Сириялык бала АКШнын аскер техникасынын колоннасын карап турат. Архив

Сириялык качкын согушкер АКШ аскерлери "Ислам мамлекети" менен иштешерин айтты

283
(жаңыланган 11:05 19.05.2020)
Сирия менен Иорданиянын чек арасындагы Эт-Танфа аймагында Американын аскердик базасы бар. Айланасындагы АКШ аскерлери көзөмөлдөгөн 55 чакырымдык аралыкта качкындар лагери орун алган.

БИШКЕК, 19-май — Sputnik. Сириядагы Эт-Танфа базасында иштеген америкалык аскерлер "Ислам мамлекети" террордук уюму менен активдүү кызматташат. Бул тууралуу россиялык журналисттерге согушкерлердин Эт-Танфадан качып, Сириянын өкмөттүк аскерлери тарапка өтүп кеткен командири Абу Хамзи айтып бергенин РИА Новости жазды.

Буга чейин Эт-Танфадагы АКШ базасында аскердик даярдыктан өткөн согушкерлер тобу өздөрү кайтарып жаткан таяныч пунктун таштап, өкмөттүк күчтөргө багынып бергени айтылат. Маалыматка караганда, аларды Дамаскиге тиешелүү аймакта теракт уюштурууга жана нефтегаз, транспорттук объектилерди басып кирүүгө даярдашкан.

"Америкалыктар бул жакты өз жери деп эсептейт, өздөрүн падышадай алып жүрүп, каалаганын кылат. Капитан Майк жана башкалары деле ошондой. Алар "игилчилер" менен кызматташат. Азыр аларды окутуп жатышат", — деди Абу Хамзи.

Качып кеткен согушкердин айтымында, ал сөз кылып жаткан Майк аттуу капитан анын инструктору болгон. Абу Хамзи андан Американын 40 жана 50 калибрлүү куралдарын колдонгонду үйрөнгөн.

Сирия менен Иорданиянын чек арасындагы Эт-Танфа аймагында Американын аскердик базасы бар. Айланасындагы АКШ аскерлери көзөмөлдөгөн 55 чакырымдык аралыкта качкындар лагери орун алган. Буга чейин Россия менен Сириянын аскерлери жана Тышкы иштер министрликтеринин өкүлдөрү лагерде абал өтө оор экенин айтып келишкен.

283
Белгилер:
кызматташтык, согушкер, Аскер, Сирия, АКШ
Тема боюнча
30 күндө талаптарды аткаргыла! Трамп ДCСУга ультиматум койду

Жыгылып баратып тепти. Австралиялык футболчунун гол киргизген видеосу

5
Германия чемпионатынын 32-турунун алкагында "Айнтрахт" өз үйүндө "Майнц" клубун кабыл алган. Беттеш 1:1 тең эсеп менен аяктаган.

Германия чемпионатындагы "Айнтрахт" клубунун оюнчусу Айдин Хрустич жыгылып жаткан жеринен тээп гол киргизди. Кызыктуу учур Бундеслиганын Youtube каналына жарыяланды.

Чемпионаттын 32-турунун алкагында "Айнтрахт" өз үйүндө "Майнц" клубун кабыл алган. Коноктор биринчи бөлүктө эле эсепти ачып, алдыга чыккан. Талаа ээлери беттештин акыркы мүнөттөрүндө эсепти теңеди.

Австралиялык футболчу капталдан чыгарылган топту дарбазаны көздөй тээп, ошол учурда атаандаштын бутуна чалынып жерге кулаган. Топ коргоочуга тийип, кайра өзүнө келген. Жерде кулап жатканына карабай Хрустич топту сол буттап дарбазага багыттаган. Топ асманга көкөлөгөн бойдон голго айланган. Дарбазачы бийик секирип, тосууга аракет кылганына карабай аны тосо алган эмес.

"Майнтс" Бундеслигада калуу аракетинде болсо, "Айнтрахт" Европа кубокторуна ойноо мүмкүнчүлүгүн алууга умтулган.

5
Белгилер:
видео, гол, футбол
Тема боюнча
Футболчу Кайраттын "Каганатка" киргизген голу мыкты деп аныкталды. Видео

Олжосун аңдып, кызганып. Бактын башындагы үч кабыландын сейрек видеосу

26
Кабыландын кармап алган олжосун бактын башына алып чыгып кеткенин көргөн эки тукумдашы артынан калбай, ал тургай кызганып, бири-бири менен чапчышып кеткен көрүнүшкө күбө болуу ар бир туристти кызыктырса керек.

"National Geographic Россия" сайты жакында Африкадагы Масаи-Мара коругунда жүргөндөр сейрек көрүнүшкө күбө болуп, аны видеого тартып алганын жазды.

Башка жырткычтарга караганда кабыландар бакка оңой чыгып кетишет. Көп учурда тапкан тамагын гиена жана тарп аңдыган башка майда жаныбарлардан алысыраак деп дарактын башына катат.

Туристтердин бул видеосунан антилопабы, айтор, таап келген олжосун бактын башына чыгарып, аны ыңгайлуу отуруп жей албай жаткан кабыланды, кызыгы, анын тамагын талашкан дагы эки "тууганын" көрүүгө болот.

Жыт алып дароо чыгып барган экинчи кабылан үчүнчүсүнөн антилопаны кызганып, аны менен ырылдашып, бутакта туруп чапчышып кеткенин туристтер тартып алган. Бирок бул таймашта экөө бири-бирин бактан кууп түшө албай койгон. Акыры айласы кеткен жырткычтар калың бутактан орун алып, чоочун бирөөнүн тамагына көз арткан тейде отурганы менен видео аяктаган.

Жакында эле дал ушуга окшош видео тараган. Андан дарактын башындагы өз тамагын бергиси келбей ургаачы арстан менен кармашкан кабыландын окуясын көрүүгө болот.

26
Белгилер:
турист, антилопа, парк, жаратылыш, кабылан, Африка
Тема боюнча
Баласын коргоп арстанды айланта, кабыланды каардана кууган буйволдун видеосу