Америкалык Patriot зениттик ракеталык комплекстери. Архив

Пайдасы жокпу? Америкалык Patriot комплексинин натыйжасыздыгы

252
(жаңыланган 18:48 30.06.2020)
АКШда чыгарылган Patriot зениттик ракеталык комплекстери Сауд Аравиясынын борбору Эр-Риядды йемендик көтөрүлүшчү-хуситтердин аба чабуулунан коргой алган жок. Муну менен аталган жабдык "өткөн замандын куралы" деген беделин дагы бир ирет тастыктап койду.

"Ансар Алла" ("Алланын жардамчылары" кыймылындагы хуситтер, йемендик көтөрүлүшчүлөр) 23-июнда Сауд Аравиясындагы объектилерге сокку уруп жана муну ачык эле моюнга алышты. Бул менен алар өз куралдары америкалык Patriot зениттик ракеталык комплекстеринен кыйла артык экенин көрсөтүштү. Аталган кыймыл жана америкалык бул жабдыктын тегерегинде аскерий баяндамачы Александр Хроленко ой толгогон.

Бир нече сокку уруучу учкучсуз аппарат жана ракеталар хуситтердин тескөөсүндөгү аймактан учурулуп, 700 чакырым аралыкты, абадан коргонуу тутумунун үч позициялык районунан өтүп Эр-Рияддагы бутасын кыйраткан. Reuters агенттиги билдиргендей, хуситтердин ракеталары жана учкучсуз аппараттары армия штабына, Коргоо министрлиги жана авиабазаны бутага алган.

F-35тин мүчүлүштүктөрү: америкалык учактын мандеми эмнеде?

Сауд Аравиясынын Коргоо министрлиги аба буталарынын жок кылынганын билдирди. Анткен менен айрым учкучсуз аппараттар Эр-Рияддагы милдетин аткара алганын болжоого болот. Күбөлөр Сауд Аравиясынын борборундагы эки катуу жарылуу жана калың түтүндү көрүшкөнүн айтышат (эске сала кетсек, былтыр хуситтердин чабуулунан Абкайк жана Хур мунайды кайра иштетүүчү заводдорго жасалган чабуул бул жолкудан да коркунучтуу эле, кесепеттери да оор болгон).

Версиялардын бири боюнча Patriot комплекстери чабуул койгон учкучсуз аппараттарды өздөрүнүкү деп аныктап, өткөрүп жиберишкен. Patriot комплексинин абадан коргонуу жана ракетага каршы коргонуу боюнча идентификациялоо тутуму бузулган же электрондук күрөш каражаттары менен өчүрүлгөн да болушу мүмкүн. Балким, технологиялык жактан акырына чейин жакшыртылбаган "патриоттор" абадагы аз контрасттык буталарын байкабай калган болушу да ыктымал.

Айтор, Сауд Аравиясындагы йемендик хуситтер менен болгон жаңжалдын улам жогорку технологиялуу өңүт алып, бүтүндөй аймак үчүн кооптуулугу артып барат. Ошону менен бирге эле америкалык куралдардын (Patriot РК үчүн кошумча кубаттагычтар жана жаңы позициялык райондор менен кошо) өсүшү да эч нерсеге таасир эте албай калды.

Алдан тайган Patriot

Хуситтер Сауд Аравиясындагы Сальман королунун атындагы аскердик аба күчтөрү базасына жана Коргоо министрлигине чабуул жасаганын айтышкан. Коалициянын маалыматтарына таянсак, королдуктун абадан коргонуу күчтөрү 23-июнда йемендик көтөрүлүшчүлөрдүн Эр-Рияд, Нажран жана Жизан шаарлары тарапка коё берген төрт баллистикалык ракетасын жана бир нече учкучсуз-камикадзени колго түшүргөн.

"Триумфалдык" келишим: Түркия С-400дү алары бышыкталды

Сокку уруучу каражаттарынын жалпы саны айтылбайт, бирок хуситтер али аягына чыга элек "кеңири масштабдуу операция" жөнүндө жар салганы белгилүү. Былтыр күздөгү операцияга бул көтөрүлүшчүлөр 18 дрон жана жети канаттуу ракета менен чыгышкан.

