Guardian газетасы. Архивдик сүрөт

Батышта "расисттердин гезитин" жабууну талап кылышууда. Россияга коюлган кине

(жаңыланган 17:21 21.06.2020)
Батыш өлкөлөрүнүн колониялык өтмүшү менен күрөшүүнүн алкагында демилгечи топ британдык күн сайын чыгуучу The Guardian гезитинин жабылышын талап кылууда.

Бир-эки күн мурун эле жарыяланган петиция эмитен эле 20 миң кол топтоп койду. Басылманын жабылышын талап этүү акылга сыярлык. Бул демилге жана дүйнөдөгү белдүү, тарыхы бай гезитке байланыштуу макала РИА Новости агенттигинин сайтына жарыяланган.

Адегенде Manchester Guardian деген аталышта чыккан бул гезит пахта сатуу менен бутуна турган Жон Эдвард Тейлор тарабынан 1821-жылы түптөлгөн. Пахтаны дээрлик жүз пайыз плантацияларда иштеген кулдар терген. Негиздөөчүсүнүн көзү өткөндөн кийин деле газета кулчулукту активдүү колдоп, ал түгүл америкалык аболиционист президент Авраам Линкольнго каршы чыккан. Мисалы, "бул киши президенттикке шайланган 1862-жылдын 10-октябры ошол эле учурда Америка жана бүтүндөй дүйнө үчүн кара күн болуп калды" деп билдирген.

…The Guardian басылмасынын өтмүшкө каршы күрөштө эң радикалдуу ыкмаларды катуу колдогон британ солчулдарынын негизги "медиа замбиректеринин" бири болуп саналганы да жанга баткан келеке. Эске салсак, бул күрөштүн алкагында бир нече Колумбдун, белгилүү британ кайрымдуу өкүлдөрүнүн постаменттери ыргып, Бельгиянын королу Леопольд IIнин ат үстүндө коюлган монументи, Экинчи дүйнөлүк согуштагы жеңиштин урматына колодон орнотулган Уинстон Черчиллдин салыштырмалуу жакында эле ачылган эстелиги да бузулуп, эл көзүнөн далдаланды.

Бул дагы эч нерсе эмес, анткени өткөндө эле Лондон шаарынын мэри Садик Хан "Коомдук мейкиндиктеги ар түрдүүлүк боюнча комиссияны" түзүп, ал ишке киришти. Анын функцияларына кул сатуудан пайда тапкан тарыхый натуура каармандардын статуяларын аныктоо анын функцияларына кирет. Айтмакчы, алардын арасында беш британ монархынын, тагыраагы, төмөндө аталгандардын да эстеликтери бар:

  • Карл II (эки статуя);
  • Иаков II;
  • Вильгельм III (эки статуя);
  • Анна ханыша (эки статуя);
  • Георг I.

Жалпысынан, тарыхый акыйкаттыктын башаламандыгына кыжыры кайнаган англиялык консерваторлор какшыктуу чара катары The Guardian басылмасын жабуу үчүн петицияны башташкан. Газетаны жабууга алы жетпей турганы түшүнүктүү, бирок алар жок эле дегенде өздөрүнүн либералдык-солчул оппоненттерине өтмүш баарынын башында бар экенин, тарыхты, анан калса чагыбыздагы агрессивдүү идеологиялардын ченеми менен жазага тартуунун кажети жоктугун көрсөткүлөрү келди. Бирок мындан майнап чыкпай турганы анык. Мында эң оболу унутта калтырган бир нерсени түшүнүп алган жакшы.

Америка Кошмо Штаттарына жана алардын бир нече кылым мурун кул күчү катары алып келинген ынды кара калкы менен болгон карт тарыхына гана тиешелүүдөй көрүнгөн Black Lives Matter менен болгон окуя Европага, алтургай Австралияга чейин ыксыз жерден эле таралган жок. Болушунча иштелип чыккан идеологияга жатат. Ал өзүнө расалык же диний азчылыкты гана эмес, диний жана сексуалдык, ошондой эле каалаган-каалабаганына карабай аялдардын, майыптардын баары (арасында акыл саламаттыгы бузулган жарандар да айрыкча айырмаланат), дегеле басмырлангандар катары аныкталган "калктын бардык топтору" да камтылат.

Адатта теңсиздикке каршы күрөш деп аталган бул идеология абалкы, мурдагы кылымдарда түптөлгөн социалдык иерархия маңызында бүт дүйнөдө жаңылыш жана адилетсиз болгонун боолголойт. Бул демилге акылга сыйбас, адамзаттын бүт тарыхын гана эмес, биологиялык реалдуулукту да жокко чыгарат. Ошондуктан The Guardian газетасына башынан бери түштүктүк-кул ээлери болуп келгендердин мурдагы партиясы болгон АКШнын демократтарынан башка коркунуч туулбайт. Ал эми "адилеттүүлүктүн көзөмөлдөө топтомунун ээлери" Теңдиктин душмандыгына дайындалчуларга кыйын эле болот. Алардын баары эле маргинал эмес экенин белгилеп кеткен оң. Айрымдар мамлекеттик каржылоосунда отуруп, "дайым каршы чыкчулар" жана "прогрессивдүү лоялисттер" катары иш алып барышат. Башкача айтканда, системалуу иш алып барбаган оппозиция – жакшы эмес экенин моюнга алып, бирок ар түрдүүлүгү чексиз азчылыктын укуктарын тезинен киргизүүнү талап кылышат.

Айтор, эмгекчилерге карата социалдык адилеттүүлүк жөнүндөгү көндүм көз карашты "азчылыктар үчүн акыйкаттык" идеологиясы, башкача айтканда, азыркы маргиналдык катмардын, анын ичинде гейлер гана тургай, баңгилердин, эки жыныстагы тең сойкулук менен шугулдангандардын жана башкаларды коргоо жана жеңилдиктери менен алмаштыруу алардын милдети болуп саналат. Мындай көрүнүштөр мамлекет жана коом үчүн абдан кооптуу. Андыктан мындай толкун башка өлкөлөрдү, анын ичинде Россияны кыйгап өтөт деп үмүттөнгөн болбойт. Эгер андайга жол берсек, баары болушу мүмкүн. Айтмакчы, РФти кечээ жакында эле расизмге да айыптап чыгышты.

Белгилер:
каршылык, петиция, расизм, Европа, Россия, гезит, Батыш
Тема боюнча
Россияны Батыш капканына түшүрүү аракети жасалып жатабы? Саресеп
Батыш Россиянын айынан ачка калабы? Айыптоолорго жооп
Батыш Россияны статистиканы бурмалап жатат деп айып тагууда. Видео
Покупатели оплачивают покупки в супермаркете. Архивное фото

Соода кылгандан кийин чекти ыргытпагыла! Юристтин маанилүү кеңеши

Юрист чекте адамдын аты-жөнү жана банктык картасынын акыркы сандары калып каларын, аны менен шылуундар акча алууну көздөй турганын айтты.

БИШКЕК, 18-апр. — Sputnik. Соода кылгандан кийин чекти дароо ыргытып же кассага таштап салбаш керек. Аны алдамчылар пайдаланып кетиши мүмкүндүгүн РИА Новости юрист Егор Рединге шилтеме берип жазды.

Эксперттин айтымында, чек аркылуу адамдын аты-жөнүн, соода кылган картанын номеринин акыркы төрт санын билип алууга болот. Андан кийин шылуундар сиздин атыңыздан банкка кат жөнөтүп, акчаңызды уурдоого аракет кылышы мүмкүн.

"Ошондой эле алдамчы бул маалыматты колдонуу менен карта ээсин социалдык тармактардан таап, телефон номерин билип алат", — деп эскерткен Редин.

Алдамчылар дүкөндөн бонус топтойм деп чекти сурашат же акырын уурдап алышат. Андан кийин товарды коргоочу магнитинен ажыратып, көтөрүп кетишет. Кокус күзөтчү токтотуп калса башка эле бирөөнүн чегин көрсөтөт. Эгер товар карта менен төлөнсө шылуундар кайра сата алышат, ал эми акча менен төлөнсө кийимди чак келбей калды деп өткөрүп туруп акчасын алып алышат.

Белгилер:
алдамчылык, шылуун, соода, чек, юрист
Тема боюнча
Эксперт банктык карта ээлеринин эң көп кездешкен катачылыктарын атады
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады
Врач измеряет артериальное давление. Архивное фото

Оору менен кырсыктан камсыздандырылган жарандарга 14 млн. сом төлөндү

Былтыр камсыздандыруу келишимин 37 миңдей киши түзгөн. Алардын миңге жакыны ар кандай окуяга туш болуп каражат алган.

БИШКЕК, 18-апр. — Sputnik. Өткөн жылы оору менен кырсыктан өзүн камсыздандырган кыргызстандыктарга 14,2 миллион сом берилди. Бул тууралуу Улуттук статистика комитетинин маалыматында айтылат.

2020-жылы бул жаатта ыктыярдуу түрдө 36 724 келишим түзүлгөн. Камсыздандыруунун жалпы суммасы 11,9 миллиард сомду түздү. Ал документ толтурган адам ооруганда же кырсыкка учураганда төлөнмөк. Ал эми камсыздандыруу боюнча баштапкы төлөм катары (камсыздандыруу үчүн каражат) 62,8 миллион сом түшкөн.

Улуттук статистика комитети келишим түзгөндөрдүн 858и ар кандай учурга туш келип, 14,2 миллион сом алганын айтты.

Белгилер:
төлөм, камсыздандыруу, кырсык, оору, Улуттук статистика комитети, Кыргызстан
Тема боюнча
Сооронбаев: коңурук тарткан адам ар кандай оору менен жабыркайт