Төшөктө жатып телефон колдонуп жаткан кыз. Архив

Төшөккө жатканда тиктебе. Адис түндө телефон кароонун зыянын түшүндүрдү

787
Караңгы бөлмөдө организм бир чети уйкуга камданат, экинчи четинен телефондун жарыгын көрүп, мээ адашат. Бул организм үчүн да адаттан тыш көрүнүш.

БИШКЕК, 21-июн. – Sputnik. Тынч уктоону кааласаңыз, төшөккө жаткандан кийин смартфонду карабай койгон оң. Бул тууралуу медицина темалары боюнча адис Владислав Мохамед Алиге шилтеме берип РИА Новости жазды.

"Азыр көпчүлүк кишилер жатып, жарыкты өчүрүп алып телефонду чукулаганды адат кылып алганбыз. Караңгы бөлмөдө организм бир чети уйкуга камданат, экинчи четинен телефондун жарыгын көрүп, мээ адашат. Тагыраагы, ал уйкуга кетүү керекпи же жокпу деген суроолордун ортосунда чайналат", — деди адис.

Мындан улам мээнин айрым бөлүктөрү активдүү иштөөгө аракет кылса, башка бир жагы эс алууга даярданып, жыйынтыгында баш оору пайда болору кошумчаланды.

Анткен менен адис учурда смартфондордун экранында көзгө күч келтирбеген түнкү режимин колдонсо болорун айтып, бирок бардыгы чени менен болушу керектигин эскертти.

787
Белгилер:
ден соолук, уйку, смартфон
Тема боюнча
Орто жаштагы адамдар эмне себептен стресске көп кабылат? Иликтөө
Афганские силовики занимают позицию на вершине здания, где прятались повстанцы, в городе Джалалабад, к востоку от Кабула, Афганистан, в понедельник, 3 августа 2020 года.

Афганистанда 20 киши набыт болду. "Ислам мамлекети" түрмөгө чабуул койду

1
(жаңыланган 17:49 03.08.2020)
"Ислам мамлекети" террордук тобунун Афганистандын аймагындагы абакка куралдуу чабуул жасаганы кабарланды.

БИШКЕК, 3-авг. — Sputnik. Афганистандын чыгышындагы Желал-Абад шаарындагы түрмөгө жасалган чабуулдун кесепетинен 20 адам каза тапты. Бул туурасында Sputnik Тажикстан 1TV News телеканалына шилтеме берип, кабарлады.

Мындан сырткары, 85 адамдын жаракат алганы айтылды.

Өлгөндөрдүн арасында аскер кызматкерлери менен жай жашоодогу адамдардын бар экени айтылды. Атышуу учурунда коопсуз кызматы кол салган беш согушкерди жок кылган.

Кечирээк бул каргашанын жоопкерчилигин "Ислам мамлекети террордук" тобу өзүнө алгандыгы белгилүү болду.

Сириялык качкын согушкер АКШ аскерлери "Ислам мамлекети" менен иштешерин айтты

Чабуул учурунда түрмөдө камалгандар качып чыгып, 700 киши ошол жерден эле кармалып, темир торго кайра кайтарылган.

Акыркы маалыматтарга караганда, кармаш 14 саатка чукул созулган. Согушкерлер түрмөнүн эки мунарасын ээлеп алууга үлгүргөн.

1
Тема боюнча
Афган туңгуюгу: АКШ касташкан тараптарды элдештирүү аракетинде
Балдар хирургу, медицина илимдеринин доктору, Балдар хирургиясы жана травматология илим-изилдөө институтунун президенти Леонид Рошаль. Архив

Рошаль коронавирус пандемиясын "биологиялык согуштун даярдыгы" деп сыпаттады

132
(жаңыланган 12:57 03.08.2020)
COVID-19 биологиялык согушка даярдык болду. Пандемия медицина системасынын даярдыгын, анын ичинде өлкөлөрдүн биологиялык коркунучтардан коргонуусун сыноодон өткөрдү.

БИШКЕК, 3-август. — Sputnik. COVID-19 пандемиясынан улам келип чыккан абал биологиялык согушка карата даярдык катары туюлат. Мындай пикирди балдар хирургу, медицина илимдеринин доктору, Балдар хирургиясы жана травматология илим-изилдөө институтунун президенти Леонид Рошаль Forbes басылмасына берген маегинде айтканын РИА Новости жазды.

Ал белгилегендей, бардык эле өлкөлөр бул инфекция менен күрөшүүгө даяр эмес экендиги көрүндү. Профессор Россияда коронавирустун жайылышына каршы аракеттенүүгө президент баш болуп баары катышканын белгилейт.

Окумуштуулар: коронавирустун иммундук реакциясы организмди алсыратат

Деген менен чек араны билбеген вирустун, эпидемиянын масштабын билүү кыйын. Айрым учурда элдин жүрүм-туруму да көйгөйдү жаратат. Россияга коронавирус дарыгерлер чет өлкөгө чыгуудан карманбагандыктан улам келгенин Рошаль белгилейт.

"Мен бул абалга талдоо жүргүзүп, аны биологиялык согушка даярдык деп түшүнөм. Мен бул вирусту адам баласы ойлоп тапты дегенден алысмын. Мындай бүтүм жасоого жетиштүү негиз жок, анын үстүнө мен вирусолог эмесмин. Бирок бул медицина системасынын даярдыгын, анын ичинде өлкөнүн биологиялык коркунучтардан коргонуусун текшерүү болду", - дейт Рошаль.

Ал СССРдин тушунда биокоргонуу жогорку деңгээлде болгонун, Кытайдын системасы ушундай эле модель менен курулганын айтат.

"Биз болсо бул системанын жоготуп алдык. Учурда ал тесттен өтүп жатат", - деп белгилейт ал.

Пандемияда Россияда жалпысынан коронавируска кабылган 850 миңдей учур катталган, 14 128 адам каза болуп, 650 миңден ашык бейтап сакайган.

Илдетке чалдыккандардын үчтөн бири – 242 миң адам Москва шаарына туура келет. Анын ичинен 181 миң жаран ооруну жеңген.

132
Белгилер:
Леонид Рошаль, пикир, коронавирус
Тема боюнча
ДССУ кайталап киргизилген карантиндик чектөөлөрдү сынга алды