АКШда мунайды өндүрүү. Архивдик сүрөт

Биринен сала бири банкрот болуп... АКШ сланец туңгуюгунан чыга албай калабы

221
(жаңыланган 18:34 18.06.2020)
АКШда ушу тапта нефть өндүрүүнүн көлөмү кескин төмөндөп кетти. Газ жана мунай бургулоочу жабдуунун саны кыскарып, өндүрүш күндөн-күнгө азаюуда.

Азыркы учурда компаниялар жапырт банкрот болгонун жарыялап, ишин токтотуп жатат. Июнда сланец өндүргөн ири компаниянын бири Extraction Oil & Gas да курмандыкка айланды. Божомолдорго караганда, быйыл эле банкротко жүздөн ашуун фирма тушугат. Аналитиктер эгер нефть баасы кризиске чейинки нугуна кайтпаса сланец тармагынын күнү бүтөт деп эсептешүүдө. РИА Новости ушул маселе боюнча ой толгогон.

Кен казуунун азайышы

2019-жылы америкалыктар нефть казууда Россия менен Сауд Аравиясын артка калтырып биринчиликке чыккан эле. Мында аларга сланец мунайы жардам берип, 70 жылдан бери биринчи жолу АКШ кара алтындын нетто-экспортеруна айланган.

"Нефть өндүрүшү күтүүсүз нерселерге бай, сланец революциясы мунай баасына, өндүрүш менен соодага бир топ өзгөртүү киргизди", — деген ошол учурда кичүү Жорж Буштун энергетика боюнча мурунку кеңешчиси, Rapidan Energ консалтинг компаниясынын жетекчиси Боб Макнели.

Ал убакта бул жаатта көйгөй 2021-жылы гана башталат деп болжолдонгон, бирок коронавирус пандемиясы өз эрежесин киргизди өңдөнөт. Энергияга суроо-талап азайып, баа түшүп кетти. Мындан биринчи кезекте карызга белчесинен баткан сланецчилер жабыркады. Дал ушул тармакта иштегендер Россия менен Сауд Аравиясынын ортосундагы баа согушунун курмандыгы болушту. Вашингтон рыноктун кыйроосуна Москваны айыптап келет. Айтымында, орустар америкалык өндүрүшчүлөрдү рыноктон сүрүп чыгаруу үчүн ушундай кадамга барган.

АКШда нефть казуу көлөмү бир нече ай аралыгында кыскарып, күнүмдүк көрсөткүч 13,1ден 11,1 баррелге чейин төмөндөдү. АКШнын Энергетика боюнча маалымат башкармалыгы (EIA) бул көрүнүш мындан ары да начарлай берет деген пикирде.

Банкрот толкуну

Haynes & Boone маалыматы боюнча, январдан тарта жалпы карызы 25,2 миллиард долларга жеткен 36 нефть жана газ компаниялары банкротко кептелген. Алардын арасында Whiting Petroleum, California Resources жана бул тармактын башатында турган Chesapeake Enеrgy сыяктуу ири сланецчилер бар.

"Ташы өйдө кулап турган кезде Chesapeake америкалык газды болушунча алып турган, анын баасы 38 миллиард долларды чапчыган эле. Chesapeake сланец казуу моделинин шаблонун түзүп кетти десек болот. Бирок азыр кыйрап жатканына күбөбүз", — деп жазды Bloomberg.

Июнда Extraction Oil & Gas компаниясы пайыз боюнча карызын төлөй албай банкрот процедурасын баштоо үчүн сотко кайрылган.

Financial Times гезити белгилегендей, Extraction компаниясынын абалы киреше түшпөй, банктар насыя берүүнү кыскарткандан кийин начарлап кеткен. Май айында инвесторлор ишмердүүлүк токтошу мүмкүндүгү тууралуу кабардар болушкан.

Rystad Energy уюмунун божомолу боюнча, быйыл АКШнын 140ка чукул нефть жана газ өндүргөн компаниясы банкротко кабылат. АКШда сланец өндүрүшү суткасына беш миллион баррелге чейин кыскарып кетиши ыктымал.

Пандемиядан улам суроо-талап азайып кеткендиктен өндүрүштүн мурунку көлөмүн кайтаруу дээрлик мүмкүн эмес. "Ал деңгээлге жетүү үчүн жылдар керек окшоп калды, жетери да күмөн", — деп жазат The Wall Street Journal.

Далластын Федералдык резерв банкынын иликтөөсүнө ылайык, Батыш Техастагы салыштырмалуу арзан делген Permian бассейнинде да пайда көрүү үчүн нефтинин баррели орто эсеп менен 49 долларга бааланышы керек. Ал эми 40 долларлык баа менен жыл соңуна чейин өндүрүшчүлөрдүн 15 пайызы гана аман жетет.

Бирок сланецчилерди сактап кала турган кымбаттоонун карааны да көрүнбөйт. EIA башкармалыгынын божомолу боюнча Brent баасы 2020-жылы 34,13, 2021-жылы 45,62 доллардын тегерегинде болот. Ал эми Батыш Техастагы WTI быйылкы бааны 30,10, эмдиги жылкыныкын 43,31 доллар деп бычты.

Эгер нефтинин баасы пандемия башталганга чейинки наркка келбесе, АКШнын сланец индустриясы кыйроого учурай турганын Австралиянын "Экономика жана дүйнө институту" аналитикалык борбору да эскертти.

221
Белгилер:
баа, божомол, аналитика, банкрот, өндүрүш, АКШ, нефть
Тема боюнча
Орус-араб күчүнө каршы чыккан АКШ революциясы тизелеп калдыбы
Мунайдын артынан газ каатчылыгы күтүп турабы? Келечекке божомол
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

13
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

13
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт
Эркин күрөштүн балбаны Муслим Евлоев. Архив

Ингушетиядагы операцияда КРде легионер-спортчу болгон Евлоев жок кылынды

321
Евлоев 2015-жылы легионер катары Кыргызстандын улуттук курама командасына кошулган. Бирок соңку жылдары турнирге катышкан эмес, себеби ал допинг эрежелерин бузганы айтылат.

БИШКЕК, 7-авг. — Sputnik. Ингушетияда күч түзүмдөрү жардырууга даярданып жаткан эки кишини жок кылып, дагы бирөөсүн кармаганын РИА Новости Улуттук антитеррор комитетине шилтеме берип жазды.

Агенттикке ишенимдүү адамдын билдиришинче, каза болгондордун бири эркин күрөштүн балбаны Муслим Евлоев. Ал буга чейин Кыргызстандын курама командасына кошулуп, 2018-жылы Азия чемпионатында 74 килограмм салмактагылар арасында чемпион болгон.

Самбо боюнча спорт чебери Бекзат Жаныбеков бычакталды. Окуянын чоо-жайы

Операция болор күнү республиканын укук коргоо органдары согушкерлер Назрань менен Малгобек районундагы Сагопши айылындагы үйдө жашынып жатканын аныкташып, аларды куралын таштап, багынып берүүсүн айтышкан.

"Бирок алар укук коргоо органдарына карата ок чыгаргандыктан, атышуу учурунда эки согушкер жок кылынып, бирөө колго түштү", — деп айтылат маалыматта.

Окуя болгон жерден курал-жарак, ок жана жарыла турчу каражаттарды табышкан. Күз түзүмдөрү менен жай тургундардын арасынан эч ким жабыркаган эмес.

Евлоев 25 жашта болчу. Легионер катары Кыргызстандын улуттук курама командасына 2015-жылы кошулган. Ал Бакудагы Ислам тилектештик оюндарында жана "Яшор Догу" эл аралык турниринде жеңүүчү аталган. Андан кийин 2017-жылы Индиядагы Азия чемпионатында күмүш медаль, 2018-жылы Бишкектеги Азия биринчилигинде алтын байгеге татыган. Айрым маалыматтар боюнча анын организминен тыюу салынган зат табылганына байланыштуу соңку жылдары турнирлерден четтетилген.

321
Белгилер:
өлүм, спорт, теракт, атайын операция, Муслим Евлоев, Ингушетия
Тема боюнча
Өзбек спортчусунун видеокайрылуусун эки өлкөнүн министрлери талкуулады
Ысык-Көл. Архив

Ишембиге карата аба ырайы

0
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы