РФ ТИМинин расмий өкүлү Мария Захарова. Архивдик сүрөт

Оңдолгус ката! АКШдагы митингге тиешеси бар деп айыпталган Россия жооп берди

514
(жаңыланган 20:08 01.06.2020)
Захарова Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

БИШКЕК, 1-июн. — Sputnik. АКШдагы башаламандыкка Россиянын тиешеси бар деп айыптоо маалыматтык манипуляциянын ыплас ыкмасы. Бул тууралуу РФ ТИМинин расмий өкүлү Мария Захарова билдиргенин Sputnik радиосу кабарлады.

Эскерте кетсек, ушу тапта АКШнын бир нече штатында массалык митингдер өтүп жатат. Башаламандык афроамерикалык Жорж Флойддун полиция кызматкеринин колунан ажал тапканынан кийин башталган. 40тан ашуун ири шаар акциялардан улам коменданттык саат киргизүүгө аргасыз болду.

Ал эми АКШ президентинин улуттук коопсуздук боюнча экс-кеңешчиси Сьюзан Райс өлкө аймагында болуп жаткан митингдердин жана андагы талап-тоноочулук менен зомбулуктун артында Россия турушу мүмкүн деп айткан. Бирок сөзүнө эч кандай жүйө келтирбей, жеке тажрыйбасына таянып жатканын кошумчалаган.

"Райс айым! Өз убагында Сиздин партиялаштарыңыз силерге жакпаган нерсенин баарына Россияны күнөөлөй берүү стратегиясын ойлоп таап, олуттуу ката кетиришкен. Хилари Клинтон жана Барак Обаманын жалпы командасы АКШнын ички көйгөйү "сырткы" күчтөр, тагыраагы, Россиянын кийлигишүүсү менен курчуп жатат деп, буга өздөрү да бекем ишенип алышкан. Сиздер да бүгүн CNN журналисттери менен бирге жүйөсүз жалган маалыматтарды таратып ушул катаны кайталап жатасыздар. CNN каналына берген маегиңиздин өзү пропаганда", — деди Захарова Facebook баракчасынан.

Ал Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

Буга чейин АКШ президенти Дональд Трамп кырдаалды жөнгө салуу үчүн Улуттук гвардияны тартуу керектигин айткан.

514
Белгилер:
айып, митинг, өлүм, полиция, башаламандык, АКШ, ТИМ, Россия, Мария Захарова
Тема:
АКШда афроамерикалыктын өлүмүнөн кийинки башаламандык (44)
Тема боюнча
ЖМК: АКШдагы башаламандыкта 4 миңдей киши кармалды
Жабырланган журналист. РФ элчилиги АКШнын мамдепартаментине нота кетирди
Меккеге барган зыяратчылар. Архивдик сүрөт

Меккеге барган зыяратчыларга Кааба ташына колун тийгизүүгө тыюу салынды

68
(жаңыланган 09:57 08.07.2020)
Мурда ажылык сапарга барган зыяратчылар Кааба ташын жети жолу айланып, аны кармап жана өөп өтүшчү.

БИШКЕК, 8-июл. — Sputnik. Сауд Аравия бийлиги коронавирус кооптуулугунан улам Меккеге зыярат кылууга баргандарды ыйык Кааба ташына колун тийгизүүгө тыюу салды. Бул туурасында РИА Новости өлкөнүн Ажылык жана умра иштери боюнча министрлигине таянуу менен "Аш-Шарк аль-Аусат" гезити жазганын билдирди. 

Бул жылы ажылык сапарга баруу 28-июлдан 2-августка чейин болору айтылган.

"Каабага колун тийгизүүгө жана аны өбүүгө тыюу салынат. Ыйык ташка жакындабаш үчүн тегерек чети тосулат", — деп билдирген министрлик.

Белгилей кетсек, зыяратчылар Кааба ташын жети жолу айланып, аны кармоого жана өөп калууга аракет кылышат.

Ошто мечиттер жабылып, базарлар бир жумада эки күн тазаланат. Жаңы эрежелер

Мындан сырткары, 50 адамдан ашпаган гана зыяратчы киргизилип, алар дагы бет кап тагынып, 1,5 метрлик аралыкты сактап жрүшү керек. Ыйык Замзам булагынан чыккан суу бир жолу колдонуучу идиштерге гана куюп берилмекчи.

Буга чейин жергиликтүү бийлик Мекке жана Медина шаарларына ажылык сапарга келген чет элдик жарандарды кабыл алуудан баш тарткан. Быйыл өлкө ичиндеги мусулмандар гана сыйына алышат.

Учурда Сауд Аравиясында 217 миңден ашуун адам COVID-19га кабылып, Араб өлкөлөрүнүн ичинен биринчи орунда. Оорунун кесепетинен 2 017 адам каза болуп, 154 миң киши айыгып чыкты.

68
Белгилер:
тыюу салуу, Ажылык, зыяратчы, Сауд Аравиясы
Тема:
Дүйнөгө жайылган коронавирус
Тема боюнча
Жалал-Абад мэриясы жума намазга, той-аштарга чектөө киргизди
Коронавирустан улам быйыл Меккеге ажылыкка барууга тыюу салынды

Кытай: автобус сууга кирип кетип, 21 окуучу каза тапты. Трагедиянын видеосу

413
(жаңыланган 09:04 08.07.2020)
Ичинде бир топ жүргүнчүсү бар автобус жол боюндагы бетон тосмолорду талкалап өтүп, сууга кирип кеткен.

Кытайдын түштүк-батыш тарабындагы Гуйчжоу провинциясында окуучулар түшкөн автобус суу сактагычка түшүп кеткен. Анын ичиндеги жүргүнчүлөрдөн 21 бала каза таап, 15и жабыркаган. Трагедия кечээ чак түштө болгон.

Кытайда жер оюлуп, эл ташыган автобус түшүп кетти. Жүрөк зыркыраткан видео

Камерага түшүп калган видеодон транспорт жолдон бурулуп келе жатып жээкти көздөй түз өтүп, жол боюндагы бетондорду талкалап, сууга киргенин көрүүгө болот. Учурда тартип коргоочулар кырсыктын себебин изилдеп жатат.

413
Белгилер:
суу сактагычы, окуучу, жол кырсык, Кытай
Тема боюнча
Эки киши өрттөнүп кетти. Ысык-Көлдөгү үрөй учурган кырсыктын видеосу
Бишкектин чок ортосунда кичи автобус оодарылып кетти. Видео
Медицинский работник готовит укол на одном из дневных стационаров в Бишкеке, где оказывают помощи населению на амбулаторном уровне.

Февраль айынан бери 16 миңден ашык медицина кызматкери атайын окуудан өттү

0
COVID-19га экспресс-тестирлөө, ПЦР-изилдөө жүргүзүү, аналитика боюнча саламаттык сактоо уюмдарынын лабораториялык бөлүмдөрүнүн 326 адиси окутулган.

БИШКЕК, 8-июл. — Sputnik. Кыргызстандагы 16 миңден ашык медицина кызматкери COVID-19га каршы күрөшүү боюнча уюштурулган атайын окуудан өттү. Бул тууралуу Республикалык штабдан билдиришти.

Маалыматка ылайык, коронавирусту алдын алуу, дарылоо, диагноз чыгаруу, коопсуздук чаралары, инфекциялык көзөмөл маселелери тууралуу медицина кызматкерлери үчүн аралыктан жана көчмө курстар өткөрүлгөн.

Силерсиз ооруну жеңе албайбыз! Боронов медициналык билими барларды ишке чакырды

"Кыргыз мамлекеттик медициналык кайра даярдоо жана квалификацияны жогорулатуу институтунун базасында 5-февралдан 6-июлга чейин 16 миң 422 адис окуудан өттү. Алардын ичинен 8936 кызматкер аралыктан окутуу курстарына катышса, 7506 ак халатчан жер-жерлерде уюштурулган семинарларга барган. Окутууга катышкандардын ичинде 3038 дарыгер, 3759 медайым, 70 ординатор жана 639 кенже жана башка персоналдын адистери бар", — деп жазылган штабдын маалыматында.

COVID-19га экспресс-тестирлөө, ПЦР-изилдөө жүргүзүү, аналитика боюнча саламаттык сактоо уюмдарынын лабораториялык бөлүмдөрүнүн 326 адиси окутулду.

Өлкө аймагындагы соңку кабарлар менен биздин Telegram-каналдан таанышыңыздар.

0
Белгилер:
окутуу, дарыгер, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Облустар ооруну оздуктоого кандай даярдык көрүүдө. Ачылган стационарлар
Боронов: COVID менен күрөшкөн медиктер 72 миң сомго чейин кошумча акы алат