БИШКЕК, 26-июн. — Sputnik. Индиянын Бихар жана Уттар-Прадеш штаттарында эки сутканын ичинде 110 адам чагылган тийип каза болду. Бул тууралуу РИА Новости жазды.
Буга чейин Индиянын Бихар штатында чагылган тийип көз жумгандардын саны 83кө жеткен. Ошол эле учурда Уттар-Прадеш штатынын бийлиги бейшемби күнү чагылган 245 адамдын өмүрүн алганын айткан. Дагы үчөө шаршембиде каза болгон.
Бихарда чагылгандан 32 киши жабыркап, 20сы ар кандай жаракаттарды алышкан. Ал эми Уттар-Прадеште 12 адам жабыркаганы маалым болду. Бардыгы ар кандай күйүк менен ооруканага жаткырылган.
Индиянын премьер-министри Нарендра Моди каза болгондордун жакындарына терең кайгыруу менен көңүл айткан.
"Уттар-Прадеш жана Бихардын райондорунда катуу жааган жамгыр менен чагылгандан бир нече адамдын мерт кеткени кабарланды. Өкмөт баарына ыкчам түрдө жардам көрсөтүп жатат", — деп жазган ал Twitter баракчасына.
Штат башчылары каза болгондордун жакындары 400 миң рупийден (397 миң сом) аларын айтып, аба ырайы бузулганда элди үйдө отурууга чакырды.
Казакстанда 69 жылкыга чагылган тийип, кырылып калган видео
Ал арада аба ырайы боюнча департамент Уттар-Прадеш штатында дагы жамгыр жаай турганын божомолдоду. Ошондой эле штаттын бардык райондорунда бир нече күн чагылган түшөрүн да кошумчалаган.
