Лабораториянын кызматкери жумуш учурунда

ДССУ: дүйнөдө коронавируска каршы 141 вакцина иштелип чыгууда

217
(жаңыланган 09:47 02.07.2020)
Эл аралык уюмдун жетекчиси белгилегендей, коронавирус жайылып баштагандан бери окумуштуулар анын вакцинасын табууга киришип, айрымдарыныкы сыноодон өтүп бүтөйүн деп калды.

БИШКЕК, 2-июл. — Sputnik. Дүйнөлүк саламаттык сактоо уюмунун (ДССУ) башкы директору Тедрос Адханом Гебрейесус учурда дүйнөдө коронавируска каршы 141 вакцина иштелип чыгып жаткандыгын билдирди. Бул тууралуу РИА Новости жазды.

"Албетте, окумуштуулардын аракети элди оорудан толук түрдө коргойт деген кепилдик азырынча жок. Бирок биз жакшы нерселерге үмүт артып жатабыз. Коронавирус жайылып баштагандан тарта адистер анын вакцинасын табууга далалат кылып, эмгектенип жатышат. Айрымдарыныкы сыноодон өтүп бүтөйүн деп калды. Учурда 141 вакцина иштелип чыгууда", — деген Гебрейесус.

Эксперт Россияда коронавируска каршы вакцина алгач кимдерге сайыларын айтты

Дүйнөлүк саламаттык сактоо уюму 11-мартта коронавирус инфекциясын пандемия деп жарыялаган. Жонс Хопкинс университетинин соңку маалыматы боюнча, жер жүзүндө 10 667 217 адам коронавируска чалдыгып, анын дээрлик жарымы айыкты. Ал эми оорудан 515 646 бейтап көз жумган.

217
Тема:
Дүйнөгө жайылган коронавирус (966)
Тема боюнча
CОVID менен күрөшүү: Кыргызстанга Роспотребнадзордун өкүлдөрү келди
Окумуштуу: узак жашагандардын бир жалпылыгы бар
Бишкекке жардам берүү үчүн аймактардан дарыгерлер келмей болду
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

39
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

39
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Дистанциондук сабак өтүп жаткан окуучу. Архив

Аралыктан окууда баланын пижамачан отурганы туура эмес. Адистин кеңеши

135
(жаңыланган 18:55 13.08.2020)
Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

БИШКЕК, 13-авг. — Sputnik. Балага аралыктан окуган учурда кийимин алмаштыруу талапка ылайык. Бул тууралуу Sputnik Казакстан радиосунун эфиринде "Квалификацияны жогорулатуу боюнча улуттук борбор" мекемесинин бөлүм башчысы Айман Кусаинова айтып берди.

"Үйдө отуруп сабакка мектептегидей кунт коюу, процесске баш-оту менен аралашуу бала үчүн оңой эмес. Балалык кылып ар нерсеге алаксыйт. Ошол себептен болушунча мектептегидей атмосфера керек. Жадагалса кийимине чейин алмаштырып, өзүн кадимки сабакта отургандай сезгенге шарт түзүү зарыл", — деди Кусаинова.

Министрлик окуучулардын мектеп формасы боюнча түшүндүрмө берди

Анын айтымында, колдон келишинде бала сабак окуган бөлмө же бурч ошол гана максатта колдонулганы жакшы.

"Ал жерде ар дайым компьютер, планшет сыяктуу байланыш каражаты жана окуу куралдары гана болушу шарт", — дейт адис.

Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

135
Белгилер:
кеңеш, кийим, окуучулар, мектеп
Тема боюнча
1-класстар мектепке күн алыс барып окушу мүмкүн. Элмира Иманалиева менен маек