Хуситтердин өкүлү "Касеф" жана "Саммад-3" жаңы учкучсуздардын 1700 чакырым аралыкты багындырууга жөндөмдүү экенин белгилеген. Мында йемендик дрон-камикадзенин мындай аралык менен Сауд Аравиясындагы ар кандай багыттагы (мисалга, Эр-Риядга Катар тараптан чыгуу) бутасын мындай аралыктан кыйрата аларын, мындайда Patriot комплекстеринин пайдасыз болуп каларын, абадан коргонуу сапатына эшелондордун саны таасир этпей турганын түшүнгөн оң.

Patriot комплекси учактарды, баллистикалык буталарды, орто аралыктагы ракеталарды кыйратууга багытталган. АКШнын мамлекеттик катчысы Майк Помпео бир аз мурдараак: "Дүйнөдөгү мыкты делген системалардын эч бири бутасын дайым эле кыйрата албайт" деп билдирген. Эгер алар атайын мыкты жасалбаган болсо, анда Сауд Аравиясынын объекттерине болгон йемендик хуситтердин соккуларынын мизи кайтарылгыс.

Ракеталык курал жана сокку уруучу учкучсуз учуучу аппараттары дүйнөнүн булуң-бурчунда кызуу өнүгүп келет. Ал эми америкалык Patriot зениттик ракеталык комплексинин заманбапташтырылышы бир топ жылдан бери бир жерде тушалып турганын элестетет. РАС-2 жана РАС-3 модификацияларында технологиялык секирик деле байкалбайт.

PAC-3 долбоору жок дегенде "ылдамдатылган" радиолокациялык станция жана жаңы ракетага ээ болду, ал эми башка заманбапташтырууларга айрым түйүн жана агрегаттарды алмаштыруу ниетинде гана караган. Пентагон 2030-жылдын башына чейин чейин Patriot комплексин пайдаланууга берүүнү пландайт, бирок, бул – келечекке ашкере оптимисттик менен карагандай аракет.

Америка да алсам дейт. Калашников автоматы дүйнөнү багынтууда

Тактикалык-техникалык мүнөздөмөлөрүнө караганда, Patriot 100 чакырым аралыктан (баллистикалык ракеталар 25 чакырымга дейре), 25 чакырымга чейинки бийиктикте (баллистикалык ракеталар 11 чакырымга чейин) саатына 2500 чакырым ылдамдыкта учуп келе жаткан аба объекттерин жок кылууга жөндөмдүү.

Зениттик ракеталык комплекс бир эле убакта сегиз чакты бутаны атып түшүрө алат. Комплекстин реакция кылуу, белгиленген чекке жакындашында ракетанын кыймылга келүү убактысы – 15 секунда (бул абдан жай, бул маалда бута 10 чакырымга алыстап кетет). ЗРК Patriot радарынын байкоо салуу бурчу – 90 градус, аба буталары пайда болчу болжолдуу багыттарга карай орнотулат.

Жупуну мүнөздөмөлөрү согушта пайдаланылышындагы ийгиликсиз тажрыйбасы менен да толукталат. Америкалыктар 158 зениттик ракеталарды чыгымдаса да, Иракта 1991-жылдын башында чыгарылган 91 "Скад" Р-17 (антиквариат) ракеталарынын 45ин гана атып түшүрө алган.

Аралыктын кыскалыгы жана бутаны колго түшүрүүнүн бийиктиги – калкалоочу объекттен 20 жана 7 чакырымдан аз болушу америкалык комплекстин негизги кемчилиги болуп чыкты. С-350 "Витязь" тибиндеги заманбап россиялык аналогу менен салыштыруу натуура. Технологиялар жаатындагы айырмасы (радиолокациялык станциянын байкоо салышы, жөнгө салуу ыкчамдыгы, чабуул коюлган буталардын саны, бийиктик диапазону жана кыйратуу ыраактыгы боюнча) болуп көрбөгөндөй деңгээлде.

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

Ошону менен бирге эл аралык рынокто Patriot ЗРК бир даанасы 1 миллиард доллардын тегерегинде турат. 2017-жылы АКШ Сауд Арабиясына 110 миллиард долларга курал саткан. Бул адамзаттын тарыхындагы ири курал сатуу келишими экенин да белгилей кетели.

Балким, бул каражаттардын басымдуу бөлүгү курулай чыгым чыгар, Абадан коргонуу тутумунда америкалык Аскердик-өндүрүш комплексинин "жарнамалык роликтери" улантылбайт. Тегин жерден Япония өз аймагында америкалык Aegis Ashore ракетага каршы коргонуу тутумун сатып алуу жана жайгаштыруудан баш тартпагандыр.

Жергиликтүү өндүрүш

Йемендик көтөрүшчүлөр кыймылындагы ирандык багытты же алардын ирандык курал-жарак менен камсыздалышын дагы бир ирет баса белгилөө реалдуулукту айкындатат. Технологиялык жактан хуситтер өз алдынчалуу, деңизде согуштук аракеттерди тайманбай жүргүзүп келет. Бир аз мурдараак өздөрү өндүргөн, Сауд Аравиясы менен араб коалициясынын согушуна багытталган жаңы учкучсуз аппараттарын жана ракеталарынын көргөзмөсүн өткөрүшкөн. Абадан кол салуунун бул каражаттары жүздөгөн чакырымга уча аларын жана бутасына (белгилүү бир имарат, завод) таамай тиерин эске сала кетели.

Йемендеги конфессиялар аралык, өлкөнүн түндүгү жана түштүгүндөгү саясий жана аймактык тирештер куралдуу жаңжалга тушуктурду, аны жөнгө салуунун жолдоруна ээ эмес.

Сунниттер (салафиттер) менен шииттердин (хуситтердин) ортосундагы тирештин түбү тарыхка барып такалат. Согуштук аракеттердин механикасы таң калтырбайт, бир жагынан шиит-хуситтерди Иран колдойт, ал эми сунниттерди Сауд Аравиясы канатына алган.

"Посейдон" сыноодон өтүүдө: Батыш мүнөздөгөндөй "кыямат күндүн торпедасыбы"?

Йемендин түндүгүндө мунай кендери, ал эми түштүгүндө көмүртектерин жеткирүүдө чоң мааниге ээ Аден порту жайгашкан. Эр-Рияддын "агымды" тескөө тилегинен улам бул аларга майдай жагат.

Көтөрүлүшчү хуситтер 2015-жылы президенттин качышынан кийин бийлик жана Сангу борбор калаасын басып алышканын эске салалы. Сауд Аравия АКШнын батасын алып, бирок БУУнун санкциясы болбой туруп, Бириккен Араб эмирлиги, Бахрейн, Кувейт, Катар, Иордания, Египет, Пакистан, Марокко жана Судандын курал-жарак жагынан колдоосу менен йемендик "хунтага" каршы согуштук операцияны баштаган.

Коалиция качып кеткен президентти жактап келет. БУУ тараптарды анда-санда тынчтыкка чакырып койгону гана болбосо, мында конструктивдүү ролду ойной алган жок. Башкы диспетчердин ролуна АКШ ашыгып жаткандай. Йемендеги жарандык согуш алты жылдан бери уланууда. Ал эми араб коалициясынын кийлигишүүсү согуштук аракеттерди ырбатып гана жиберди.

252
Белгилер:
курал-жарак, армия, Сауд Аравиясы, Йемен, АКШ, ракета, комплекс
Тема боюнча
"Сарматтын" талпынышы. Россияга жаңы Satana эмне үчүн зарыл?
Тоолуу Карабахтагы аскер кызматкерлери

"Жеңил жагдай". АКШ эмнеликтен Баку менен Ереванды элдештире алган жок?

52
(жаңыланган 12:38 28.10.2020)
Тоолуу Карабахтагы жаңжал бир айга чукул убакыттан бери уланууда, гуманитардык элдешүүнүн үч аракети оңунан чыкпады.

Кошмо Штаттардын ортомчулугу аркылуу макулдашылган ок атууну токтотуу режими да дароо эле бузулду. Америкалыктар аймакта тартипти орнотууну убада кылууда, бирок буга ынангандар саналуу. Бул маселеге сереп салган Галия Ибрагимованын макаласы РИА Новости сайтына жарыяланган.

Америкалык жандануу

"Кошмо Штаттар Армения жана Азербайжандын тышкы иштер министрлери жана ОБСЕнин Минск тобунун тең төрагасынын ортосундагы жемиштүү сүйлөшүүлөргө кол кабыш кылды. Биздин аракеттер Тоолуу Карабахтын тегерегиндеги жаңжалды жөнгө салууга багытталган", — деп жар салды АКШ мамлекеттик департаменти.

Россиянын ортомчулугундагы мурдагы эки макулдашуу бузулгандыгын эске алуу менен Майк Помпео: "Зограб Мнацаканян жана Жейхун Байрамов (Армения жана Азербайжандын тышкы иштер министрлери — ред. тактоосу) элдешүүнүн шарттарын аткара тургандыгын ынандырышты", - деп жеке өз атынан бул сүйлөшүүнүн жыйынтыгына кепилдик берген.

Чек араны коргойм! Пашиняндын жубайы Карабахка бара турганын айтты

Тоолуу Карабахтагы жаңжалды жөнгө салууга кызыгуусун АКШ президенти Дональд Трамп да көрсөттү. Нью-Гэмпшир штатындагы тарапташтарынын алдында ал кавказ согушун "чечүүнү" убада кылды. "Эмнеге болбосун? Эгер эмне кыларыңды билсең, бул жеңил эле жагдай", — деди Ак үй башчысы.

Нью-Гэмпшир шайлоодо кимге добуш берүү боюнча так бир чечимге келе элек тургундары бар штаттардын бирине кирет. Аймактагы көп сандагы армениялык диаспоранын добушун тартуу үчүн Трамп ага түз кайрылды.

"Армяндарды карагылачы, кандай күчтүү кишилер. Тозоктогудай күрөшүп келишкен. Күжүрмөн калк. Биз аларга жардам беребиз. Биз Сербия менен Косовонун көйгөйлөрүн чечүүгө көмөктөшкөнбүз. Тоолуу Карабахка да кол сунабыз. Биздин максат — адам өмүрлөрүн сактап калуу", — деп билдирди АКШ лидери. Анын сөзүн аталган штаттагы тарапташтары кол чабуулар менен кубатташты.

Америкалыктардын Армения менен Азербайжанды сүйлөшүүгө бир столго отургузуу демилгесин россиялык президент да колдоого алды. "Вашингтон биз менен үндөш аракетте болот, жөнгө салууда жардамдашат деп ишенем", — деп баса белгилеген Владимир Путин.

Элдешүүнүн үзгүлтүккө учурашы

Гуманитардык элдешүү 26-октябрда жергиликтүү убакыт боюнча эртең мененки саат сегизде күчүнө кирген. Бирок жарым саат өтө электе эле касташкан тараптар макулдашуулардын бузулганын айта башташты. Азербайжан тарап Армениянын Куралдуу күчтөрүн Тертер жана Тоолуу Карабах менен чектешкен калктуу пункттарды аткылоого айыптады. Көп өтпөй армениялык коргоо мекемесинин билдирүүсү жарыяланды. Анда азербайжандык аскерлер "чектешкен чийиндерге карай түндүк-чыгыш багыттарга" артиллериялык ок атышканы айтылат.

"Кан төгүп жатышат". Карабахта россиялык тынчтык орнотуучуларды ким күтөт?

Жарыяланбаган республикадагылар "элдешүүнүн бузулганы боюнча да, түштүктөгү азербайжан позициясынын атышы жөнүндөгү билдирүүнү да" жалган маалымат деп аташты. Бирок түшкө маал үчүнчү гуманитардык элдешүү үзгүлтүккө учураганын моюнга алышты. Степанакерт Карабахтагы Мартунин районундагы кыштактардын бирине ракеталык сокку үчүн Бакуну күнөөлөдү. Ал ортодо Армениянын премьер-министри Никол Пашинян да, Тоолуу Карабах республикасынын башчысы Араик Арутюнян да элдешүүнү (эрежелерин) сактоого даярдыгын билдиришти. Убактылуу тынымга Азербайжан президенти Ильхам Алиев да каршы чыкпады. Ошону менен бирге эле эл аралык ортомчуларды бейтараптуулукка чакырды.

"Эгер ок атууну токтотууну каалашса, Арменияга биздин территориядан чыгышын айтышсын. Андай болбой турган болсо, биз акырына дейре барабыз", — деп эскертти азербайжан лидери.

Тоолуу Карабахтагы кырдаалды жөнгө салууга кызыкдар "тышкы оюнчуларга" Сергей Лавров да кайрылды. Тагыраак, ал Түркияга Кавказдагы таасирин пайдаланууга кеңеш берди.

"Тоолуу Карабах темасы боюнча Түркиянын тышкы иштер министри Чавушолу менен бир нече ирет телефон аркылуу сүйлөштүк. Тынч жөнгө салуу линиясын колдоого Анкараны көндүрүүгө аракет кылуудабыз", — деп маалымдады РФ ТИМ башчысы.

Лавров Карабахтагы абалды турукташтыруучу шарттарды атады

Түркиянын оюндары

ОБСЕнин Минск тобу касташкан тараптарды жараштыруу аракетин токтото элек.

29-октябрь, бейшембиде, аталган топтун тең төрагалары Женевада Армения жана Азербайжандын тышкы иштер министрлери менен кезигет. Бирок бул жаатында серепчилер шектенүү менен карашат.

"Мында араздашкан жактардын кызыкдар болушу маанилүү. Азырынча андай маанай байкалбайт. Ар жолкусунда азербайжан тарап Тоолуу Карабахты аткылоону баштайт. Армениянын аймагына улам дрондор учуп кирүүдө. Бул Бакунун токтогусу келбегенинен кабар берет", — деп эсептейт Армениянын Мамлекеттик башкаруу академиясынын Аймактык изилдөө борборунун илимий кызматкери Жонни Меликян.

ОБСЕнин Минск тобунун аракеттерин Ереван колдоп жатканын белгилөө менен ал Азербайжанга болушуп жаткан Түркиянын бул процесске жолтоо болуп жатканын айтат.

"Москва, Вашингтон, Париж жарашууга үндөөдө. Анкара буга каршы чыгып Бакуну куралдуу конфронтацияга шыкактоодо. Ошону менен катар Түркия тарап ОБСЕнин Минск тобунун теңтөрагасы болуу ниетин да жашырбайт. Эгер ошондой боло турган болсо, бул формат кыйрайт", — деген оюн ортого салат эксперт.

"Капканга түштү". Карабахтагы кагылышуу эмнеге басылбай жатат

Америкалыктардын демилгелери

Россиялык кавказ таануучу Нурлан Гасымовдун пикиринде, Тоолуу Карабахтагы жаңжалды жөнгө салуу боюнча Кошмо Штаттардын ортомчулугу эң башынан бери эле кыйроого дуушар болгон. Айтымында, эки тарап тең жарашууну жаңжал аймагында кошумча резервдерин жакындатуу жана позициясын бекемдетүү үчүн пайдаланууда.

"Лачин коридору үчүн айыгышкыс салгылаш жүрүүдө. Эгер Азербайжан аны басып алса, Армения менен Тоолуу Карабахтын ортосундагы түз коммуникация үзүлөт. Бул жагдайды кескин өзгөртөт. Баку Лачинге бир топ күч салды, ушул тапта Азербайжанга жарашуу пайдасыз", — дейт Гасымов.

Вашингтондун активдүү катышуусун америкалык шайлоо алдындагы өнөктүк менен байланыштырат эксперт. Бирок ал АКШнын жаңы администрациясы Түштүк Кавказга кызыгуусу бачым эле таркайт деген ойдо.

"Вашингтон тараптан тек демилге 1999-жылы көтөрүлгөн. Ал кезде Ки-Уэстедеги жолугушууда Кошмо Штаттардын атынан сүйлөшүү жүргүзүүчү Пол Гобл аймактарды алмашуу планын сунуштаган: Тоолуу Карабахтын тегерегиндеги жети районду Азербайжанга кайтарат, ал эми Баку Армения жана Ирандын чек арасындагы тар тилке – Мегрин коридорун кайтарып алуу менен Арменияга Тоолуу Карабах республикасын жана Лачин коридорун өткөрүп берет.

Түркия Россияны Закавказьеден сүрүп чыгара алабы?

Бирок Ереван баш тарткан, анткени Иран чек арасы өлкөнү тыш дүйнө менен байланыштырып турат. Баку үчүн Гоблдун планы Тоолуу Карабах Республикасынан айрылууну туюндургандыктан, мурдагы президент Гейдар Алиев андай макулдашууга макул болгон эмес", — дейт Гасымов.

АКШнын Тоолуу Карабах жаңжалын жөнгө салуу боюнча 90-жылдардагы аракеттерин эксперт тараптарды жараштыруу да эмес, көбүнесе өзүнүн "Кавказдын мунай-газ секторуна салган инвестицияларынын коопсуздугуна" умтулуу деп баалайт.

"Батыш Түштүк Кавказдагы газ жана мунай түтүктөрүн курууга салган каражаты оңой өлчөмдө эмес эле. Азербайжан мунайы Европада россиялык энергоресурстарга альтернатива катары каралган, америкалыктар муну болушунча колдоого алышкан.

Согуш бул долбоорду ишке ашырууга жолтоо болмок. Бирок Гоблдун планы ишке ашпай калган соң Вашингтон тынчтык орнотуу демилгесин толугу менен Россияга өткөрүп берген", — деп эскерет Гасымов.

Москва менен консенсус

АКШ жана Канада институтунун улук илимий кызматкери Павел Кошкин да америкалык тынчтык орнотуу демилгени шайлоо алдындагы кырдаалга байланыштырат.

"Трамп добушун кимге берери аныктала элек штаттардагы көп сандагы армяндардын диаспорасынын ишенимине татууга ашышат. Бирок шайлоодон кийин Вашингтон Кавказды кайрадан унуткарат", — деп болжойт эксперт.

Кошкиндин пикиринде, Тоолуу Карабахтагы кырдаал көзөмөлгө салына тургандай туюлган, ошондуктан алар аны жөнгө салуу маселесинен бир топ жылдан бери оолак калды. "Украина же Грузиядагы жагдайдан айырмаланып АКШга бул анчалык чиеленишкен маселе катары сезилген эмес. Башка дымып турган жаңжалдарга салыштырмалуу мында дайым Москва менен консенсус бар эле", – деп түшүндүрөт серепчи.

Ак үйдүн башына ким келсе да, Тоолуу Карабахка кызыгуу маргиналдык болуп каларын айтат Кошкин. Мында Вашингтондун Москванын пикирине таянган саналуу темалардан экендигинин мааниси чоң.

52
Белгилер:
Азербайжан, Армения, согуш, Кавказ, Россия, элдешүү, Тоолуу Карабах, АКШ
Тема:
Тоолуу Карабахтагы жаңжал
Бейтаптын давлениесин өлчөп жаткан дарыгер. Архив

Эт жей албай... Коронавирустан айыккандар дарттын өзгөчө белгилерин аташты

109
(жаңыланган 11:30 28.10.2020)
Сергей Ланг коронавирус менен үй-бүлө мүчөлөрүнүн баары ооруганын айткан. Илдетти жеңген менен анын кесепети кийин дагы байкалган.

БИШКЕК, 28-окт. — Sputnik. Sputnik радиосуна маек курган россиялык психолог Сергей Ланг коронавирус менен ооруп айыкканын айтып, дартты коштогон башкача белгилерди атады.

Адатта коронавирус менен ооруганда дененин табы көтөрүлүп, даам, жыт сезбей, жөтөлүп, адам алсырап калары айтылып келет. Психолог белгилегендей, ооруган адам дүрбөлөңгө түшүп, уйкусу да качып калат.

"Кан басымымда көйгөй жаралып, башым тынбай ооруп туруп алды. Андан тышкары, дене табым бир көтөрүлүп, бир түшүп жатты. Эртең менен 37 градус болсо, үч сааттан кийин 36 градус, дагы үч сааттан кийин кайра 37 градустан жогору болуп кетти. Уйку качып, түнү менен уктай албайсың. Дүрбөлөңгө түшүп, буту-колуңду бүт оорутат экен. Менде оору жеңил формада өтсө, аялымдыкы оор өттү", — деди психолог.

Ланг коронавирус менен үй-бүлө мүчөлөрүнүн баары ооруганын айткан. Дартты жеңген менен анын кесепети кийин дагы байкалган.

"Ден соолук мурдагыдай болбой калды. Дайыма башым ооруйт. Аялымдын табити, даам сезүүсү өзгөрүп кетти. Мисалы, азыр ал эт жей албайт. Ага эттин баары жыттанып кеткендей сезилип жатат", — деди Ланг.

Коронавирустун белгилери байкалса кайда кайрылуу керек? Телефондор

Медиктердин айтымында, коронавирус жуктуруп алган учурда көбүнчө адам чыйрыгып, кургак жөтөл башталып, бат чарчайт.

109
Белгилер:
кесепет, психолог, белги, оору, коронавирус
Тема:
Дүйнөгө жайылган коронавирус
Тема боюнча
Азизбекова: республикада COVID-19ду дарылоо үчүн дары-дармек жетиштүү
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

0
(жаңыланган 14:28 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

0
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео