Илимпоздор лабораторияда коронавирусту текшерүү үчүн алынган үлгүлөр менен иштеп жатышат. Архив

Арабдар коронавирусту көз ирмемде аныктай турган технология иштеп чыкты

327
Жаңы ойлоп табылган каражат коронавирус менен күрөшүүдө адам баласына бир топ артыкчылыктарды бермекчи.

БИШКЕК, 21-май — Sputnik. Бириккен Араб Эмирлигиндеги QuantLase Imaging Lab лабораториясы коронавирусту лазер менен өтө тез аныктай турган технология ойлоп тапты. Бул тууралуу РИА Новости жазды.

Лазер вирусту канга жаңы эле жуккан учурдан тарта аныктай алат. Кызыгы, жабдуу бир гана киши эмес, массалык түрдө текшере алары, жыйынтыгы бир нече секунддун ичинде даяр болору айтылууда. Бирок лазер кантип иштээри жазылган эмес.

"Бул аппарат жакынкы айларда сатыкка чыгат. Жакшы жери анын баасы анча кымбат болбойт. Дагы бир артыкчылыгы — аны медициналык мекемелерге гана эмес, кишилер массалык чогула турган көптөгөн жайларда да колдонсо болот", — деди лаборатория кызматкери Прамод Кумар.

Адистин айтымында, жаңы ойлоп табылган каражат коронавирус менен күрөшүүдө адам баласына бир топ артыкчылыктарды бермекчи.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 20-майга карата дүйнө жүзү боюнча коронавирус жуктургандардын саны 4 918 938ге жетти.

327
Белгилер:
лазер, лаборатория, коронавирус, Бириккен Араб Эмирлиги
Тема:
Дүйнөгө жайылган коронавирус (1115)
Тема боюнча
Кандай адамдар коронавируска тез кабылбайт? Окумуштуулардын пикири
Ниццада куралдуу кол салуу

Ниццадагы трагедия: чиркөөдө мууздалгандар, араб парламентинин чакырыгы

82
(жаңыланган 12:07 30.10.2020)
Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алды.

БИШКЕК, 30-окт. — Sputnik. Франциянын антитеррордук прокуратурасынын башчысы Жан-Франсуа Рикар Ниццада куралдуу кол салуу жасап, үч адамдын өмүрүн алган киши тунистик жаран экендигин билдирди. Бул туурасында РИА Новости жазды.

Буга чейин ЖМКлар анын Францияга октябрдын башында келгенин айтышкан.

Прокуратура башчысы террорчунун жанынан 1999-жылы туулган деген жана анын атына жазылган Италиянын Кызыл Ай уюмунун документин табышканын белгиледи.

"Биздеги маалыматтарга караганда, Лампедуза аралына Италия аркылуу 20-сентябрда кирип, 9-октябрда Парижде болуп калган", — деди  маалымат жыйында.

Учурда тергөө иштери жүрүп жаткандыгы, анын маршруту жана шериктери болгон же болбогондугу такталып жаткандыгы айтылды. Прокурордун маалыматына караганда, террорчу буга чейин шектүү катары алардын көзүнө түшкөн эмес.

Лондондо киши элге бычак менен кол салды. Видео

Ниццадагы кол салуу

Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алган.

Бир катар ЖМКлар кол салган киши экөөнүн башын кесип салганын жазды.

Ницца мэри ал кол салып жатканда "Аллах акбар" деп бир нече ирет кайталап тургандыгын айтып берген. Террорчу жарадар болуп, андан соң кармалган. Полиция аны дарылоо үчүн ооруканага жеткирген.

Франция президенти Эммануэль Макрон бул трагедияны теракт деп атады.

Окуядан кийин террорчулукка каршы пландан кийин Vigipirate операциясы Франциянын бардык аймагы боюнча иштеп баштады.

Лондондо мечиттин жанындагы адамдарды жүк ташуучу унаа тебелеп кетти

Окуя боюнча бир-эки сап менен маалыматтар:

— Чиркөөдөгү өлтүрүүдөн кийин Авиньон аймагында полицияга бычак менен кол салуу катталган, бирок ал теракт деп эсептелген эмес;

— Нотр-Дамда өлгөн үч адамдын бири — чиркөө күзөтчүсү, экинчиси — Бразилиядан келген 44 жаштагы үч балалуу аял, үчүнчүсү 60 жаштагы аял экени айтылды;

— Кол салган кишинин баштыгынан колдоно элек 30 сантиметрлик эки бычак, Куран, мобилдик эки телефон табылган;

— Франциянын премьер-министри Жан Кастекс өкмөттүн жообу катуу жана аеосуз болорун айтты;

— Франциянын да жараны болуп эсептелген теле алып баруучу Владимир Познер катуу чараларды көрүп, Ниццадагы терактыдан кийин Франциядан мигранттарды чыгарып салууну сунуштады;

— Ниццанын имамы Абделькадер Садуни чиркөөгө кол салган кандай гана киши болбосун, ал канкор жана варвар болуп кала берерин айтты;

— Ал арада араб парламенти эл аралык коомчулукту, БУУну Мухаммед пайгамбарды жана мусулмандарды мазактагандарды кылмыш жоопкерчилигине тартуу тартибин киргизүүгө чакырды;

— Ниццадагы окуя боюнча Тунис прокуратурасы да иликтөө баштаган. Ал чын эле Ибрагим бен Мухаммед Салих аль-Исауи аттуу Тунис жараны болуп чыккан. Ал буга чейин Тунистин түндүгүндөгү Кайруан провинциясынын Бу-Хаджла деп аталган шаарында жашап турган

82
Белгилер:
чиркөө, өлүм, теракт, бычактоо, кол салуу, Ницца, Франция
Тема боюнча
Москвадагы теракт: ФСБнын кызматкери каза таап, 5 киши жабыркады
Жарылуудан улам бир мамлекет жарыксыз калды. Теракт болгону айтылууда
Беларусь президенти Александр Лукашенко. Архивдик сүрөт

Лукашенко Кыргызстандагыдай элдик кошуундарды түзүүнү сунуштады

110
(жаңыланган 12:00 30.10.2020)
Беларусь лидеринин айтымында, Кыргызстандагы саясий окуяларда элдик кошуундар коомдук тартипти камсыздап, күч түзүмдөрү менен бир муштум болуп иштеди.

БИШКЕК, 30-окт. — Sputnik. Беларусь президенти Александр Лукашенко Кыргызстандагыдай кылып элдик кошуун түзүүнү сунуштады. Бул тууралуу Sputnik Беларусь агенттиги жазды.

Мамлекет башчы шаар ичинде милиция кызматкерлерине тартипти сактоого көмөктөшкөн ыктыярдуу элдик кошуундарды түзүү тууралуу ИИМдеги жаңы кадрдык дайындоолор маалында билдирди. Тагыраагы, Юрий Караев мекеме башчылыгынан кетип, ордуна Иван Кубраков келген.

Бийлик кантип алмашты? Соңку окуялардагы урунттуу учурлар

"Бизде элдик кошуундар жапа тырмак ишке кирише элек. Кыргызстанда эмне болгонун көрдүңөрбү. Башаламандыкта күч түзүмдөрүнүн кызматкерлери качып кеткенде өлкөнү коргоо жоопкерчилигин ким алды? Элдик кошуундар. Алар качып кеткен милиционер, аскер, атайын кызматтагыларды кошуп алып, күчтүү элдик кошуунду түзүштү. Анан бир сутканын ичинде эле өрткө суу сээп коюшту", — деген Лукашенко.

Өлкө башчысы мобилдик отрядга мурдагы аскер кызматкерлерин, анын ичинен "афганчыларды" тартууну айткан.

110
Белгилер:
элдик кошуун, Александр Лукашенко, Кыргызстан, Беларусь
Тема:
Беларустагы нааразылык акциялары
Тема боюнча
Беларусь түстүү революцияны жок кылабы? Саресеп
Евробиримдик жана АКШ: Беларусь менен көйгөйлөрүн Польша өзү чечип алсын
Айыл чарба, тамак-аш өнөр жайы жана мелиорация министри Тилек Токтогазиев Sputnik Кыргызстан агенттигинде өткөн онлайн маалымат жыйында

Токтогазиев: текшерип жатабыз, эптеп эле иштеп жүргөндөр кызматтан алынат

0
(жаңыланган 13:28 30.10.2020)
Айыл чарба министрлигинде ушуга чейин элементардык электрондук документтештирүү системасы киргизилген эмес.

БИШКЕК, 30-окт. — Sputnik. Айыл чарба, тамак-аш өнөр жайы жана мелиорация министрлигинин кызматкерлерин текшерип жатабыз, натыйжасы жок иштеп жүргөндөр аныкталса жумуштан алынат. Бул туурасында министр Тилек Токтогазиев Sputnik Кыргызстан агенттигинде өткөн онлайн маалымат жыйында билдирди.

Анын айтымында, ушуга чейин министрликте элементардык электрондук документтештирүү системасы киргизилген эмес. Азыркы тапта санариптештирүү жана экспортко чыга турган товарлардын документтерин тез арада бүтүрүү боюнча аракеттер башталды.

"Бизде өз ишин мыкты билген адистер жетиштүү, ошол эле учурда эптеп эле иштеп жүргөндөр да бар. Андыктан учурда аудит жүргүзүп, ким эмне менен алектенип жатканын аныктап жатабыз. Жыйынтыгына жараша кадрдык чечимдер кабыл алынат. Жөн гана иштен кетирип салуу болбойт, эгер өз ишинин адиси болсо, аны менен иштешүүнү улантабыз. Мисалы, райондук агрардык башкармалыктар ишкерлер менен фермердин ортосуна көпүрө болуп, айыл чарба азыктарын сатууга шарт түзгөн менеджер болушу керек. Учурда алардын активдүүлүгү жетишпей жатат", — деди Токтогазиев.

Тилек Токтогазиев Айыл чарба министрлигиндеги көйгөйлөрдү ачыктады

Мындан сырткары, министр бир жарым жыл мурда министрликтин штаты 5000ден ашуун болгонун, бирок мурдагы жетекчилик позициясын коргой албай эки-үч бөлүккө бөлүнүп кеткенин белгиледи. Мындан улам 4000ден ашуун кызматкер Суу чарба агенттигине кеткен, Фитосанитардык, ветеринардык инспекциялар, алкоголдук продукцияларды көзөмөлдөө Айыл чарба министрлигине карабай калган.

Бүгүнкү күндө министрлик көбүнчө айыл чарба тармагын өнүктүрүү саясатын аныктап калганын айтат. Жалпы штаты 888 кызматкерден турса, анын 97си борбордук аппаратта иштейт.

0
Белгилер:
текшерүү, кызматкер, Тилек Токтогазиев, айыл чарба
Тема боюнча
БУУнун Азык-түлүк уюму Айыл чарба министрлигиндеги өзгөрүүлөрдү колдоого даяр
Тилек Токтогазиев жыйын өткөрүп, министрликтеги ишин эмнеден баштаарын айтты