Каныңыздын тобу кайсы? Коронавируска көп туруштук бере албачулар айтылды

© Sputnik / Алексей Сухоруков / Медиабанкка өтүүБейтаптан кан алып жаткан дарыгер. Архив
Бейтаптан кан алып жаткан дарыгер. Архив - Sputnik Кыргызстан
Жазылуу
Окумуштуулар коронавирус инфекциясына чалдыккан бейтаптардын арасында ири изилдөө жүргүзгөн. Бул COVID-19ду жуктуруп алуу жана анын кесепетине кан тобунун кандайча таасир этерин түшүндүрүп берет.

БИШКЕК, 4-июн. — Sputnik. Каны экинчи топко кирген адамдар башкаларга салыштырмалуу коронавируска көп туруштук бере албайт. Бул тууралуу "Известия" жазды.

Германиялык окумуштуу Андре Франке башында турган медиктер менен молекулярдык биологдордун тобу изилдөө жүргүзгөн. Анын алдын ала жыйынтыгы medRxiv электрондук илимий китепканага жарыяланды. Илимпоздордун пикиринде, каны экинчи топко кирген адамдардын коронавирус жуктуруп алган учуру арбыныраак. Бул мутациядан улам кандын коюуланып кетишине байланыштуу экени айтылды.

Адистер ген структурасындагы 8,5 миллиондон ашуун вариациянын COVID-19дун өрчүшүнө жана мүнөзүнө тийгизген таасирин карап чыгышкан. Натыйжада мунун баарына эки мутация өзгөчө таасир бере турганы аныкталган. Анын бири үчүнчү, дагы бири тогузунчу хромосомада жайгашкан. Биринчиси SARS-CoV-2нин оор түрү менен ооруп калуу ыктымалдыгын 1,77 эсеге жогорулатса, экинчиси 1,32 эсеге көбөйткөн. Ошондой эле биринчи мутация SLC6A20 генинде жайгашса, экинчиси кандын тобун аныктаган геномдун бөлүгүндө экени айтылды.

Окумуштуулардын пикиринде, мындай көрүнүш COVID-19ду жуктуруп алуу жана анын кесепетине кан тобунун кандайча таасир этерин түшүндүрүп берет. Мындан сырткары бирдей курактагы адамдардын иммунитети вирусту эмне себептен ар башкача кабыл аларын аныктайт.

Жаңылыктар түрмөгү
0