Миннеаполистиге Жордж Флойддун өлүмүнөн улам өткөрүлү аткан протест

АКШдагы башаламандыкка себеп болгон Флойд. Анын эмнеден өлгөнү айтылды

473
(жаңыланган 11:35 02.06.2020)
Флойд 25-май күнү ооруканадан каза болгон. Интернетте полиция кызматкерлери Флойддун колуна кишен салгандан кийин жыгып, үчөөлөп басып калган видео тараган.

БИШКЕК, 2-июн. — Sputnik. Афроамерикалык Жорж Флойд муунтуп өлтүрүлгөн. Бул тууралуу РИА Новости Миннеаполистин соттук-медициналык экспертиза жыйынтыгына таянып кабарлады. 

Ага ылайык, эксперттер укук коргоо органдарынын кызматкерлери Флойддун моюнун кысып, муунтканда жүрөгү токтоп каза болгон деген жыйынтык чыгарышкан. Бул адам өлтүрүү болуп эсептелет.

"Башында дарыгерлер Флойддун өлүмүн муунтуу менен байланыштырбай жатышкан. Кийинчерээк анын үй-бүлөсү өз алдынча сөөктү ачтырып, эксперттер кайрадан карап чыкканда Флойддун муунтуп өлтүрүлгөнү анык болгон. Ал жыйынтыкты соттук-медициналык экспертиза дагы тастыктап, өлүмдүн себебин расмий аныктады", — деп айтылат билдирүүдө.

Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойд бир нече жолу "дем ала албай жатам" деп айтып, андан кийин тынчып калганын көрүүгө болот.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародерлук күч алганын ЖМКлар жазып жатышат.

АКШ президенти Дональд Трамп башаламандыкты террорчулук деп сыпаттады.

473
Белгилер:
Жорж Флойд, нааразычылык акциясы, толкун, жаран, полиция, экспертиза, өлүм, АКШ
Тема:
АКШда афроамерикалыктын өлүмүнөн кийинки башаламандык (44)
Тема боюнча
Москванын кезектеги "жазып-тайганы". АКШ Россияны башаламандыкка айыптоодо
"Орустар болушу мүмкүн". АКШ лидерлигинин күнү бүтүп баратабы?
Дарбыз. Архив

Дарбыз сатып алууда эмнелерди эске алуу зарыл? Адистин кеңеши

10
(жаңыланган 08:49 04.08.2020)
Дарбыздын жерде жаткан тарабы ачык сары түстө болгону жакшы. Ал канчалык ачык болсо, ошончо жакшы бышканынан кабар берет.

БИШКЕК, 4-авг. — Sputnik. Дарбызды чертип тандоодо андан катуу же акырын эмес, орточо дабыш чыгышы керек. Бул тууралуу РИА Новости агенттиги жазды.

Адистердин айтымында, базар же дүкөндө толук бышкан даамдуу дарбыз алууда анын сөңгөгүнө анча маани бербөө керек. Анын ордуна өсүмдүктү чертип угуп же алдындагы ак тагына көңүл буруу зарыл.

"Дарбыздын сырткы көрүнүшү бүтүн, таза жана жаңы болушу керек. Черткенде катуу же акырын эмес, орточо дабыш чыкса жакшы. Ал эми сөңгөгүнүн куурап калганы, өсүмдүктүн толук жетилгенинен кабар бербейт. Себеби дарбыз алыс жерден алып келингендиктен, базарга жеткенче анын сөңгөгү кургап калышы мүмкүн", — деп жазылат маалыматта.

Диетолог коон менен дарбыздын зыяндуу жактарын санап берди

Ошондой эле дарбыздын жерге жаткан тарабы ачык сары түстө болушу абзел. Ал канчалык ачык болсо, ошончо жакшы боло тургандыгынан кабар берет.

Андан сырткары, диетологдор бир күндө 1,5 килограммдан ашык дарбыз жебөөнү сунуштайт. Эгер адам күн сайын андан көп жесе, дарбыздан чыккан суюктук организмдеги пайдалуу заттарды жууп кете тургандыгын белгилешет.

10
Белгилер:
кеңеш, дарбыз, адистер
Тема боюнча
Дайым жаш көрүнгүсү келгендер кайсы тамакты аз жеши керек. Адистин жообу
Диетолог коон менен дарбыздын зыяндуу жактарын санап берди
Бут шишидиби? Ысыкта туура тамактануунун жолу айтылды
Кытайдын Ухань шаарындагы медицина кызматкери. Архив

ДССУ Кытай менен коронавирустун келип чыгышын иликтөөнү макулдашты

13
(жаңыланган 08:32 04.08.2020)
Эпидемиологиялык изилдөө Ухань шаарында жүргүзүлөт. Былтыр дал ушул жерде вирус чыгып, сегиз айда дүйнөнүн булуң-бурчун каптады.

БИШКЕК, 4-авг. — Sputnik. Дүйнөлүк саламаттык сактоо уюму (ДССУ) кытай тарап менен коронавирустун пайда болушуна байланышкан эл аралык иликтөөнүн шарттарын макулдашты. Бул тууралуу РИА Новости жазып чыкты.

Маалыматка ылайык, Кытайга барган ДССУнун алдыңкы командасы вирустун келип чыгышын аныктоо боюнча биргелешкен аракеттерди баштады.

"Эл аралык уюм менен Кытай эксперттери изилдөө жүргүзүү шарттарын аныктаган документтердин долбоорун иштеп чыгышты. Бул ишти жетектөөнүн башында ДССУ турат", — деп айтылат билдирүүдө.

Эпидемиологиялык изилдөө оору биринчи жолу чыккан Ухань шаарында жүргүзүлөт.

ДССУ кайталап киргизилген карантиндик чектөөлөрдү сынга алды

Уюмдун эксперттери кытай кесиптештеринен COVID-19дун пайда болушуна байланышкан алдын ала тергөө иштеринин маалыматтарын колго алышты. Бул туурасында ДССУнун Саламаттык сактоо боюнча өзгөчө кырдаалдар программасынын директору Майкл Райан кабарлады.

Кытай бийлиги былтыр 31-декабрда ДССУга өлкөнүн борбордук бөлүгүндөгү Ухань шаарында (Хубэй провинциясы) белгисиз пневмониянын келип чыгышы жөнүндө маалымдашкан. Адистер ооруну жаңы коронавирус козгогонун аныкташып, кийинчерээк инфекция расмий түрдө COVID-19 деп аталган. 11-мартта коронавирус пандемиясы жарыялаган.

Учурда коронавирус жуктургандардын саны 18 миллиондон ашты. Каза болгондордун саны 680 миңден көбүрөөк. Сап башында АКШ, Бразилия жана Индия мамлекеттери турат.

13
Белгилер:
иликтөө, коронавирус, Кытай, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Окумуштуулар: коронавирустун иммундук реакциясы организмди алсыратат