Дүйнөлүк саламаттык сактоо уюмунунун имараты. Архив

ДССУ жаңы вирус тууралуу айткан кытайлык окумуштууларга жооп берди

480
(жаңыланган 13:05 02.07.2020)
Буга чейин кытайлык изилдөөчүлөр чочко тумоосунун белгисиз штаммын таап чыкканын кабарлап, ал тумоо жаңы пандемияны шартташы мүмкүн экендигин айтышкан.

БИШКЕК, 2-июл. — Sputnik. Дүйнөлүк саламаттык сактоо уюму коркунуч жаратып пандемияга алып келет делген чочко тумоосунун канчалык деңгээлде кооптуу экендигин айтты. Жума башында ал тумоо боюнча кытайлык окумуштуулар билдирүү тараткан.

Женевадагы брифингде ДССУнун саламаттык сактоодогу өзгөчө кырдаалдар боюнча программасынын директору Майкл Райан ал вирус жаңы эместигин жана чочко тумоосунун башка түрү экендигин билдирди.

"Азыр элди тынчтандыруу керек. Ал жаңы вирус эмес, толугу менен биздин көзөмөлдө турат. Ага байкоо салып турабыз", — деп ишендирди Райан.

Пульмонолог Сооронбаев: 30 жыл иштеп мындай пневмонияны көргөн эмесмин

Анын айтымында, кытайлык адистер кабарлаган чочко тумоосу 2016-жылдагы белгилүү евразиялык чочко тумоонун штаммы жана куш тумоосуна окшош.

Бирок ага карабай эл аралык уюм абалды андан ары изилдөө үчүн Кытай тарап менен кызматташууга үмүт артууда. Буга чейин кытайлык изилдөөчүлөр чочко тумоосунун белгисиз штаммын таап чыкканын кабарлап, ал тумоо жаңы пандемияны шартташы мүмкүн экендигин айтышкан.

480
Белгилер:
Кытай, пандемия, чочко, Дүйнөлүк саламаттыкты сактоо уюму
Тема:
Дүйнөгө жайылган коронавирус (966)
Тема боюнча
Кыргызстанда пневмониядан бир суткада 17 киши көз жумду
Коронавирустан тышкары сасык тумоо тарап жатабы? Пульмонологдун жообу
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

39
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

39
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Дистанциондук сабак өтүп жаткан окуучу. Архив

Аралыктан окууда баланын пижамачан отурганы туура эмес. Адистин кеңеши

135
(жаңыланган 18:55 13.08.2020)
Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

БИШКЕК, 13-авг. — Sputnik. Балага аралыктан окуган учурда кийимин алмаштыруу талапка ылайык. Бул тууралуу Sputnik Казакстан радиосунун эфиринде "Квалификацияны жогорулатуу боюнча улуттук борбор" мекемесинин бөлүм башчысы Айман Кусаинова айтып берди.

"Үйдө отуруп сабакка мектептегидей кунт коюу, процесске баш-оту менен аралашуу бала үчүн оңой эмес. Балалык кылып ар нерсеге алаксыйт. Ошол себептен болушунча мектептегидей атмосфера керек. Жадагалса кийимине чейин алмаштырып, өзүн кадимки сабакта отургандай сезгенге шарт түзүү зарыл", — деди Кусаинова.

Министрлик окуучулардын мектеп формасы боюнча түшүндүрмө берди

Анын айтымында, колдон келишинде бала сабак окуган бөлмө же бурч ошол гана максатта колдонулганы жакшы.

"Ал жерде ар дайым компьютер, планшет сыяктуу байланыш каражаты жана окуу куралдары гана болушу шарт", — дейт адис.

Белгилей кетсек, өлкөдөгү эпидемиологиялык абал жакшырганга чейин окуучуларды аралыктан окутуу пландалып жатат. Болгону 1, 5, 9 жана 11-класстар күн алыс мектепке барып, калган учурда үйдө окушу мүмкүн.

135
Белгилер:
кеңеш, кийим, окуучулар, мектеп
Тема боюнча
1-класстар мектепке күн алыс барып окушу мүмкүн. Элмира Иманалиева менен маек