Sputnik Эстониянын редактору Елена Черышева. Архивдик сүрөт

Sputnik Эстониянын редактору Черышева: эстончо сөз эркиндиги ЖМК үчүн кооптуу

69
(жаңыланган 12:27 23.06.2020)
Эстон бийлиги ар кыл европалык структуралардын айткандарына кулак салбай, Sputnik Эстония агенттигине карата мамилесин өзгөртпөй келет.

Аталган агенттик өз ишмердигин болушунча чектөөгө мажбур болгонун эсиңиздерге сала кетели. Бул тууралуу басылманын жетекчиси Елена Черышева ОБСЕнин адам укуктары боюнча онлайн кеңешмесинин катышуучуларына айтып берди.

Эстонияда сөз эркиндигинин принциптери көз көрүнөө бузулуп жатканын белгилейт журналист. Черышеванын айтымында, эстон бийлиги Sputnik Эстония редакциясын куугунтуктоонун ар кандай формасын жана жолдорун ачык эле пайдаланууда.

2019-жылдын аягында аталган республиканын Полиция департаменти жана чек ара кызматы басылманын бардык кызматкерлерине "эгер журналисттер россиялык агенттик менен иштешүүнү токтотпосо, аларга "Европалык санкцияларды аткарбоо" беренеси боюнча кылмыш ишин козгоо" менен коркуткан кат жөнөтүшкөн. Бул менен өлкө бийлиги 2014-жылы "Россия сегодня" эл аралык маалымат агенттигинин башкы директору Дмитрий Киселевго каршы киргизилген чектөөнү эстерине салгысы келген. Баарынан кызыгы, агенттик бир дагы санкциялык тизмеде көрсөтүлгөн эмес. Ошентсе да, 2020-жылдын 1-январындагы коркутууларга байланыштуу басылманын сайты өзгөчө кырдаалда иштеп, редакциянын кызматкерлери Sputnik Эстония агенттиги менен келишимдерин бузган.

"Бул — башкача ой жүгүртүүгө каршы күрөштүн эң көрүнүктүү учуру. Эстон полициясы гана россиялык мамлекеттик маалымат каражаттарына жеке санкцияларды берүүгө даай алат", — деди Черышева.

Ошондой эле ал былтыркы жылдын декабрында, Sputnik Эстония агенттигинин журналисттеринин айланасындагы окуялар күч алып турганда да Эстониянын премьер-министри Юри Ратас эстон демократиясын бүт дүйнө жүзүнө үлгү деп атаганы бар.

"Журналисттердин полиция тарабынан коркутулушун ал демократия деп эсептейт көрүнөт. Бийликке ыңгайсыз маалымат каражаттарын ачык репрессиялоо – эстончо сөз эркиндиги көрүнөт", — деп баса белгиледи ОБСЕнин конференциясындагы сөзүндө Черышева.

Эске салсак, жалпыга маалымдоо каражаттарынын эркиндиги боюнча ОБСЕнин өкүлү Арлем Дезир башынан эле Эстониянын көз карашына караманча каршы болуп келген.

2019-жылдын декабрында Дезир эстон бийлигине Sputnik Эстония агенттигин кысымга алууну токтотууга чакырып, редакциянын ишин чектөөнү орунсуз деп атаган. "Бул маалыматтын эркин агымына терс таасирин тийгизет" деп жазган Дезир Twitter баракчасына.

"Сиздин пикириңиздин эске алынбаганы кейитет", — деп кайрылды сөзүнүн аягында Елена Черышева Арлем Дезирге.

ОБСЕнин адам укуктары боюнча кеңешмеси (HDIM) – Европада жыл сайын өтүүчү ири конференция. Ага ОБСЕнин 57 өлкөсүнөн делегациялар, ОБСЕ структураларынын өкүлдөрү, ошондой эле эл аралык жана коомдук уюмдардын мүчөлөрү катышат.

Конференцияда чыгып сүйлөгөндөр дүйнө жүзү боюнча ЖМК эркиндиги, демократия жана журналисттердин коопсуздугу боюнча маселелерди талкуулашат. Кеңешменин жыйынтыгы боюнча катышуучулар алдаканча актуалдуу маселелерди чечүү үчүн кеңештерин сунуштайт.

Быйыл кеңешме Албаниянын төрагалыгы менен коронавирус пандемиясына байланыштуу онлайн-форматта өтүүдө.

69
Белгилер:
сөз эркиндиги, журналист, редакция, куугун, Эстония
Тема боюнча
Европа Sputnik Эстониянын айланасындагы абалдан кабардар болду
Эстония жашоочулары: Sputnik агенттигинин ишмердүүлүгүнүн токтотулушу — цензура
Буурчак. Архив

Окумуштуулар кайсы өсүмдүк жүрөк ооруларына, кант диабетине жардам берерин айтты

43
(жаңыланган 08:32 09.08.2020)
Буурчак дандары (буурчак, кой буурчак, жасмык) жүрөк-кан тамыр системасына жакшы таасир этип, анын эсебинен адамдагы кант, холестерин азаят.

БИШКЕК, 9-авг. — Sputnik. Буурчак өсүмдүктөрү кандагы канттын деңгээлин төмөндөтүп, жүрөк ооруларын алдын алат. Бул тууралуу “Известия” жазып чыкты.

Канададагы Гуэлфск университетинин дарыгерлеринин айтымында, буурчак азыктар жүрөк-кан тамыр системасына жакшы таасир этип, анын эсебенин организмдеги кант жана холестерин азаят.

Ал эми Food.news интернет порталы жогорудагы өсүмдүктөр кан тамырларды жабыркатпай турганын жазат. Бирок ошол эле маалда аны бардык илдеттерге шыпаа болот деп санабоо керектигин эскертет.

Чач түшпөсүн, тырмак сынбасын десеңиз... С витамини көп 8 азыктын тизмеси

Анын курамында түрдүү клетчатка жана белок арбын. Адистер андан тамак-аш даярдоо алдында буурчактарды сегиз саатка чейин сууга чылап койсо, көбүүрөк пайда болорун баса белгилешет.

43
Белгилер:
төө буурчак, Окумуштуулар, ден соолук
Тема боюнча
Сексолог төшөк мамилесин арттырууга жардамчы болгон азыктарды санап берди
Көмөч казан эскирип калганын кантип билсе болот? Шеф-повардан кеңештер
Бейрутта нааразычылык акциясы

Бейруттагы митингдер күч алды. Акыркы маалыматтар видеодо

150
(жаңыланган 00:44 09.08.2020)
Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

БИШКЕК, 9-авг. — Sputnik. Бейрутта нааразычылык акциясына чыккандар бир нече министрликти басып алышты. Бул тууралуу РИА Новости жазды.

Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

Буга чейин митингчилер ТИМдин имаратына кирип, артынан полиция барганы айтылган. Айрым маалыматтарга караганда, тартип сакчылары элди кууш үчүн ок чыгарган. Бирок расмий тараптар бул маалыматты төгүндөп жатат.

Жеринде тартылган видеолор RT Телеграм-каналында жана Твиттерде жарыяланып жатат.

Акыркы маалыматтарга караганда, жабыркагандардын саны 170ке жетти. Бир нечеси ооруканага жеткирилди.

Бейруттагы жарылуу: Жээнбеков Ливан президентине көңүл айтты

Ошондой эле бир полиция кызматкери өлгөнү маалым болду. Ал Le Grey мейманканасындагы кагылышууда жаракат алган.

Өлкөнүн премьер-министри Хассан Диабдын элге кайрылуусунда өкмөттүн эмки жыйынында мөөнөтүнөн эрте парламенттик шайлоо өткөрүүнү сунуштай турганын айтты. Анын пикиринде, ушул чечим гана өлкөнү кризистен куркарып кала алат.

​Эске салсак, 4-августта Ливандын борбору болгон Бейрут шаарындагы портто катуу жарылуу болгон.

150
Белгилер:
полиция, эл, митинг, жарылуу, Бейрут
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта ири жарылуудан кийин нааразычылык акциясы башталды. Видео
Жамгыр. Архив

Күндүн көзү ачылбайт... Бир жумага карата аба ырайы

23
Келе жаткан аптада өлкөнүн көп бөлүгү жаан-чачындуу болуп, кээ бир жерде катуу жаагандыктан сел жүрүшү мүмкүн.

БИШКЕК, 9-авг. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат таратты.

Ага ылайык, жуманын баш жагында нөшөрлүү жаан-чачын көп болуп, сел жүрүү коркунучтары жаралат. Андан кийинки күндөрү дагы жаан токтобойт.

Бишкекте 9-августта өткүн өтүп, күн күркүрөйт. 13-август күнү күндүз жаан жаашы мүмкүн. Калган күндөрү күн ачык болот. 9-13-август күндөрү Чүй жана Талас облустарында мезгил-мезгили менен, айрым жерлерде катуу жаан жаап, күн күркүрөшү күтүлөт.

Ушул эле күндөрү Баткен облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт.

Ал эми Ысык-Көлдө дагы келерки жумада жаан жаайт.

Ошондой эле Нарын облусунда күндүн көзү ачылбай, эртең менен жана күндүз көпчүлүк аймактарда жаан жаайт.

23
Белгилер:
жаан-чачын, аба ырайы, Кыргызгидромет
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү
Чагылган тийүүдөн кантип сактануу керек. Адистердин кеңеши