Россиянын аскер кызматкери машыгуу учрунда. Архив

Америка да алсам дейт. Калашников автоматы дүйнөнү багынтууда

360
(жаңыланган 13:13 10.06.2020)
Калашников автоматы — россиялык сапаттын эң татыктуу символу: жогорку натыйжалуу, кандай шарт болбосун талаада калтырбас, туруктуу, машакатсыз, салмагы жеңил, дүйнөдө сыйга татыган курал.

Автомат лицензиялуу жана лицензиясыз болсо да бир топ өлкөдө чыгарылат. Бул куралдын өзгөчөлүктөрүн жана чыгарылган мамлекеттерди аскерий баяндамачы Александр Хроленко тизмектеп чыкты.

Калашников автоматтары Арменияда чыгарыла баштайт. Биринчи баскычта автоматты куроо үчүн тетиктерин Россиядан Ижевск механикалык заводу жеткирет. Кийинчерээк еревандык "Нейтрон" илимий-өндүрүштүк бирикмеси ишти толугу менен колго алат.

Келишим 15-майда түзүлгөн, 10 жылдык лицензия менен жылына 50 миңге чейин автомат чыгаруу болжолдонууда. Sputnik Армения агенттигинин маалыматында, Ереванда Калашников автоматын чыгаруу боюнча 2018-жылдын август айында Москвада "Нейтрон" илимий-өндүрүштүк бирикмесинин жетекчиси Давид Галстян жана "Калашников" концернинин башчысынын орун басары Андрей Барышниковдун сүйлөшүүлөрүнүн жүрүшүндө макулдашылган.

Калашников автоматынын сегиз заманбап модификациясынын ичинен АК-103түн тандалышы – эң ылайыктуусу. Бул – армиялык жана атайын багыттагы бөлүктөрдүн ынанымдуу жана жогорку натыйжалуу, таамай ок аткан, 40 мм ствол алдындагы гранатометтук интеграция мүмкүнчүлүгү, оптикалык жана түнкүсүн мээлей алат. Ондогон согуштук жаңжалда сыналган 7,62 мм калибрдүү жана 350 метрге чейин түз ата алышы А-103тү жакынкы "атаандаштарынан", тагыраак, НАТОнун жакын аралыкка түз аткан АК-104 жана 5,56 мм патрондуу АК-102 кескин айырмалап турат.

Армения россиялык өндүрүштөгү куралды Россия ичиндегидей жеңилдетилген баада, жалпы көлөмү 300 млн долларды түзгөн РФтин мамлекеттик насыясы менен бирге алат. Бул Ереванга аскердик чыгымдарды 600 млн долларга чейин жогорулатууга мүмкүндүк берген. Чакан – 45 миң колу бар улуттук армия үчүн лицензия менен өз өндүрүшүн жөнгө салгандан көрө даяр Калашников автоматтарын сатып алган жеңил көрүнгөндөй. Анан калса, инвестициялоо үчүн өзүнүн, кыйла ийгиликтүү 5,45 мм К-3 автоматы бар. Ал Армениянын Коргоо министрлигинин алдындагы аскерий өнөр жай бөлүмү менен иштелип чыккан. Ереванда АК-103 автоматынын лицензиялык өндүрүшү кийин экспортко чыгууну көздөгөнү шексиз. Мындай жол сыноодон өткөн. Дүйнөлүк курал-жарак рыногунда "Калашников" – белгилүү бренд, айныгыс лидер, келечегинде кирешелүү экени айкын. "Калашников" натыйжалуулугу, жөнөкөйлүгү жана ынанымдуулугу дүйнөдө мыкты болуп саналат. Бул 55 өлкөнүн Куралдуу күчтөрүндө бар, лицензия менен 12 мамлекетте ар бөлөк убакытта чыгарылган.

Бирок бүгүн дүйнөдөгү 100 миллион Калашников автоматынын жарымы – лицензиясыз, патентсиз же өкмөттөр аралык келишимсиз өндүрүлгөн контрафакт. Мөөнөтү өткөн лицензиялар же таптакыр эле ансыз Калашников автоматтарын ондон ашуун өлкөдө, анын ичинде НАТОго кирген Болгария, Венгрия жана Румынияда өндүрүлөт.

РФте чыгарылган Калашников автоматтарынын үлүшү дүйнөлүк өндүрүштүн 10 пайызга жакынын түзөт. Жакынкы мезгилге чейин эле Россия жыл сайын эл аралык рынокто жүз миллиондогон долларды жоготуп келген. Өндүрүштүн мыйзамдуу тажрыйбасы жакшыраак көрүнөт.

