Москва шаарынын жашоочусу. Архивдик сүрөт

Москванын жашоочуларынан COVID-19ду массалык түрдө акысыз текшеришет

473
(жаңыланган 00:54 15.05.2020)
Москва өкмөтү автоматтык кан анализаторун орнотту. Ушул айдын аягына чейин күн сайын 200 миң адам текшериле турганы белгиленет.

БИШКЕК, 15-май — Sputnik. Москвада иммунитети коронавирусту көтөрө аларын же албастыгын текшерүү эл арасында массалык түрдө акысыз жүргүзүлөт. Бул тууралуу аталган калаанын мэриясынын сайтында жазылган.

Мэр акыркы бир нече айдын ичинде шаарда коронавирусту текшерүү программасы болуп көрбөгөндөй иш алып барып жатканын белгилеген. Күн сайын ондогон лабораториялар 40 миңден ашык ПЦР-тесттердин жыйынтыгын чыгарып жатышат.

Анын айтымында, мындан ары "тестирлөөчү машина" күч алат. Жаңы эрежелерге ылайык, ишке кирген ишканалардын жетекчилери жума сайын кызматкерлерден тест жүргүзүшү керек. Вирустук пневмонияны аныктоо үчүн жети амбулатордук борбор бар. Буга чейин аларда коронавирусту аныктоо үчүн 100 миңден изилдөө жүргүзүлгөн.

"Бирок бул ыкмалар жетишсиз. Анткени ал канча адам ооруп бүткөнүн, анын ичинде симптомдору вирусту баштан өткөргөнүн, канчасында коронавируска каршы иммунитет иштелип чыккандыгын аныктоого мүмкүнчүлүк бербейт. Бул маалыматты алуунун ыкмасы — калктын иммунитетин изилдөө, тагыраагы, Москва шаарынын тургундарын жаңы инфекцияга антителолорун тестирлөө (скрининг) болуп саналат", — деп жазган калаа башчысы Сергей Собянин.

Тест бейтаптын каны аркылуу жүргүзүлө турганы айтылат. Изилдөө үчүн Москва өкмөтү автоматтык кан анализаторун орноткон. Май айынын аягына чейин мындай ыкма менен тест тапшыргандар суткасына 200 миңден ашык болору кошумчаланат.

Собяниндин айтымында, бул 15-майдан баштап массалык жана акысыз скрининг программасын ишке ашырууга мүмкүнчүлүк берет.

473
Белгилер:
тест, текшерүү, коронавирус, Москва
Тема:
Кытайдагы жаңы типтеги коронавирус (745)
Тема боюнча
Борбор калаада коронавирустун 98 очогу бар
Коронавирус аныкталып көз жумган алгачкы кыргызстандыктын сөөгү изилденип бүттү
Олимпиадалык шакектер жана желек. Архив

Кыргыз спортчулары олимпиадага 1-июндан тарта даярдана баштайт

23
(жаңыланган 18:47 29.05.2020)
Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турат.

БИШКЕК, 29-май — Sputnik. Кыргызстандык курама командалар эл аралык мелдештерге 1-июндан тарта даярдануусун баштап, машыгууларга киришет. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы билдирди.

Биринчи кезекте сөз Токио Олимпиадасына жолдомо берилчү мелдештерге катыша турган курама командалар тууралуу болуп жатат.

Эл аралык мелдештер башталса, катышуу үчүн олимпиадалык эмес жана улуттук спорттук оюндардын түрлөрү боюнча дагы машыгуулар башталат.

"Курама командалардын мүчөлөрү машыгуудан мурда медициналык кароодон өтүшөт. Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турмакчы. Спортчулардын дене табы текшерилет", — деп айтылат билдирүүдө.

Бирок өлкө ичиндеги мелдештер боюнча азырынча так маалымат айтыла элек.

Эске салсак, Токио шаарындагы Олимпиада 2021-жылы өтмөкчү. Ал пандемиядан улам ары жылдырылган.

23
Белгилер:
карантин, машыгуу, спорт, Кыргызстан
Тема боюнча
"Спартак" стадионунда машыгууга уруксат берилип, бирок бир шарт коюлду
Муштум. Архив

Москва: элчилик сабалган кыргызстандык боюнча ИИББге кайрылды

121
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

121
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады