Фри жеп аткан киши. Архивдик сүрөт

Жарым фабрикат, тез татымдан баш тарткан киши тамакты аз жеп баштайт. Себеби

(жаңыланган 09:20 22.06.2020)
Мындай көрүнүш даам рецепторлорунун калыбына келиши менен байланыштуу экендиги айтылган. Рецепторлор тамак-аштын көлөмүнө, анын даамын татууга жана ырахат алууга жооп берет.

БИШКЕК, 22-июн. — Sputnik. Фастфуд менен жарым фабрикаттан баш тартып, ден соолукка пайдалуу азыкка өтүү сугалактыкты жоёт. Бул даам рецепторлорунун калыбына келиши менен байланыштуу экендигин Sputnik радиосуна медицина илимдеринин доктору Василий Генералов айтып берди.

"Рецепторлор тамак-аштын көлөмүнө, анын даамын татууга жана ырахат алууга жооп берет. Эгер алар жакшы иштебей калса, адам көп жей баштайт. Буга азыктын сапаты таасир бериши мүмкүн. Азыр жарым фабрикат азыктарда консерванттар жана химиялык боёктор бар экендиги белгилүү. Ошолор рецепторлорго зыянын тийгизип жатат. Конспирологиялык теория боюнча адамдын даам сезгичтиги канчалык төмөн болсо, тамакка ошончолук баш-оту менен кирип кетет", — деген Генералов.

Дарыгер белгилегендей, рецепторлорду калыбына келтирүүгө болот. Бул үчүн "баңгизаттай тартып турган" пайдасынан зыяны көп азыктардан баш тартуу керек.

"Жарым фабрикаттарды, фастфудду канчалык аз жесе, рецепторлор ошончолук өз калыбында иштеп баштайт. Алар калыбына келүүгө жөндөмдүү. Ошондуктан эт, жумуртка, балык жана жашылчадан даярдалган салаттарга өтүү керек. Адам пайдалуу тамактарды жеп баштаганда башка азыктардын чыныгы даамын сезет. Кадимки помидор же бадыраңдын дагы даамы укмуш экенин сезесиз. Сиз мурда кондитердик азыктарды көп жегенде углеводдун ченемин жогорулатып жибергенсиз. Аларды жебей калганда рецепторлор ордуна келет", — деген доктор.

Окумуштуулар буга чейин салмак кошууга жыт дагы таасир берерин айтып чыгышкан.

Белгилер:
тамак, фастфуд
Тема боюнча
Арыктоого жардам берчү беш майлуу азык аталды
Диетологдор: канттын ордуна колдонулчу заттар арыктатпайт

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео
Төөлөр. Архив

Кытайда төөлөр үчүн өзгөчө жол чырак орнотулду. Сүрөт

Мындай жол чырак азырынча дүйнөнүн бир да жеринде жок экени айтылды. Ал Кытайдын туристтер көп барган шаарына коюлган.

БИШКЕК, 19-апр.— Sputnik. Кытайда төөлөр үчүн өзгөчө жол чырак орнотулганын China News басылмасына таянып Sputnik Өзбекстан кабарлады.

​Маалыматка ылайык, жабдуу туристтер көп барган Дуньхуан шаарына орнотулган.

"Чет элдик саякатчылар Минша тоосуна, Могао чөлүндөгү храмдарга, Юмэнь жана Янгуань ашууларына көп барат. Бирок ал жакта төөлөр да арбын. Мындан улам эки жак бири-бирине тоскоолдук жаратпаш үчүн жол чырак коюлган", — деп жазылат билдирмеде.

Жергиликтүү бийлик белгилегендей, жол чырак кыймылдын коопсуздугун камсыз кылат жана дүйнөдө мындай жабдуулар азырынча жок.

Жол чыракта төөнүн сүрөтү жашыл болуп күйгөндө төөлөр өтөт, бул учурда туристтер токтоп турушу шарт. Төөнүн сүрөтү кызыл болгондо жаныбарлар токтоп, элди өткөрө турганы айтылды.

Белгилер:
турист, жол чырак, төө, Кытай
Тема боюнча
Токмокто "Коопсуз шаардын" камералары орнотулуп жатат. Карта