Азербайжан АК-74М автоматтарын чыгарууну 2011-жылы баштаган. "Рособоронэкспорт" менен келишимге 2010-жылы кол коюлуп, он жылга эсептелген. Улуттук куралдуу күчтөрдүн керектөөсү үчүн гана жыл сайын 12 миң лицензияланган АК-74М чыгарылары белгиленген. 2020-жылдан кийин дагы башка варианттары каралышы ыктымал. Азербайжандык 5,45 мм "Хазри" версиясы түнкү байкоо салуу жабдыктарын орнотуу, лазердик багыттоо, жарыктандыруу жана мээлөө мүмкүнчүлүгү менен айырмаланат. Биринчи баскычта россиялык тетиктерден куралган, Азербайжандын коргонуу өнөр жай министрлиги 2011-жылы эле Коргоо министрлигине биринчи партияны – 5 миң "Хазри" АК-74М тапшырган. Кыйла ийгиликтүү иш экени анык.

Азия жана Африка

Коронавирус пандемиясынан улам июндун башында Индия менен Россия Корва шаарындагы биргелешкен россиялык-индиялык ишканада АК-203 автоматын өндүрүү шарттарына (коммерциялык баада) макулдаша албай калышты. Ошентсе да 670 – 750 миң Калашников автоматын өндүрүү боюнча кызматташуу багыты ийгиликтүү болору шексиз.

Долбоордо АК-203 автоматын Индияда чыгаруу үчүн технологияны толук берүүнү жана үчүнчү өлкөлөргө экспорттоо каралган.

Индиянын премьер-министри Нарендра Моди Калашников автоматын өндүрүү боюнча индиялык-россиялык Indo-Russian Rifles Private Limited биргелешкен ишкананы түзүү жөнүндө былтыр мартта жарыялаган. Индия Калашниковдун "эки жүздүк" сериясын чыгарган жакынкы чет өлкөдөгү биринчи мамлекет болмокчу. Калашников автоматтарын лицензиялуу өндүрүш Россия Федерациясы жана Африка өлкөлөрү менен кызматташуунун перспективдүү багыты болуп саналат. Атап айтканда, варианттар Йоханнесбургда "Африка Аэроспейс анд дифенс 2016" курал-жарак көргөзмөсүндө талкууланган.

Египетте "Калашниковдун" негизинде Misr автоматы чыгарылат, аны менен египеттик армия куралданган. Misr – АКМ толук көчүрмөсү, бирок, түп нускасынан сапат жана мүнөздөмөлөрү боюнча артта калат.

Кытай "Калашниковду" өндүрүүнү 1950-жылдардын аягында эле өздөштүрүп алган, "Тип-56" кытай варианты Азия өлкөлөрүнө бир топ мезгилден бери кызуу экспорттолуп келген. Коңшу Вьетнам АКМ заманбапташтырылган үлгүсүн STL-1A белгиси менен чыгарып келет. Бул - АКМ менен АК-103түн симбиозу.

Чыгыш Европа

Венгрия биринчилерден болуп Калашников автоматын өндүрүүгө лицензия алган. Кансыз согуш маалында лицензия боюнча Венгрия тарабынан өндүрүлгөн АКМ – AM-63 (заманбапташтырылган АК-55) жана AMD-65 варианттары менен венгер армиясы дагы деле куралданган. Болгарияда Калашников автоматын өндүрүү 1960-жылы "Арсенал" курал заводунда (ушул тапта Arsenal компаниясы) башталган. 30 жылдан ашуун болгар автоматтары бул куралдын советтик үлгүсүнүн толук көчүрмөсү болуп келген.

Андан соң бул өлкө АКМ жана АК-74 өңдүү өз модификацияларын өндүрө баштаган. Алар фурнитурасы жана натолук калибри (5,56х45 мм патрондуу) менен гана айырмаланган. Болгариялык Arsenal фирмасы жакынкы эле убакка чейин Калашников автоматтарын жапырт штамптап, ал тургай АКШда да саткан.

Кансыз согуш жылдары Польша лицензияланган АК чыгарууну жөнгө салган, ал эми 1990-жылдардын башында польшалык армия KbK vz.88 Tantal (АК-74М модификациясы) автоматына ээ болгон. Кийинчерээк Tantal куралынын негизинде KbKs wz.96 Beryl 5,56 мм автоматы куралган, учурда да бул польшалык армиянын штаттык куралы болуп эсептелет.

Румыния РМ md.65 жана РА md.86 үлгүсүндөгү Калашников автоматын чыгарган. 5,45 мм калибрине ылайыкташтырылып жасалган акыркы үлгүсү Румыния АК лицензиясын сатып алуудан баш тарткандан кийин пайда болгон. Азыркы күнгө чейин румын армиясынын куралдуу күчтөрү куралданган.

Сербиянын куралдуу күчтөрүнүн штаттык автоматы болгон M70 да АКМ конструкциясына негизделип жасалган. Бир аз заманбапташтырылган M70AB3/B3 вариантындагы автоматты Zastava Arms сербиялык компаниясы чыгарат.

АК фин варианты анын бардык көчүрмөлөрүнүн ичинен сапаттуураак деп эсептелет. Фин армиясынын Rk.62 Valmet автоматы 1962-жылы сериялык өндүрүшү башталган. Анткен менен автоматтын баштапкы схемасын толук бойдон сактап калган (тек гана газ түтүгү жана мээлөөчү жабдыктары бар стволдук коробканы капкагы гана өзгөртүлгөн). Sako фин компаниясы Rk.95TP деп белгиленген заманбапташтырылган Rk.62 версиясын чыгарат.

Ар түркүн Америка

Венесуэла Калашников автоматынын "жүздүк сериядагы" 7,62 мм калибрдеги патрондуу АК-103 үлгүсүн лицензиялуу өндүрүүгө 2010-жылы киришкен. Бул – мыйзамдуу өндүрүштү эң баштан жаратуунун мыкты үлгүсү.

Россиялык лицензия – керектөөчүгө (армияга) чыныгы сапатты (аскердик натыйжалуулукту), ал эми Коргоо-өнөр жай комплекси – эл аралык рыноктогу дурус жана туруктуу кирешени (беделин түшүрбөстөн) кепилдик берген жападан жалгыз цивилизациялуу жол.

Айрым маалыматтар боюнча, Кошмо Штаттар АК техникалык документациясын 1970-жылы табышыптыр. Ошол документтер мөөнөтү аяктагандыктан юридикалык күчүн жоготкон. Бирок бул АКШда Калашников автоматын өндүрүүгө эч качан жолтоо боло алган эмес. Америка бул автоматты өндүрүүгө болгариялык курал чыгаруучу ишкананын уруксатын алган экен.

"Калашников" концерни 2014-жылдын башында 80 миңден 200 миңге чейинки көлөмдө АКШ жана Канадага атуучу куралдарды экспорттоо боюнча беш жылдык мөөнөткө RWC компаниясы менен кол койгон (жарандык куралдын 90 пайызы дал Кошмо Штаттарга жеткирүү каралган).

Батыштын санкциялары Калашниковдун ар кыл түрүнө (жарандык, мергенчилик курал, ок-дары) америкалыктардын кызыгуусун гана жогорулаткан. Сатып алуучулар 1500 доллар акчасына россиялык өндүрүштөн чыккан автомат сатып алууну каалашат, себеби алар үчүн бул – сапаттын кепилдиги. Калашниковдун тарыхы дээрлик бардык континенттерде уланып келет.

360
Белгилер:
Россия, АКШ, рынок, сапат, сыймык, курал, калашников автоматы
Тема боюнча
Су-57 сыналып бүттү: Россия алгачкы 76 истребителин качан алат?
"Сарматтын" талпынышы. Россияга жаңы Satana эмне үчүн зарыл?
Мунай өндүрүү. Архивдик сүрөт

Соодада кастык жок. АКШ Россиядан рекорддук көлөмдөгү мунай сатып алды

265
(жаңыланган 18:44 14.08.2020)
АКШнын нефти рыногундагы абал жакшы эмес. Мунайды кайра иштетүүчү америкалык заводдор сырье издеп, айласын таппай калды.

БИШКЕК, 14-авг. — Sputnik. Жарым жыл аралыгында АКШ Россиядан 9 миллион тоннадан ашуун мунай затын сатып алган, ал 2004-жылдан берки рекорддук көрсөткүч.

Муну менен катар эле Вашингтон Европанын россиялык энергоресурска көз карандылыгын четтетүү максатында "Түндүк агым — 2" долбоорун токтотууга аракет кылып келет. Анткен менен америкалыктар өздөрү байланып калганы туурасында РИА Новости байкоо салып көрдү.

Рекорддук көлөмдөгү экспорт

АКШга мунай заттарын саткан Россия январь айынан июлга чейин 2,2 миллиард доллар акча тапты. Бул Федералдык бажы кызматынын (ФБК) берген маалыматтары. Океандын ары жагына 7,46 миллион тонна мунай жөнөтүшкөн, бул — экспорттун 12 пайызын чапчыйт. Баарынан көп Нидерланддар сатып алган, тагыраагы, бул 12,19 миллион тоннага чыкты. Экинчи орунда америкалыктар, үчүнчүдө 4,4 миллион тоннасы менен Мальта турат.

Анткен менен Мальта жана Нидерланддар — транзиттик хабдар, ал жактан башка өлкөлөргө жөнөтөт. Бул жагынан алганда АКШга жасалган экспорт биздин колубуздагы сандардан да ашып кетет. Балким ФБК мунайдын сыртка мындай жол менен чыккандарын эсепке албайттыр.

Доору бүтүп баратабы? Мунай жаатында эсти оодарчу окуя күтүлүүдө

Чындыгында АКШнын Энергетикалык маалыматтар башкармалыгынын (EIA) билдиргенине таянсак, Американын мунай импорту жылдын акыркы беш айында 68 миллион баррелге же болбосо 9,3 миллион тоннага жеткен. Бул ФКБдагы алты айдын эсебинен да ашып кеткен. Себеби EIA жөнөткөн өлкөнү эмес, продукцияны өндүргөн тарапты эсепке алат.

Буга кошумча, июлда америкалыктар россиялык мазуттун көлөмүн июнга карата 16 пайызга өстүрдү.

Алмаштыра турчу эч нерсе жок

Мунун баарына АКШнын венесуэлалык оор нефтиден өзү кол жууп алганында болду. Ал эми мунай заттарын кайра иштетүүчү бир катар ишканалардын технологиясы Пермь бассейнинен же Батыш Техастан келген жеңил түрүн иштете албайт. Аны Түштүк Америкадан алган оор сорту менен аралаштырып жиберүү керек.

Трамп Венесуэланын PVSDA деп аталган мамлекеттик компаниясына санкция сала коюп, эми америкалык нефтини кайра иштетүүчү заводдору сырье издеп, айласын таппай калды.

Кыйын абалга баарынан көп Мексика булуңундагы жана Чыгыш жээктериндеги заводдор, анын ичинен Citgo Petroleum, Valero Energy, Chevron да кептелди.

Альтернатива болуучу, химиялы курамы жактан жакын келген Сауд Аравиясынын мунай заттары эле, бирок сауддар көлөмдө көбөйтүүдөн баш тартып койду. Жыйынтыгында экономика эңшерилип бара жатканда, Россияга кайрылууга туура келди.

"Вашингтон "Газпромдун" баягы эле "Түндүк агым — 2ни" куруп бүтпөй калышына таасир бере туруучу аракеттеринин баарын жасайт. Бирок экономикалык кызыкчылыктар дал келип калса, бул кызматташууга зыяны жок", — деди "Альпари" маалымат-аналитикалык борборунун жетекчиси Александр Разуваев.

"Дүйнөдөгү соңку мезгилдеги геосаясий окуялар мунай рыногундагы абалды Россиянын пайдасына чечти, эки өлкө салган санкциядан улам АКШга сырье бергенден баш тартып койду. Ошентип Urals кол жете турган бирден-бир нефтинин оор түрү болду", — дейт A3F Group компаниясынын негиздөөчүсүнүн бири Александр Дужников.

Атаандаштыкка чыдабай... Европа менен Азия АКШнын суюлтулган газынан баш тартууда

Мүнөздөмөсүнөн сырткары россиялык сырье өзүнүн баасы менен кызыктыра алды. Финансы министринин маалыматына караганда, январь-июль айларында Urals түрү орточо эсеп менен алганда баррелине 40,34 доллар деп бааланды, ал эми былтыр ушул мезгил ичинде — 65,27 доллар эле.

Андан сырткары, фрахт бир топ арзандады. Карантинден чыккандан кийин пайдалануучулар бир топ көбөйдү, эл ары бери каттай баштады, учактар асманга көтөрүлдү.

Тармактагы каатчылык

Мунайдын баасы түшүп кеткендиктен АКШдагы бургулагычтардын саны көп жылдардан бери болуп көрбөгөндөй азайды. Dakota Access мунай түтүгү экологиялык мыйзамдардын бузулушунан улам жабылды.

Казып алуу эң жогору чегинен күнүнө 13,1ден 11.1 миллион баррелге чейин түштү. Бул болгондо да АКШдагы эң өндүрүмдүү делген Пермь, Игл-Форд, Баккенск, Ниобром, Анадаркс, Аппалачинск жана Хейнсвилль сланец бассейндеринде болду. 11-августта жарыяланган EIA божомолуна караганда, быйылкы өндүрүштүн орточо кубаттуулугу күнүнө 11,26, ал эми 2021-жылы — 11,14 миллион баррелге чыкмакчы. EIA декабрь айына карата америкалыктар дүйнөдө нефтини өндүрүүнүн кыскарышына олуттуу салымын кошорун айтууда.

Биринен сала бири банкрот болуп... АКШ сланец туңгуюгунан чыга албай калабы

Haynes & Boone берген маалыматтарга караганда, январдан тарта АКШдагы нефти жана газ менен иштеген 36 компания 25,2 миллиард доллар карызы менен банкрот болду. Алардын арасында сланцчылар деген ири Whiting Petroleum, California Resources жана ушул тармактын пионери атактуу Chesapeake Enеrgy ишканасы бар. Июнда өндүрүштүк ири компания деп эсептелген Extraction Oil & Gas карызынын пайыздарын мөөнөтүндө төлөй албай, банкрот болгонун айтып, сотко кайрылды.

Rystad Energy берген баалоого таянсак, жылдын аягына чейин америкалык жүздөгөн компаниялар экономикалык кудуретсиздик абалга тушукканын жарыялайт. Сланец өндүрүү суткасына беш миллион баррелден да ылдыйлайт. ShaleProfile Analytics бул боюнча анализине таянып, мындай кыйын кырдаалдан улам аталган тармак өндүрүштүк кубаттуулугунун үчтөн бир бөлүгүнөн кур жалак калат деп алдын ала билдирүү кылды.

265
Белгилер:
Геосаясат, санкциялар, экспорт, сатуу, Зат, Мунай, Россия, АКШ
Тема боюнча
Газ жана Израиль: Европа дагы бир жол таптыбы?
Европа менен Америка Россиянын газ түтүгүнөн улам тирешүүгө барабы?
Ирландиялык Конор Макгрегор жана россиялык мушкер Хабиб Нурмагомедов. Архивдик сүрөт

Нурмагомедов: Гэтжиден кийин Макгрегор менен кармашууга даярмын

179
(жаңыланган 17:43 14.08.2020)
Эки жылдан бери ирландиялык спортчу россиялык мушкерди реванш-беттешке чакырып келген. Бирок Хабибдин менеджери ал Конорду атаандаш катары көрбөй турганын айткан болчу.

БИШКЕК, 14-авг. — Sputnik. UFC уюмунун жеңил салмактагы чемпиону Хабиб Нурмагомедов Москвадагы маалымат жыйынында америкалык Жастин Гэтжиден кийин ирландиялык Конор Макгрегор менен беттешүүгө даяр экенин жар салды. Бул тууралуу РИА Новости жазды.

Белгилей кетсек, Нурмагомедов 24-октябрда Абу-Даби шаарында Гэтжи менен күч сынашат. Ал эми Макгрегорду мындан эки жыл мурун Лас-Вегастагы турнирде уткан. Беттештин аягы ызы-чуу менен коштолуп, эки тараптын командасы массалык уруш чыгарган. Окуядан кийин Нурмагомедов беттештерден четтетилип, ири көлөмдөгү айыпка жыгылган.

Түрдүү ой келет... Хабиб карьерасын жыйынтыктоону ойлогонун моюндады

"Гэтжиден соң ким менен болсо да кармашканга даярмын. Ал Тониби (Фергюсон) же Конорбу (Макгрегор), айырмасы жок", — деген спортчу.

2018-жылдан бери ирландиялык спортчу россиялык мушкерди бир нече ирет реванш-беттешке чакырып, UFC президенди Дана Уайт дагы аны уюштурууга кызыкдар экенин билдирип келет. Бирок Хабибдин менеджери ал Конорду атаандаш катары көрбөй турганын айткан болчу.

179
Белгилер:
реванш, беттешүү, Конор Макгрегор, Хабиб Нурмагомедов, UFC
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Шевченко октагонго кайтты! UFC ал наамын коргой турчу күндү так айтты
Кубанып турам! Кыргызстандык Физиев UFC уюму менен келишимин жаңыртты
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды