АКШнын президенти Дональд Трамп. Архив

Сатып түгөтүп... Россия АКШ облигацияларынан баш тартууда

300
(жаңыланган 10:31 20.05.2020)
Март айында Россия америкалык мамлекеттик облигацияларына салымын үч эсеге, тагыраагы, 12,58 миллиард доллардан 3,8 миллиардга чейин азайткан. Бул эл аралык резервдердин бир пайызына жетпейт.

АКШнын казыналык кагаздарынан дүйнөнүн башка борбордук банктары да арылып жатышат. Эмнеге трежерис рыногунан инвесторлор жаа бою качууда? Бул тууралуу биздин өнөктөш РИА Новости агенттигинин макаласынан окуңуздар.

Дээрлик калбай барат

АКШ Каржы министрлигинин маалыматы боюнча, Россиянын колунда калган америкалык облигациялардын 3,381 миллиард доллары узак мөөнөттүү кагаздарга, 473 миллион доллар кыска мөөнөттүү кагаздарга туура келет.

Вашингтондогулар бул соңку айлардагы АКШ өкмөтүнүн мамлекеттик карызына болгон россиялык инвестициянын көлөмдүү кыскарышы биринчи жолу экенин белгилешет. Эки жыл мурун эле Борбордук банк санкциялардын алкагында тоңдурулуудан сактануу үчүн трежеристин (АКШнын казыналыгы чыгарган баалуу кагаз, карыздык милдеттенмелердин жалпылаштырылган аталышы) дээрлик бүт портфелин сатып түгөткөн.

2010-2013-жылдары америкалык карызга болгон россиялык салымдар 170 миллиард доллардан ашкан. Москва трежеристин эң ири ээлеринин катарына кирет. Бирок 2014-жылдын апрелинде Вашингтон санкция киргизгенден бери бул баалуу кагаздардан арыла баштаган.

2018-жылы Борбордук банк сатууну кеңейтип, АКШнын казыналык милдеттенмелердин портфелин эки эсе кыскарткан. Эл аралык резервдерде америкалык баалуу кагаздардын үлүшү төмөнкү чекке жеткен. Борбордук банк андан алынган каражатты кайра алтынга, евро жана юанга салган.

Алтын боюнча дүйнөлүк кеңештин (WGC) эсеби боюнча, дүйнөдөгү борбордук банктардын балансындагы баалуу металлдын көлөмү былтыр 651 тоннага көбөйгөн. Бул 1971-жылдан берки эң жогорку көрсөткүч, анткени ошол тушта Кошмо Штаттар алтын стандартынан баш тарткан. Баалуу металлды 2019-жылды эң көп сатып алган өлкө Россия болгон, мамлекеттик резервдин бардык сатып алууларынын 20 пайызын алтын түзгөн. Борбордук банк монетардык алтындын корун 150 тоннага көбөйтүп, 2270, 56 тоннага чейин жогорулаткан (73 миллион унция).

Көбүн сатып жиберишти

Америкалык карыздан Россия гана кутулуп жаткан жери жок. Кошмо Штаттардын Каржы министрлигинин статистикасына таянсак, март айында чет элдик – жеке жактар да, мамлекеттик да инвесторлордун оолакташы болуп көрбөгөндөй санда болгон. Бир ай ичинде трежеристин чет элдик ээлери аларды 256 миллиард долларга сатып жиберип, жалпы портфелди 6,81 триллион долларга кыскартышты.

Америкалык экономиканын ири насыякорлору болгон 33 өлкөнүн ичинен Япония (3,4 миллиард долларга), Швейцария (1,3), Тайвань (4,1), Филиппин (1,3) жана Австралия гана (1,8) салымын көбөйткөн. АКШнын казыналык облигацияларын өнүгүп келе жаткан өлкөлөрдүн борбордук банктары кызуу сатышкан. Коронавирус каатчылыгынан улам өлкөлөр куну ылдыйлаган улуттук валюталарын колдоп туруу үчүн ушундай кадамга барышкан.

Россия банкы да бюджеттин мунай-газ кирешесинин ылдыйлашын жана Urals белгиленген баасынын төмөндөшүн жайгаруу максатында март айынан бери Москва биржасында 6,6 миллиард доллар саткан. Статистикага көз салсак, биринчи кезекте Борбордук банк кыска мөөнөттүү америкалык облигациялардан арылган, аларга салымы 17 эседен да төмөндөгөн.

Эң көп саткандардын бири — Сауд Аравиясы. Бул королдук 25,3 миллиард долларга трежеристен кутулду. Бразилия жана Индияда мындай көрсөткүч азыраак, тактасак, 21,5 жана 21 миллиардды түздү.

Мындай жагдай Вашингтонго жакшылык алып келбейт, анткени АКШнын бир жарым триллиондук бюджеттик таңсыктыгы негизинен мамлекеттик облигацияларды сатуу менен толукталат. Америкалык карызды сатуу рекорддук деңгээлде жана күтүүсүз болгонун айтышат талдоочулар. Мурдагы каатчылыктарда, маселен, 2008-жылы трежериске болгон талап тескерисинче өсүп кетер эле.

"Америкалык бонддордо бир катар өлкөлөрдүн инвестициялары тоңдурулуп калган жагдайга (мүмкүн эместей, бирок болжолдуу сценарий боюнча дейли), ага ылайык резервдик валюта катары доллардын макамына урулчу катуу соккуга Россия Банкы даярбы? Албетте, даяр. Мындай учурда бирден-бир актив же карманар "тал" – алтын гана болот”, - деген пикирде "Альпарин" маалымат аналитикалык борборунун жетекчиси Александр Разуваев.

Ашыкча көлөм зыян тарттырбайбы?

Чет элдик инвесторлордун кетишинен тарткан зыянды жана бюджеттин таңсыктыгын жоюу үчүн Федералдык резерв акча басуу станогун толук кубаттуулукта ишке киргизди. Жөнгө салуучу кагазды чексиз көлөмдө сатып алуу туурасында жарыялады. Эки ай ичинде эле балансты 2,9 триллион долларга жогорулатты.

Экономикага масштабдуу түрдө акча киргизүү америкалык валютага кандай таасир этери али күнчө түшүнүксүз. Федералдык резервдин антикризистик чаралары үчүн эч кандай камсыздалбаган долларларды басып чыгарып, эч кандай баалуу актив албастан, өз милдеттенмелерин гана жогорулатуу менен берип жатат. Федералдык резервдик системанын балансы 6,42 триллион долларга чейин өстү. Бул каатчылыкка чейинки америкалык ИДПнын дээрлик 30 пайызына барабар.

Ири банктардын эсеби боюнча, 2020-жылы АКШ бюджетинин таңсыктыгы төрт триллионго чейин жетет. Бул Экинчи дүйнөлүк согуш маалынан берки эң жогорку көлөмдөгү таңсыктык болуп саналат. Ал эми Федералдык резервдик системанын балансы коронавирус каатчылыгы аяктаганда он триллионду чапчыйт деп жоромолдоодо талдоочулар. Бул каражаттардын баары маңызында басуу станогунун ишинин жыйынтыгы (кесепети), инвесторлор эч кандай камсыздалбаган валютадан оолак болушат.

300
Белгилер:
экономика, бюджет, акча, резерв, облигация, Россия, АКШ
Тема боюнча
Коронакризис Кытай — АКШ — Россия үчтүгүн түптөйт. Жаңы дүйнөнүн жаралышы
АКШнын Кытайга карата кытмыр планы: пандемиядан улам ачылган көшөгөлөр
Канаданын премьер-министри Жастин Трюдо

Флойд толкуну: Канаданын премьери Жастин Трюдо да тизелеген видео

6
Канаданын премьер-министри Жастин Трюдо Оттавада нааразылыкка чыккандардын маркум Жорж Флойдду тизелеп туруп эскерүү талабын аткарды.

БИШКЕК, 6-июн. — Sputnik. Ал видео RT телеканалынын Телеграм-каналына жарыяланды. 

Флойддун өлүмүнөн кийин чыккан толкундоо Канадага да жеткен. Оттавада парламенттин имаратынын алдына демонстранттар чыккан. Мурда полиция кызматкерлери тизелеген сыяктуу эле өкмөт башчы да алардын айтканын аткаргандан кийин жүрүшүн андан ары улашкан. Чогулгандар "Black lives matter!" деп кыйкырганда Трюдо башын ийкеген.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

6
Белгилер:
раса, Жорж Флойд, Жастин Трюдо, АКШ
Тема боюнча
АКШдагы толкундоолор: Ак үй нааразы болгондордон темир тор менен коргонду
Швецияны АКШдагы нааразылыктын толкуну каптады
АКШнын алдан тайышы: балдар полициядан коркуп жана жек көрүүнү үйрөнүп жатышат
Жаңы универсалдык модулдуу Т-15 Армата. Архивдик сүрөт

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

16
(жаңыланган 17:31 06.06.2020)
Россия курал-жаракты иштеп чыгуу жана өндүрүү тармагында алдынкы сапта. "Армата" платформасынын базасындагы жөө аскерлердин оор машинасы (БМП) – технологиялык сапаттуу секирик.

Жаңы аскердик көлүккө дүйнөлүк курал рыногунда суроо-талап артары турулуу иш.

Москвада 24-июнда өтө турган Жеңиш парадына аскердик техниканын алдынкы үлгүлөрүнүн катарында аралыктан башкарылуучу "Кинжал" жаңы универсалдык модулдуу Т-15 "Армата" дагы катышат (14 чакырымдан ашуун аралыктан душманды жок кылат, 57 мм. куралдын ок атуу ыкчамдыгы – мүнөтүнө 80 жолу ок чыгарат). Ушул тапта бул – планетадагы эң кубаттуу жана сооттолгон жөө аскерлердин кубаттуу куралы экенин белгилейт аскерий серепчи Александр Хроленко.

Чынжырлуу платформадагы "Армата" жөө аскерлерди жеткирүү жана алдынкы крайдагы күчтөрдү ок атуу менен колдоону киргизүүгө багытталган. Курал-жарак, маневрдүүлүгү жана коргоо тутуму жөө аскердин кубаттуу көлүгү Т-15тин танк менен бир катарда от чачууга мүмкүндүк берет. Ошону менен катар пехоталык аскердик оор машинасынын жасалышы өзүнөн мурун чыккан Т-14 танкынан айырмаланат.

Кыймылдаткычы маңдай жагында, ортосунда башкаруучу, артында десанттык бөлүгү жайгашкан. Курал-жарак жана ок-дары аралыктан башкарылчу таптакыр киши отурбаган мунарасында орнотулган.

Анын ички жана кыймыл тутумунун уюштурулушу экипажга жана десантка үч сутка аралыгында машинанын ичинен чыкпай коюлган милдеттерин аткарууга жол берет. Машина экипаждын үч мүчөсү менен башкарылат, десанттык бөлүмүнө жабдылган тогуз мотоаткыч батат.

12 аскер үчүн коопсуздук жана жетишерлик ыңгайлуулугу, курал-жарак жана ага ок-дарынын кыйла көп болушу аталган техниканын заңкайган габаритин жана салмагын аныктаган (узундугу – 9,5 м, туурасы – 4,8 м, бийиктиги – 3,5 м, салмагы – 55 тонна).

Кубаттуулугу 1500 а.к. болгон 2В-12-3А дизелдик кыймылдаткыч менен жабдылган бул кат-кат сооттолгон "дулдул" 5 метр тереңдиктеги суу тоскоолдуктарын жиреп өтө алат. Өңгүл-дөңгүл жерлерде ылдамдыкты саатына 50 чакырымга, шосседе саатына 75 чакырымга чейин зыпылдайт. Жүрүш камы – 500 чакырым.

Россия армиясына Т-15 "Армата" абдан зарыл эле. Жаңы аскердик машина мотоаткычтык бөлүктөрдүн техникалык жабдылышын сапаттуу түрдө жакшыртууга жана согуш талаасында сооттолгон техниканы пайдалануунун жаңы концепцияларын киргизүүгө кепилдик берет.

Бирдиктүү "Армата" платформасындагы Т-14 БМП жана Т-15 танкы аталган өлкөнүн куралдуу күчтөрүнө удаалаш берилет. Себеби эки машина тең согуштук аракеттерди интеграцияда жүргүзүү үчүн иштелип чыккан.

Жогорку деңгээлде корголот

Дүйнөдөгү жөө аскердик машиналардын баары душмандын танктарга каршы коргонуу каражаттарынын огунан соо калбашы мүмкүн. Бирок БМП Т-15ке бул мүнөздүү эмес. Жогорку деңгээлдеги корголушу – "Арматалардын" эң негизги сапаты.

Т-15тин конструкциясынын маанилүү өзгөчөлүгү – курал комплекти жана мотордук-трансмиссиялык бөлүгүнөн обочо жайгашкан бронекапсуласы (мында командир, механик-айдоочу жана оператор отурат) жана экипаж менен десантты фугастын (жер алдына көмүлгөн дүрмөт) жарылышынан сактаган корпустун минага каршы конструкциясы. Т-15 көлүгүнүн танкка каршы кыйратуучу каражаттардан эшелондоштурулган, көп деңгээлдүү коргонуу тутуму да көңүл бурдурбай койбойт.

Нурланууну (душмандын лазердик көрсөткүчү жана алыстыкты ченегичи аркылуу) табуунун оптикалык-электрондук басуу комплекси жана датчик тутуму тыгыз аэрозолдук көшөгө үчүн түтөтмө гранаталарды автоматтык түрдө атууга мүмкүндүк берет. Негизги ишти "Афганит" активдүү коргоонун ракурстук комплекси аткарат. Бул – ага карай учурулган душмандын танкка каршы ракеталарын таап, атып түшүрүүчү (көлүктүн корпусуна тийбеген) автоматташтырылган тутум.

"Афганит" душмандын ракетасы учурулган районду кайра сокку уруу үчүн аныктай алат. Жөнгө салуучу антенналык торчолору техникага жакын бардык кыймылды сезе алат. Жакын аралыкка толук көз салуу экипаждын дисплейине чагылдыра турган видеокамералар аркылуу да жүргүзүлөт.

Эгер душмандын снаряддары баары бир "Афганиттин" коргоо чегинен өтүп кетсе, анда "Малахит" динамикалык коргоо комплекси аракетке кирет. Эки система тең БМП Т-15ке коргонуунун ынанымдуу чегин камсыз кылат. Бирок соккуга композит жана болоттон жасалган негизги сооттолгон корпусу да туруштук бере алат. Материалдардын айкалышы 1200 мм. калыңдыктагы кадимки сооттолгон плитанын бышыктык эквивалентине жетүүгө шарт түзөт. Мындан тышкары, машина душмандын спутник навигациясы жана радиосигналдарын басаңдаткан, дүрмөт жана ракеталарын нугунан тайдыра алчу радиоэлектрондук күрөш каражаттарына ээлик кылат. Түбүндөгү минага каршы коргонуусу күчтүү фугастын сокку толкунун да токтото алат. БМПнын күч орнотмосунун маңдайында жайгашышы экипаж менен десант үчүн кошумча коргойт.

Коргонуу даражасы боюнча дүйнөдө ага тең келген аналогу жок. Т-15 жөө аскердик машинасы бардык жакынкы атаандаштарын артта калтырат, анын ичинде немистердин "Пумасын" (Schützenpanzer Puma) да караандатпайт. Бул көлүк азыр Бундесвердеги "Мардер" (Marder) техникасынын ордун басууда.

Айрым гана параметрлери боюнча Т-15ке израилдик Namer бронетранспортеру атаандаша алат. Т-15тин мүнөздөмөлөрүнүн баары кеңири коомчулукка белгилүү эмес. "Армата" – Россиянын Коргоо министрлигинин эң жашыруун долбоорлорунун бири.

Кыйраткыч күч

Жергиликтүү жаңжалдардагы (шаар ичиндеги кармаштарда) жаңы тактика жөө аскердик көлүктөрдү дагы бышык кылууну талап кылды. Россиялык жаңы мындай техника танктык калканчка ээ, кургакта ишенимдүү коргонууну, дээрлик кандай душман болсо да салгылашуусун камсыз кылат. Күчтүү, жакшы сооттолгон жана куралданган көлүк жөө аскерлерди алдыңкы аймакка тез жеткирип, нык ок жаадыра алат. Душмандын атуучу куралдар турган жерлерин басат, бекемделген коргоо чебин жиреп өтө алат. Т-15 милдеттерин талаа жана калаа шартында ийгиликтүү аткара алат.

Т-15 негизги куралы – 57 мм сай автоматтык замбирек жана "Атака Т" танкка каршы ракеталык комплекси менен "Кинжал" аскердик модулу. Киши отурбаган аскердик модуль айланып жүрүүчү дистанциялык-башкаруучу тутум түрүндө аткарылган.

Күчтүү тез атар 57 мм курал калканчты тешип өтүүчү жана майдаланма-фугастык дүрмөттөр менен жердеги жана абадагы буталарын 14500 метр аралыктан жок кылат.

Танкка каршы 9М120 "Атака" тескелүүчү ракеталар 10 чакырым аралыктан сооттолгон буталарга пайдаланылат (активдүү коргонуу комплекстери). Душмандын аскер күчтөрү менен күрөштө кошумча каражат – 7,62 мм пулемет ПКТМ. Автоматташтырылган системасы активдүү жана пассивдүү режимде буталарды оптикалык локатор менен издейт жана коштой алат. Мисалга, жашынган көзгө атарларды таап, изине түшүп, эки бутаны бир убакта атат. Белгилей кетсек, НАТО өлкөлөрүнүн пехоталык аскердик машиналарынан айырмалана Т-15 аскердик модулдары телевизиондук жана инфракызыл оптикалык жабдуу менен учуучу аппараттарды пассивдүү кармоо менен жакынкы салгылашта абадан коргонуу режиминде да иштейт.

БМП Т-15 куралы жердеги буталардын дээрлик бардыгын (анын ичинде танктардын) кыйратып, чабуулчуларды, Apache тибиндеги танкка каршы тик учактарды, MQ-1 Predator үлгүсүндөгү сокку уруучу пилотсуз учактарды атып түшүрө алат. Радиолокациялык станциясы, датчиктердин өнүккөн тутуму жана куралдын кош тегиздиктүү стабилизатору бар. Башкаруунун компьютерлештирилген системасында көп функционалдуу эки кароол камтылат: бири мээлөөчүгө, экинчиси машинанын командирине ылайыкталган.

Курал-жаракты куруунун модулдук принциптери татикалык фонго жараша аскердик комплектациянын варианттарын өзгөртүүгө мүмкүндүк берет. Т-15тин азыркы конфигурацияларынын бир нечеси жаңы модулдар менен толукталышы ыктымал.

Аскердик интеграция

Тактикалык звеносунун бирдиктүү тутумунда Т-15 башка машиналарга табылган буталар боюнча маалыматтарды берип, жок кылууга бута көрсөткүчтөрүн кабыл алууга жөндөмдүү. Бул күчтөрдүн уюштурулушунун сапаттуу жаңы деңгээли. Т-15 өзөктүк же массалык кыйратуучу куралдардын башка түрлөрү колдонулган шарттарда да кандай гана душманга каршы болбосун, согуштук аракеттерди жүргүзүүгө багытталган.

БМП Т-15 аскердик маалыматтык-тескөөчү тутуму мурунку муундагы пехоталык машиналарга салыштырмалуу бул көлүктүн командалык башкарылышынын жогорку деңгээлин камсыз кылат. Бул пехоталык машинанын экипажына көлүктүн техникалык абалы жөнүндөгү толук маалыматтарды жиберип, түздөн-түз коюлган аскердик милдетти аткарууга ыкылас коюуга мүмкүндүк берет. Машинаны түзүүчүлөр Т-15 бортунда чалгындоо жана оперативдик жагдайды баалоо үчүн учкучсуз аппарат да болорун айтышкан. Эски БМП-1 жана БМП-2 согуш талаасында танк бөлүмүн колдоо жана коргоо каражаттары катары чыгарылган. Жогорку ылдамдыгы жана салмагынын аздыгы машиналардын бурулушун жеңилдеткен. Бирок, чабал калканчы бышык кыла албаган. Тактикалык-техникалык мүнөздөмөлөрү боюнча БМП Т-15 бардык аналогдорунан озуп чыгат. Мындан тышкары, Т-14 негизги аскердик танкы жана Т-15 бирдей күч блокторуна жана гидромеханикалык трансмиссияга ээ. Ушундай унификация Россияда биринчи ирет колдонулуп, аскердик машиналарды техникалык тейлөөнү өтө жөнөкөйлөштүрөт.

Тегин жерден бул Т-15 индиялык аскер жетекчилерге да жакпагандыр. Ал гана эмес, жөө аскердик жаңы машиналарды сатып алууну Ирак, Кувейт, Таиланд жана Пакистандын армиясы да ойлонууда.

Россия курал-жарак рыногундагы бул орунда БМП M2 Bradley көлүгүн ондогон өлкөлөргө сатып жаткан америкалыктар менен да атаандаша алат. Россиялык жана чет элдик аскер серепчилеринин пикиринде, Т-15 дагы бир топ жыл чет элдик конструктордук бюролордо окшоштуруп жасоого үлгү болору турулуу иш.

16
Белгилер:
сатуу, серепчи, мүнөздөмө, курал-жарак, платформа, Россия
Тема боюнча
Россиялык "Циркон" Дүйнөлүк океандагы нукту өзгөртөт. Ага каршы курал жок
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Талант Турдуматов

Турдуматов: аңчылыкка тыюу салынса браконьерчилик күчөп кетиши ыктымал

0
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Талант Турдуматов аңчылыктын айрым түрлөрүнө мораторий киргизүү боюнча мыйзам долбоору бул багыттагы мурдагы укуктук документтерди кайталап жатканын айтты.
Турдуматов: аңчылыкка тыюу салынса браконьерчилик күчөп кетиши ыктымал

Аңчылыкка тыюу салуудан мурда егерлердин штатын чечүү керек. Ал үчүн 500 миллион сом каражат керектелет. Ансыз браконьерчилик күчөп кетүүсү ыктымал. Бул тууралуу Талант Турдуматов Sputnik Кыргызстан радиосуна маек куруп жатып билдирди.

Анын айтымында, 2017-жылдагы өкмөттүн токтомунда жаныбарлардын айрым түрлөрүнө 2026-жылга чейин аңчылык кылууга тыюу салынган.

"Аңчылыкка убактылуу тыюу салуу боюнча мыйзам долбоору 2015-жылдан бери төртүнчү жолу каралып жатат. Бул жолкусунда да эч кандай өзгөрүүсүз эле сунуштап жатышыптыр. Анткени көп жылдан бери аңчылык кылууга тыюу салынган жаныбарлардын тизмесине маралды кошуп келишет. Ал эми бул жаныбарды атууга буга чейин эле тыюу салынган. Өлкөдө мергенчиликке уруксат берилген аянт 15 миллион гектар болсо, анын алты миллиону өкмөттүн карамагында. Ал жерде 2016-жылдан баштап аңчылык толугу менен токтотулган. Ал эми калган аймактарды атайын ушул багытта иш алып барган фирмалар карайт. Алардын 160-170тей мергенчиси өзүнө таандык аянтты коруп, көзөмөлгө алышат. Эгерде мыйзам долбоору өтүп кетсе, жеке менчик фирмалар көзөмөл кылган жерлер каралбай калат. Себеби өкмөт көзөмөл кылган 6 миллион гектар аянтта 43 егер иш алып барат. Ошондуктан мораторий киргизиштен мурда 160 адистин штатын чечүү зарыл. Ал үчүн 500 миллион сом керектелет. Эгерде мындай болбосо, браконьерчилик көбөйүп кетүүсү ыктымал", — деди Турдуматов.

Ошондой эле ал бардык жаныбарларды атууга тыюу салууга да болбой турганын белгилеп, себеби жаныбарлар арасында ар кандай ылаң жайылганда кооптуу жагдай жарала турганын кошумчалады.

Белгилей кетсек, 29-майда "Кыргыз Республикасында жаныбарлардын айрым түрлөрүнө аңчылык кылууга убактылуу тыюу салуу жөнүндө" Кыргыз Республикасынын мыйзам долбоору коомдук талкууга коюлган. Анда 2026-жылдын 31-декабрына чейин бир катар жаныбарларга аңчылык кылууга убактылуу тыюу салуу каралган.

0
Белгилер:
аңчылык, жаныбарлар, мораторий
Тема боюнча
Кадыров: жаныбарларды атууга тыюу салган мыйзам долбоорунун терс жактары көп