Түндүк Кореянын жоокери Түштүк Корея чек арасын жанында турат. Архив

Байланышты токтотобуз, сүйлөшпөйбүз. Түндүк Корея Түштүк Кореяга нааразы болду

(жаңыланган 16:30 09.06.2020)
Расмий Сеул коңшу өлкө бүгүн эртең менентен баштап телефонго таптакыр жооп бербей, байланышка чыкпай жатканын айтып чыкты.

БИШКЕК, 9-июн. — Sputnik. Корей элдик-демократиялык республикасы (КЭДР) мындан ары Түштүк Корея менен сүйлөшүүлөргө барбайт жана бардык байланыш жолдорун бууйт. Бул тууралуу Түндүк Кореянын Борбордук телеграф агенттигине таянып РИА Новости жазды.

"Түштүк Корея ортодогу мамилени акыркы чекитине жеткирди. Мындан ары талкуулап, сүйлөшө турган эч нерсе жок, бир гана көңүл калуулар", — деп айтылган Түндүк Кореянын маалымат агенттиги тараткан кабарда.

Ал эми расмий Сеул коңшу өлкө бүгүн эртең менентен баштап телефон чалганда таптакыр жооп бербей, байланышка чыкпай жатканын айтып чыкты.

"Эртең менен Түштүк Кореянын аскер адамдары байланышка чыгууга аракет кылышты. Бирок телефон чалганда эч ким жооп берген жок", — деп айтылган маалыматта.

КЭДР бийлиги 5-июнь күнү Түштүк Кореянын коомдук уюмдары алардын бийлигине каршы үгүт иштерин жүргүзүп, мындай материалдарды "жабык өлкөнүн" аймагына ар кандай жолдор менен жеткирип жатканына нааразы болгон.

Белгилер:
чек ара, таарыныч, үгүт, байланыш, Түштүк Корея, Түндүк Корея
Тема боюнча
ЖМК: Түндүк Корея өзөктүк ракета сактоочу жай курууда. Спутниктен тартылган сүрөт

Толкун менен жарышып сёрфинг тепкен спортчулардын бүйүр кызыткан видеосу

Динамикалуу музыканын ыргагында сёрфинг тепкен спортчулар укмуштуудай трюктарды жасап жатканын көрүүгө болот.

Эки мүнөткө жетпеген видеодо спортчулар океандын толкуну менен жарышкан кереметтүү кадрлар камтылган.

Ролик YouTube компаниясынын расмий баракчасына жарыяланды.

Белгилер:
толкун, спорт, серфинг
Тема боюнча
Болбогон жерден жем болду… Чалынып кетип арстанга кармалган эликтин видеосу
Москванын көчөсүндө полиция кызматкерлери. Архив

Кыргызстанда кылмыш жасап изин сууткандар Москвадан табылды

(жаңыланган 18:04 13.04.2021)
Учурда шектүүлөрдү Кыргызстанга өткөрүп берүү аракеттери жүрүүдө. Алардын бири 2012-жылдан бери табылбай жаткан.

БИШКЕК, 13-апр. — Sputnik. Кыргызстандын Ички иштер министрлигинин Россиядагы өкүлчүлүгү мекенинде мамлекеттик издөө жарыяланган жарандарды колго түшүрүү боюнча көрүлгөн аракеттердин негизинде РФтин аймагында жашынган үч шектүүнү кармады.

Ага ылайык, 2011-жылы 1990-жылкы Э.О. эки шериги менен Сокулук районундагы үйлөрдүн бирине кирип үй ээлерин сабап туруп 100 миң сомун алып кеткен. 2012-жылы шектүүгө мамлекеттер аралык издөө жарыяланган.

Кыргызстанда алдамчылыкка шектелип, 2016-жылдан бери мамлекеттер аралык издөө жарыяланган К.С. аттуу 1952-жылкы аялдын жүргөн жери дагы аныкталган.

Мындан сырткары, 2020-жылдан бери балдарына алимент төлөбөгөндүгү үчүн Талас райондук ички иштер бөлүмү тарабынан изделип жаткан 1979-жылкы М.Э. дагы кармалган.

Учурда шектүүлөрдү Кыргызстанга өткөрүп берүү аракеттери жүрүүдө.

Белгилер:
полиция, кылмыш, издөө, Россия, Кыргызстан
Тема боюнча
Аксыда ири көлөмдө курал сатууга камданып жаткандар кармалды. Сүрөттөр
Бишкекте кызга бычак урду деген шектүү кармалды
УКМК автоунаа катализаторлорун чет өлкөгө мыйзамсыз ташыган каналды аныктады
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы