасына тез-тезден каттап калышты. Максаты эмне
(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди. Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.
НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.
Белгилер: