Нью-Йорктогу нааразылык акциясынын катышуучулары. Архив

ЖМК: АКШ бийлиги өлкөдө улутчулдук бар экенин моюндады

173
(жаңыланган 10:22 03.06.2020)
АКШда афроамерикалык Жордж Флойддун өлүмүнө байланыштуу өткөн жума күнү нааразылык акциялары башталган. Акциялар дагы деле токтой элек.

БИШКЕК, 3-июн. — Sputnik. АКШнын президенти Дональд Трамптын кеңешчиси Келлиэнн Конуэй өлкөдө чындап эле системалык улутчулдук бар экенин жана бардык жарандар айрым учурда тең укуктуу болбой келерин журналисттер менен сүйлөшүп жаткан учурда айтты. Бул тууралуу РИА Новости жазды.

"Ооба, бул өлкөдө тең укуксуздук жана улутчулдук бар. Юстиция министрлиги Жордж Флойддун өлүмүнө карата иликтөө иштерин баштаганы жакшы болду, жыйынтыгын көрө жатарбыз", — деди Конуэй.

Ал ортодо Вашингтондо коменданттык саат башталганына карабай эл Ак үйдүн алдына чогулуп турат. Маалыматка караганда, Ак үйдүн чатырында куралчан болушу мүмкүн делген формачан адамдар чогулгандарга көз салууда. Ал эми митингге чыккандардын бир бөлүгү атпагыла деген ишарат көрсөтүп колун өйдө көтөрүп турса, экинчи бөлүгү Жордж Флойдун өлүмүн акыйкат иликтөөнү жана Дональд Трамптын отставкасын талап кылган плакаттарды кармап турушат.

Нью-Йорк шаарынын мэри Билл де Блазио тургундарды коменданттык саат башталганга чейин үйлөрүнө тарап кетүүсүн суранып, кайрылуу жасады. Белгилей кетсек, бул шаарда митингчилер жөн гана нааразычылык акциясына чыкпай, кечээ дүкөндөрдү тоношкон.

Эске салсак, АКШда афроамерикалык Жордж Флойддун өлүмүнө байланыштуу өткөн жума күнү нааразылык акциялары башталган. Интернетте полиция кызматкерлери Флойддун колуна кишен салгандан кийин жыгып, үчөөлөп баса калган видео тараган. Учурда төрт полиция кызматкери иштен алынып, бирөөнө "кокусунан өлүмгө дуушар кылган" деген айып тагылууда.

173
Белгилер:
митинг, Ак үй, башаламандык, Дональд Трамп, АКШ
Тема:
АКШда афроамерикалыктын өлүмүнөн кийинки башаламандык (44)
Тема боюнча
Мейвезер полициянын колунан каза тапкан Флойддун зыйнатын көтөрөт
Меккеге барган зыяратчылар. Архивдик сүрөт

Меккеге барган зыяратчыларга Кааба ташына колун тийгизүүгө тыюу салынды

18
(жаңыланган 09:57 08.07.2020)
Мурда ажылык сапарга барган зыяратчылар Кааба ташын жети жолу айланып, аны кармап жана өөп өтүшчү.

БИШКЕК, 8-июл. — Sputnik. Сауд Аравия бийлиги коронавирус кооптуулугунан улам Меккеге зыярат кылууга баргандарды ыйык Кааба ташына колун тийгизүүгө тыюу салды. Бул туурасында РИА Новости өлкөнүн Ажылык жана умра иштери боюнча министрлигине таянуу менен "Аш-Шарк аль-Аусат" гезити жазганын билдирди. 

Бул жылы ажылык сапарга баруу 28-июлдан 2-августка чейин болору айтылган.

"Каабага колун тийгизүүгө жана аны өбүүгө тыюу салынат. Ыйык ташка жакындабаш үчүн тегерек чети тосулат", — деп билдирген министрлик.

Белгилей кетсек, зыяратчылар Кааба ташын жети жолу айланып, аны кармоого жана өөп калууга аракет кылышат.

Ошто мечиттер жабылып, базарлар бир жумада эки күн тазаланат. Жаңы эрежелер

Мындан сырткары, 50 адамдан ашпаган гана зыяратчы киргизилип, алар дагы бет кап тагынып, 1,5 метрлик аралыкты сактап жрүшү керек. Ыйык Замзам булагынан чыккан суу бир жолу колдонуучу идиштерге гана куюп берилмекчи.

Буга чейин жергиликтүү бийлик Мекке жана Медина шаарларына ажылык сапарга келген чет элдик жарандарды кабыл алуудан баш тарткан. Быйыл өлкө ичиндеги мусулмандар гана сыйына алышат.

Учурда Сауд Аравиясында 217 миңден ашуун адам COVID-19га кабылып, Араб өлкөлөрүнүн ичинен биринчи орунда. Оорунун кесепетинен 2 017 адам каза болуп, 154 миң киши айыгып чыкты.

18
Белгилер:
тыюу салуу, Ажылык, зыяратчы, Сауд Аравиясы
Тема:
Дүйнөгө жайылган коронавирус
Тема боюнча
Жалал-Абад мэриясы жума намазга, той-аштарга чектөө киргизди
Коронавирустан улам быйыл Меккеге ажылыкка барууга тыюу салынды

Кытай: автобус сууга кирип кетип, 21 окуучу каза тапты. Трагедиянын видеосу

234
(жаңыланган 09:04 08.07.2020)
Ичинде бир топ жүргүнчүсү бар автобус жол боюндагы бетон тосмолорду талкалап өтүп, сууга кирип кеткен.

Кытайдын түштүк-батыш тарабындагы Гуйчжоу провинциясында окуучулар түшкөн автобус суу сактагычка түшүп кеткен. Анын ичиндеги жүргүнчүлөрдөн 21 бала каза таап, 15и жабыркаган. Трагедия кечээ чак түштө болгон.

Кытайда жер оюлуп, эл ташыган автобус түшүп кетти. Жүрөк зыркыраткан видео

Камерага түшүп калган видеодон транспорт жолдон бурулуп келе жатып жээкти көздөй түз өтүп, жол боюндагы бетондорду талкалап, сууга киргенин көрүүгө болот. Учурда тартип коргоочулар кырсыктын себебин изилдеп жатат.

234
Белгилер:
суу сактагычы, окуучу, жол кырсык, Кытай
Тема боюнча
Эки киши өрттөнүп кетти. Ысык-Көлдөгү үрөй учурган кырсыктын видеосу
Бишкектин чок ортосунда кичи автобус оодарылып кетти. Видео
Ооруканада жаткан бейтап. Архивдик сүрөт

Бир күндө Кыргызстанда пневмониядан 44 адам каза болду

0
Ушуну менен март айынан бери өпкөнү сезгенткен оорудан каза болгондордун жалпы саны 268 адамга жетти.

БИШКЕК, 8-июл. — Sputnik. Өлкө аймагында кечээтен бери 44 бейтап пневмония оорусунан улам каза тапты. Бул туурасында Коомдук саламаттык сактоо башкармалыгынын башчысы Айнура Акматова брифинг учурунда билдирди.

Анын ичинен 30 адам Бишкекте, 14 киши өлкөнүн башка аймактарында катталган. Ушун менен март айынан бери жалпы каза болгондордун саны 268 адамга жетти.

Коронавирус бир суткада 13 адамдын өмүрүн алды

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
Бишкек, оорукана, өлүм, Кыргызстан, кыргызстандыктар, пневмония
Тема:
Кыргызстандыктарды кыйнаган пневмония
Тема боюнча
Коронавирус бир суткада 13 адамдын өмүрүн алды
Өлкөдө бир суткада 345 адам COVID жугузуп алганы аныкталды