Пакистандын Карачи шаарында кулаган  учак

COVID боюнча сүйлөшүп бараткан. Пакистанда кулаган учактын болжолдуу себеби

223
(жаңыланган 00:45 25.06.2020)
Airbus A320 учагы Лахор калаасынан Карачиге учуп баратып аэропортко жакын жерден кулаган. Борттогу 99 адамдын экөө аман калган.

БИШКЕК, 24-июн. — Sputnik. Пакистандын Карачи шаарында кулаган учактын пилоттору протоколду бузган жана коронавирус боюнча сүйлөшүп баратып алаксып кетишкен. Бул тууралуу РИА Новости Пакистандын авиация министри Гулам Сарвар Хандын кырсыктын себебин иликтеген болжолдуу докладына таянуу менен билдирди.

Эске салсак, 22-майда "Пакистандын эл аралык аба каттамдарынын" Airbus A320 учагы Лахор калаасынан Карачи шаарына учуп баратып аэропортко жакын жерден кулаган. Бортто 99 адам болгон, алардын 97си набыт болуп, эки жүргүнчү аман калган. Учак кыйраган жерде жашаган тургундар дагы жаракат алып, бир кыз ооруканада каза болгон.

Алдын ала чыгарылган отчётко ылайык, техникалык мүчүлүштүк кеткен эмес. Жерге биринчи конгондо учактын шассиси чыгарылбай жерге үч жолу урунуп, кыймылдаткычына залакасын тийгизген.

"Учкучтар да, диспетчерлер да протоколду сактаган эмес. Учкуч авиадиспетчердин айткандарын кабыл албай койгон, ал эми алар учкучка кыймылдаткычы жерге урунганын айткан эмес. Эки пилот тең алардын үй-бүлөсүн азапка салган коронавирус боюнча сүйлөшүп баратып конууга жакшы даярдык көргөн эмес, мунун кесепети адам өмүрүн алган трагедияга алып келди", — деп айтылат маалыматта.

Ошондой эле министр борт коштоочулар жана авиадиспетчерлер да жоопкерчиликке тартыла турганын белгилеген.

Ал эми трагедиянын келип чыгышы боюнча иликтөөнүн толук жыйынтыгы бир жылдан кийин чыгарын айткан.

223
Белгилер:
себеп, жыйынтык, иликтөө, Кыйроо, учак, Пакистан
Тема боюнча
Канадада жерден көтөрүлгөн учактын дөңгөлөгү ыргып кетти. Видео
Казакстанда аскер учагы кулап, жоокерлер аман калганга үлгүрүштү. Видео
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

65
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

65
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

148
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

148
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?